الموضوع: تعبت من سخونة العربية

المشاركة الأصلية كتبت بواسطة MEGO802

اخير طلعت المشكلة فى الرداتير كان عايز يتنضف
اشكر كل من ساهم معى بمعلومة ولم يبخل
بس بتاع الرداتير قالى حاجة غريبة
قالى العربية دية عايزة تغير جوان
قولتلة لية قالى عشان الماية بتقلب لفوق بس المفروض انها تقلب لتحت بس انا اساسا مقتنعتش بكلامة وقولتلة كفاية عليك انك نضفت الرداتير
ورحت سئلت الميكانيكى قالى سيبك منة

ألف مبروك التنضيف والحل الحمد لله واتمنى انك تحط ميه خضراء عشان تنسى كل القلق ده....
ومش فاهم موضوع الجوان ده بس طالما ميكانيكي قالك كبر يبقى كبر....
تحياتي

Sent from my SE Arc S using Forum Runner

المشاركة الأصلية كتبت بواسطة exact

حازم بيه... شكلك بتتريق

عموما عاوزك تجرب فب حلة المونيوم حط فيها شوية خل واغليها عالنار 10 دقايق وشوف اللي هيحصل... بس عاوزك تركز فشكلها كويس جدا قبل وبعد... هتلاقي الالمونيوم متنقر تماما... وبسبب كده لا ينصح اطلاقا بحفظ اي طعام في اوعيه المونيوم وبالذات اذا كان فيها صلصه (دي حقيقة صحية على فكرة)

وعلى فكره انا مجبتش سيرة النحاس (هتلاقي لو الردياتير نحاس لونه بقى بني شوكولاته وهيملا الميه صدا بعد كده)... انا اتكلمت على طبب الميه وهي من الالمونيوم الصافي... وحصل انها اتخرمت... ولففتني حوالين نفسي ييجي شهر... ولاحظت ان الميه فالردياتير عايم على وشها طبقة زيت رقيقة والكل اجمع على انه جوان وفي الآخر طلع طبب الميه بايشه.. وشكلها متنقر اسود زي الحلل الالمونيوم بالظبط

شكرا للتفهم

انت مكبر الموضوع على فكره ولا انا بتريق ولا كانت عادتي ولا اي حاجة من ده...
بالنسبه للطبب دول ففي الغالب هما نحاس وليهم عمرهم وبيتخرمو لوحدهم ويرجع الأملاح تسد التسريب والخل بييجي بياكل الملح ده فبتتفتح الطبه وتخرخر اما ان الخل لوحده يخرم الطبه ف معتقدش حتى ولو حصل التنقير زي ما بتقول مش هتتخرم من مره....
وبالمناسبة..
انا كنت نسيت الموضوع اصلا!!
تحياتي

Sent from my SE Arc S using Forum Runner