سؤال لو تكرمتم

**sgharib** · 15-07-2008 10:57 AM

أنوي شراء سيارة لانسر بإذن الله ...هل من الضروري شراؤها مع الضمان ؟

أنا لا أريد الضمان في شئ لأني مقيم بالخارج ولن أستعملها سوى شهر بالسنة

وهل ذلك يفرق في السعر ( وجود الضمان من عدمه)

وبعدين إذا أردت أن أعمل لها صيانة ...هل من الضروري أن أذهب الى مراكز الخدمة المعتمدة للوكيل أم ممكن أعمل الصيانة في أى مركز صيانة فيه ناس شاطرين

شكرا لكم مقدماً

**محمد عز** · 15-07-2008 11:24 AM

اكييد الضمان مفييد
لا قدر الله ممكن تحصل حاجة خلال الشهر اللى انته بتستعملها فيه
يبقى خليك فى المضمون
فايدة الضمان انه بيحميك من عيوب الصناعه
وعيوب الصناعه وارده ، لكن اليابانى بصفه عامة عيوب الصناعه بتبقى فيه قليلة جدا

اما السعر فهى بتفرق فعلا
العربيه المستوبيشى المصرى اغلى من الخليجى علشان الضمان

اما موضوع الصيانه
الفكره انك تعمله فى التوكيل او المراكز المعتمدة ، انك تحافظ على الضمان
لكن لو انت هتجيبها من غير ضمان
اعمل الصيانه فى اى حته
مع انى افضل التوكيل والمراكز المعتمدة علشان راحة البال ، حتى لو هادفع ازيد

**sgharib** · 15-07-2008 12:00 PM

شكراً على الرد

**salehgharib** · 15-07-2008 03:39 PM

أنا عندى رأى خاص بى لو إنت بتنزل شهر بالسنة مفيش داع لشراء سيار أصلا

ولو محتاج سيارة ممكن تأجرها خلال الشهر

وشكرا ودا رأى

لآنك هتخسر حجتين
1- الضمان
2- موديل العربية هيكون قديم ( لكن إستعمال خفيف) عند إعادة البيع

يعى تأجير سيارة هو الحل أو الإستعانة بالأخرين خلال تلك الفترة وعلى فكرة قيادة السيارة أصبحت مملة جدا فى الزحمة قيادة السيارة فقدت المتعة والإستمتاع من الزحام وسلوك الناس خلال القيادة

وعلى فكرة إنت اليوزر بتاعك قريب من اليوزر الخاص بى

**limo** · 15-07-2008 06:58 PM

لو فرق السعر مش مغرى يبقى الافضل انك تاخذ الضمان
بس انت حدد الاول انت عايز انهى طراز من الانسر شكل جديد قديم 1300 1600 علشان يبقى فيه اختلاف فى الكماليات بين الخليجى والمصرى

**sgharib** · 16-07-2008 07:25 AM

السلام عليكم

شكراً على تجاوبكم

أنا عاوز الشكل الجديد 1600 ( ومش عارف مانيوال و اللا أوتوماتيك)

إنما الاخ العزيز صالح غريب ... موضوع الإيجار ده عملي مشاكل من قبل لا أريد الدخول فيها ) شوية عيال صيع وفاتحين محلات إيجار)

المهم العربية مش خساره ولو هتستعمل شهر في السنه ...وأهي برضه إستثمار ...الفلوس قيمتها بتقل بينما العربية هتكون بلغة البيزنس أصول ثابته

**salehgharib** · 16-07-2008 08:14 AM

إنت شكلك محاسب والمحاسبين لازم يحسبوها صح

**limo** · 16-07-2008 01:22 PM

المشاركة الأصلية كتبت بواسطة sgharib

السلام عليكم

شكراً على تجاوبكم

أنا عاوز الشكل الجديد 1600 ( ومش عارف مانيوال و اللا أوتوماتيك)

إنما الاخ العزيز صالح غريب ... موضوع الإيجار ده عملي مشاكل من قبل لا أريد الدخول فيها ) شوية عيال صيع وفاتحين محلات إيجار)

المهم العربية مش خساره ولو هتستعمل شهر في السنه ...وأهي برضه إستثمار ...الفلوس قيمتها بتقل بينما العربية هتكون بلغة البيزنس أصول ثابته

انت عايز الشكل الجديد الشارك 1500 سى سى
ولا الشكل القديم البومه 1600 سى سى

**onsi** · 24-07-2008 03:20 AM

سؤال ومحتاج اجابة؟
فى دايما شبورة داخل الفانوس الامامى لانسر 2008 واعربية لسة حديثة ودة حصل قريب جدا وما غسلتش الماتور ومعدل غسيل البودى الخارجى فى العادى يعنى ممكن كل اسبوع، المهم فضلت مراقب الشبورة وقلت يمكن تروح لما احطها فى الشمس لكن يومين ومفيش فايدة ورحت مركز صيانة صغير وفكيت اللمبة من الداخل ونشفت البخار بالكومبريسور وقعد يوم واحد فقط ورجع تانى وفى ناس قالو دة عيب فانوس او دخلوا هوا او تقفيلة مش حلو!! طيب لية دة ماكانش موجود من البداية؟ العربية معايا بقالها اكثر من شهرين زى الفل؟؟؟؟
لية دلوقت حصل كدة فى الفانوس؟

الموضوع: سؤال لو تكرمتم

LinkBack

أدوات الموضوع

عرض

المواضيع المتشابهه

سؤال لو تكرمتم

عيب اية لو تكرمتم

كام سؤال ضرورى لو تكرمتم؟

سؤال لو تكرمتم

الكلمات الدلالية لهذا الموضوع

المفضلات

المفضلات

ضوابط المشاركة