الموضوع: تيجو 2013 جامده مووووووت

المشاركة الأصلية كتبت بواسطة gamalo

ياجماعة بردة لحد الان مش قادرين نعترف ان الصين داخلة بقوة مش طبيعية لية عقدتنا من الصيني متمركزة اوي ف دماغنا والله مكتسحة وخاصة ف عالم السيارات بس بردة المشكلة عندنا هنا ان التقفيل هو الي بيبوظ كفاءة العربية دا خلاف الي بيتشال من العربية يعني انا مثلا عندي m11 من حوالي شهر مكنتش متوقع الفخامة والكماليات والعفشة الي تستاهل سلام مربع فعلا في عربية صيني زي دي بسم الله ماشاء الله العربية تحفة ف كل حاجة بس نرجع بقي لابو الفتوح يعني انا لما شاهدت العربية علي النت لقيت فيها مالتي ف عجلة القيادة وفيها ايرباج اخونا بالله ابو الفتوح بيشيل الكماليات دي يعني لو سابها اية هايحصل ميزود الف ولا الفين ويسبها زي ماهي نازلة ولا لازم البصمة المصرية تحط بصمتها علي كل حاجة لان المصريين ميلزمهمش الكلام دة يعني العربية بتبقي تحفة تيجي لحاجات خايبة كدة ف التقفيل وخاصة تقفيل الفنش بتاع الصاج حاجات صغيرة بس تلاقيها عيب ف عربيتك مش عارف هو محدش بيبص علي الفنش الاخير للعربية ولا بتطلع من المصنع علي كدة ولا اية

ياسيدى الفاضل، المشكلة فى نزول العربية بكماليات اقل فى مصر، بتكون بسبب الجمارك العالية عندنا فى المحروسة والبتخلى الوكيل يشيل اليقدر علية علشان يحافظ على التكلفة والمنافسة السعرية، ودى موش ابو الفتوح بس ، عربية سيادتك ب72 الف جم، غبور منزل الالنترا 2013 ب139الف جم بدون ايرباج او فرامل اى بى اس او سنسور ،،،،،،،،،الخ يعنى تقدر تقول الوكيل موش السبب الاساسى، لانة اكيد عاوز عربية مميزة اوى يقدر يحقق معاها مبيعات عالية، ومن ناحية اخرى ابو الفتوح بيحافظ على سعر معين ينزل بية العربية، علشان هو عارف ثقافة الناس وموقفها من الصينى، يعنى لو نزل عربية حضرتك ام11 ب90 الف جم بتقول بابا وماما ، أعتقد حضرتك ممكن كنت فكرت فى عربية تانية كورى يابانى حتى لو مستعملة(اعتقد انة دة احتراف فى البيع وقراية السوق).