الموضوع: شفرة المفتاح راحت

السلام عليكم ورحمة الله وبركاته
سكودا فليشيا موديل 2000 وش اوكتافيا موتور انجكشن 1300سى سى
روحت لبتاع المفاتيح عملت مفتاح بـ 50جنيه بمجرد وضعه فى الكونتاكت الدنيا راحت فى داهيه والجدع يدور الموتور الكلام ده من اربعةايام وكل بتوع المفاتيح والكارتات تايهين والله المستعان
اللى عنده حل يتقدم مشكورا به وله كل التقدير وياريت يكون اسكندرانى

المشاركة الأصلية كتبت بواسطة saint

على فكرة انا مش فاهم حاجة.
اهدي شوية علشان انا عاوز افيدك.
اولا انت عملت مفتاح جديد ليه ؟.
والمفتاح القديم اللى كنت بتدور بيه قبل كده لسه معاك ؟.
الشفرة اللى فى المفتاح القديم والجديد ضاعت ولا العربية مش قارية حاجة ؟.
من فضلك وضح بشرح اكتر.
ربنا معاك.

اخى الحبيب بارك الله فيك
الموضوع بالتفصيل الممل
انا ركنت العربيه فى الجراج ورحت مشوار لقيت فى طريقى بتاع مفاتيح قلت اعمل مفتاح احتياطى للعربيه كنت لسه شاريها من 5 ايام بتاع المفاتيح قالى فين العربيه قلت فى الجراج قالى لو المفتاح مشفر بيعمل 150جنيه لو عادى بيعمل 50 جنيه قلت ماشى واعرف ازاى انه مشفر قالى انا هاعرفه ودخل جوه وطلع قالى انا لقيت مفتاحك بدون شفره وبناء عليه عمل مفتاح ب 50 جنيه عادى
روحت ادور العربيه رفضت تماما المحرك يدور ويبطل فى الحال روحت لميكانيكى سئل كهربائى قاله العربيه فيها شفره وسقطت لأن الفحمه بتاعت المفتاح غير موجوده جابلى بتاع مفاتيح بالجهاز بتاعه لم يستطع قراءة الداتا بتاعت العربيه من كارتة الايمو بليزر جاب بتاع كارتات يختبر الكارته قالى ان الكارته باظت او اتعمل عليها بلوك الحل الوحيد اما ان تشترى كارته وبتعمل 300 جنيه بالفحمه مستعمل واما ان الغى لك الشفره مؤقتا وتشتغل باى مفتاح بصراحه اخترت الحل الثانى مؤقتا لكن بيراودنى كل فتره انى اشوف حد تانى يمكن يجد لى حل بدون شراء كارته واذا لم يتيسر ذلك ساشترى كارته وامرى الى الله لأن تشفير المفتاح بصراحه بيعطينى امان شويه فى الركنه فى اى مكان الكلام ده اخذ اربعة ايام كامله
واخيرا تقبلوا جميعا تحياتى وارجو ان اكون وضحت الموضوع