ايهما اسرع فى اعادة البيع

**wessampo** · 15-07-2008 03:22 AM

السلام عليكم ورحمة الله وبركاتة اولا انا عايز اعرف العربيات الانجكشن تصليحها سهل زى العادى وفى اى حتة ولا لا ثانيا ايهما اسرع فة اعادة البيع 1-السكودا 2-الهونداى اكسا 3-السوزوكى سويفت 4- الجولف

**semsem_tv** · 15-07-2008 03:25 AM

أسرع عربية في إعادة البيع هى الهيونداى طبعا

**madawbs** · 15-07-2008 09:29 AM

الهيونداى اسرع فى كل حاجة اسرع فى اعادة بيعها اسرع عربية تعمل حوادث اسرع عربية لما تتخبط او حد يسند عليها تتطبق وتتبهدل بصراحة هايلة

السويفت مابتتباعش اصلا السويفت واحد بيدبس فيها واحد تانى

الاسكودا بتتباع فى السوق بسرعة مش عارف ليه مع انها عربية خشنة وقطع غيارها غالية ومشيها مش حلو قوى بس مطلوبة ( يمكن علشان سير الكاتينة بتاعها حديد )

الجولف ليها ناسها مش اى حد يركب جولف ومش اى حد يبيعها ولا يشتريها وهى تقيلة فى البيع شوية ولازم الى بيشتريها يتأكد ان العربية سليمة من ناحية الاساسات (الحوضو الشنطة والقوايم) انما هى عربيات هايلة والى بيركبها بيتعامل مع اى عربية تانية على انها مش عربية اساسا ( مانا لازم اكون متحيز طبعا )

**Sharky** · 15-07-2008 09:38 AM

الهيونداى أسرعهم فى البيع

**wessampo** · 15-07-2008 11:41 AM

الف الف شكر با جماعة اصل انا سمعت ان الاسكودا ملهاش صنيعية كتير بتفهم فيها وانها تقيلة فى البيع

**wessampo** · 15-07-2008 05:13 PM

معلش يا جماعة علشان رددودكم هى الى هتحددلى اشتريها ولا لا هل عيوبها 1- تقيلة فى اعادة البيع اصلى شايف اعداد كبيرة منها على كونتاكت مش زى باقى العربيات2- هل قطع غيارا غالية وهل بتكون معمرة ولالا 3- السخونة المشهورة فى الاسكودا لها حل ولا لا 4- فى صنايعية لها كثير ولا محدودين وطبعا هيبقى اجرتهم كبيرة5- ارجو سرعة رددودكم لاهميتها لى جدا جدا ولثقتى بكم واخيرا السلام عليكم ورحمة الله وبركاتة

**wessampo** · 16-07-2008 02:58 AM

الردود فين يا جماعة انا محتاج الردود دى جدا

**mohamed2002** · 16-07-2008 03:00 AM

المشاركة الأصلية كتبت بواسطة wessampo

معلش يا جماعة علشان رددودكم هى الى هتحددلى اشتريها ولا لا هل عيوبها 1- تقيلة فى اعادة البيع اصلى شايف اعداد كبيرة منها على كونتاكت مش زى باقى العربيات2- هل قطع غيارا غالية وهل بتكون معمرة ولالا 3- السخونة المشهورة فى الاسكودا لها حل ولا لا 4- فى صنايعية لها كثير ولا محدودين وطبعا هيبقى اجرتهم كبيرة5- ارجو سرعة رددودكم لاهميتها لى جدا جدا ولثقتى بكم واخيرا السلام عليكم ورحمة الله وبركاتة

تقدر تخش قسم الاسكودا وتلم معلومات اكتر,بس حسب معلوماتي,قطع غيار متوفره,جديد,استعمال,تقيلة في سواقتها,مشكله السخونية .بس اكيد لها حل