الموضوع: اللاجئات السوريات.. جوارى المصريين فى «كفر عثمان»

المشاركة الأصلية كتبت بواسطة حماده المصري

الحمد لله احنا الدوله الوحيده الي السوريين فيها مش عايشين في خيم

والله الواحد مش عايز يقولها لأحسن حد يفتكرنا بنمن على حد
أبدا. بس شوف اللاجئين في مصر سواء سوريين أو حتى سودانيين من أيام زمان تلاقيهم بيتعاملوا نفس معاملتنا
مشكلة معظم اللاجئين واللي عاوزين التهويل إنهم بيقارنوا بين اللاجئ في مصر وبين المواطن في الخارج. لا يا سيدي من فضلك قارن بين اللاجئ في مصر والمواطن في مصر

المشاركة الأصلية كتبت بواسطة blazer

لا حول ولا قوة الا بالله
مش مصدق بصراحه ان الحال وصل لكد!!!!!

انا عن نفسى نفسى اتجوز سورية ,, ومن قبل الى حصل عندهم عشان لى اصدقاء سوريين وجيران فى السعودية وناس زى الفل ما شاء الله عليهم

بس طبعا مش زى الى بيتقال هنا دا
دا اسمه هبل
دا بلعكس واحده مش عاوزه غير الستر يبقى تشيلها فووووووووووووق راسك لان دى ملهاش غيرك دلوقتى مش تعاملها كسلعة تبيعها وتشترى فيها

راجل أخلاق و ذوق
تسلم ايديك اللي كتبت

المشاركة الأصلية كتبت بواسطة حماده المصري

في فئه من الناس على مستوى انحاءالعالم بيبقوا فقراء وفي نفس الوقت جهله للاسف

زي البرنس الجميل الي كان مرمي في الشارع وعيلته مش عارف 7 انفار ووقف قدام قنديل بعد ما الحكومه جابتله غرفتين وصاله معجبوش وقال كده في وش هشام قنديل لدرجه انه قنديل اتنرفز وقال انا طول عمري قاعد في اوضتين وصاله ومشتكتش يعني هو مش عاجبه العجب واكيد هتلاقي في الشعب السوري فئه زي كده

في الاساس فقراء ولاجئين في مصر المفروض يقعدوا فين في الزمالك
م هما اساسا رايحين منطقه الفقر مبهدلها وكمان الناس المحترمه الي فيها_ بيعانوا معاناه السوريين واكثر كمان لانهم للاسف مصريين واصحاب بلد وبيكحوا تراب

قالك جوازه ب 5 الف جنيه طب انت مفيش جوازات في مصر ب 5 الف جنيه قسما بالله انا وقفت قدامي جوازه على 500 جنيه مش عارف يتصرف فيهم في بلد في ناس بتجيب خاتم خطوبه ب 300 الف جنيه
في بلد فيها بنات يتامى متربيين في ملاجئ وملكات جمال واحلى من القمر وبتتمنى الستر وممكن تتجوز اي حد لا تتمنى الا الستر وفي نفس البلد بنت مرهفه شويه ممكن ترفض مليونيير كبير اوي عشان مناخيره كبيره او بيشخر وهو نايم

ايه ياجماعه فككوا من الهجص ده مقال ملوش اي 30 لازمه الحقيقه ولو بصيت على معاناه اهل كفر مش عارف ايه اللي احنا منعرفش عنها حاجه واحنا مصريين هتلاقيهم بيعانوا زييهم زي السوريين بالضبط

صاحب المقال محسسك انه في ملياردير مصري اشترى 300 الف لاجء سوري بفلوسه وعمال بقى يمارس فكره المنحرف عليهم وعمال يبيع ويشتري فيهم ويفصل زي ما هو عايز

ده شيء عادي جدا الجواز افضل من الانحراف وانه شيخ جامع يقول في بنات للزواج مش عيب دي ستره افضل من الانحراف ولما شاب فقير يتجوز ويحاول يستر عيله بالفقر افضل من انه العيله دي تبقى في الشارع

وفي النهايه الشعب السوري على عيننا وراسنا من فوق بس دي محنه وان شاء الله تعدي

+1

فيه ناس فى مصر فعلا بتاكل من الزبالة و بتنام فى عز البرد على الرصيف

احنا اصلا دولة حالها تعبان مش دولة غنية يعنى اولى بينا قبل ما ندور على اننا نوفر عيشة محترمة للاجئين نوفر عيشة محترمة للناس المصريين الغلابة

فيه حاجة كمان ال5 آلاف اللي بيقولوا عليهم دول مش مهر دول رسوم خاطبة --إن صح التعبير-- يعني ممكن جدا تتشرط الشابة زي ما هي عايزة وهو ده الطبيعي. وياريتهم في المقالات جابوا سيدات اتجوزوا فعلا لأ ده كلام منقول وأكذب الحديث أن يحدث الرجل بكل ما سمع.

مع خالص الاحترام لناقل المقال الفاكس ده مافيش حاجه من الكلام الفارغ ده بتحصل المقال كله كذب في كذب من جريدة قذرة تخصص اشاعات وكذب فقط واللى الاساس فيه الهجوم على الجمعية الشرعية ... وللمعلوم من حضر من الاخوة السوريين الى مصر هم ميسوري ومتوسطي الحال الفقراء منهم قله بسيطة اما من هم فقراء الغالبية في معسكرات في الاردن والعراق وتركيا أما منطقة كفر عثمان دي اللى اول مرة اسمع عنها إلا في مركز شبراخيت بالبحيرة فقط
من الاخر الكلام اشاعة لتشويه العلاقات بين مصر والثوار المعارضين للنظام الوحشي في سوريا والذي له ايضا كلاب نابحه في مصر والحدق يفهم مين مع النظام السوري الوحشي ...!!!
وده رابط الجريدة القذرة اللى عاملة المقال القذر مثلها
اللاجئات السوريات.. جوارى المصريين فى «كفر عثمان»