اقتباس المشاركة الأصلية كتبت بواسطة مواطن مصرى مشاهدة المشاركة
عايز اعرف هى ينفع اغير الماتور اللى فيها اللى هو 1100 ل ماتور 1300 ؟؟

ينفع طبعاً .. و ياريت يكون موتور ريتمو ريجاتا 1300 بالفتيس بتاعو الخمسه غيار .. هتبقى فوقت العربيه ..
الموتور بالفتيس مش اقل من 2500 جنيه و هتحتاج تعديل بسيط علشان تركبه هتلغى القنطره و تغير حاجه فى الميزان علشان تعرف تجيب الخامس و تغير شداد الموتور اللى فوق ..

اركب ليها جنوط اسبور ولا لا مقاس الجنط اللى فيها 14 ,, 175 ولو ينفع اشد الانواع ايه ؟.

لو عايز تركب جنوط سبور صينى .. انصحك بلاش
دور على جنوط استيراد 13 بتاعت الريتمو (اللى بيسموها الابلانص) او الفيات 132 (اللى بيسموها المروحه) و ركبها هتدى شكل جامد جدا على كاوتش 13-60-165 هيعرض معاك و هيدى ثبات

ايه اكتر لون من وجهه نظرك يكون جامد على العربية ..

اصفر - اخضر فسفورى - لو تعرف سكه فى المرور تثبت لونين على الرخصه اديها لونين زى الشطرنج تبقى عربيه سباق ..
و بلاش موضوع الاستيكرات ..
تسلم ايدك على الرد الجميل ده

بس متهيالى مش محتاج حد فى المرور لان العربية اصلا مثبوتة لونين
ولا ده ممكن يعمل حوار لو غيرتها لونين (انا مرور فيصل)