الموضوع: يا جـــــــــــــــــماعة ارحمونا وردوا علينا!!

بسم الله الرحم الرحيم،

- اى عربية جديدة فى السوق (وحالياً زى بريليانس واميجراند ويارس المتوقعة وسابقاً لوجان فى بدايتها) اكيد هيكون فية تاخير فى توفير قطع الغيار فى السنة الاولى والصنى ليست استثناء.
السؤال المهم ما هى قطع الغيار الغير متوفرة ويوجد تاخير فيها، هل تيل الفرامل مثلاً او الفلاتر، هتلاقى الاجابة بلا بل قنطرة او رفرف. بمعنى النواقص من نتائج الحوادث وليست من نتائج الاستخدام، وبالتالى اى وكيل بيحط الاول خطة وتوقع ان الحوادث (خارج مصر) بتكون نسبتها قليلة وبالتالى توفير تلك قطع الغيار ليست اولوية ولكن يتم توفيرها مع الوقت، ونيسان ليست استثناء. ما هو مهم هو توفير قطع الغيار من الوكيل وهى حالياً مصنعة فى مصر (متجمعة) وبالتالى فتوفير قطع الغيار مسئلة وقت واهتمام الوكيل حالياً بالمواضيع دى بتخلى فية اطمئنان لتوافرها فى وقت قريب. واخر حاجة مواضيع الشكواى بتخلص على اية ودة الفيصل، الموضوع بيتحل ولا لأ.

- القسم مفيش لية مسئول بالمعنى الحرفى للكلمة ولكن منسق (للمواضيع وفاعليات القسم) ومشرف (لمنع التجاوزات او المخالفات). وبالتالى كلنا مسئولين فى القسم.
خليك ايجابى، ابعت شكوى وتابعها وبلغنا بالتطور فيها، او جمع معاك ملاك للسيارة واعمل شكوى جماعية، تواصل مع الشركة او التوكيل واحكيلنا عملت اية. احكى تجاربك ونصايحك.
انما التواكل على القسم كأنه فرع لنيسان فدة غير طبيعى او حتى منطقى. يمكن علشان بعض الاعضاء النشطاء عرفوا يعملوا مكانة مع نيسان مصر وبالتالى بقى ليهم دور فى توصيل المعلومة بس دة مجهودهم هما بشخصهم مش علشان هما مسئولين هنا! ولو خرجوا من القسم الفوائد كلها هتخرج معاهم وللأسف مش هنعرف نعوضهم.
فية منتدبات سيارات تانية وقسم نيسان فيها نايم على الاخر لدرجة ان انا بخش الاجتماعى فيها اكتر من نيسان. معنى كدة ان المسئولين هناك مش شايفين شغلهم، اعتقد الاجابة لأ، الاعضاء هما الى مش شايفين شغلهم.
انا لما انسق او اتابع موضوع فدة تطوع منى ومن وقتى غير كدة - بلاها وجع الدماغ على الفاضى هو انا ناقص.
تفاعلنا كاعضاء هو الى بيعمل قسم، غير كدة ولا لينا اى وزن.

خد كلامى بصدر رحب ومتعتبرهوش نقد او معاتبة. انا كعضو فى القسم بشجعك انك تشارك معانا، حاول واحنا معاك، خد الخطوة الاول خليك جرئ، التفاعل دة هو الى بيخلي القسم ناجح بمشاركة اعضاءة، وكل عضو هو المسئول الاول فى القسم.

والسلام ختام

المشاركة الأصلية كتبت بواسطة hanyfarag

أنا عايز اقول حاجة أنا دلوقتى مش عارف أعمل أيه هتجنن:copy of majd(4):من اللي بيحصل أعضاء كتير بيشتكوا من العربية بعد 1300و2000 ك مشى بالعربية يعنى العربية لسه فى مرحلة التليين والناس بتقول فى مشاكل بدات تظهر فى العربيه وخد عندك صةت صفره فى الطنابير الامامية صوت صفره من الخلف فى التيل صوت تزيقه من المساعدين فى الخلف قطع الغيار مش متوفرة ولو موجودة هتبقى غالية وتوكيل مش بيسمع لشكوى العملاء وبعدين أنا واحد من الناس اللى حبيت العربية عن طريق التقارير للأعضاء المحترمين اللى تعبوا فيها علشان توصلنا بالشكل دة مشكورين طبعا بس دلوقتى احنا عندنا مشكله مع كميه المشاكل اللى بتظهر كل يوم من شكاوى اصحاب العربية فنرجـــوا من المسئولين عن القسم التواصل مع شركه نيسان علشان هيشوفوا حلول للشكاوى المتوصلة وبصراحة انا بفكر أنى استنى شوية على الاستلام لغاية لما اشوف اهتمام من الشركه للرد على شكاوى عملائها ياريت حد يلحقنا ويرد علينا