هل فى حد إشترى أو فكر يشترى مسند ذراع إللى جنب السواق قبل كده ؟؟ هل فيه حد عارف هو بكام و هل فيه فى التوكيل و لا بيتباع بره ؟؟
https://encrypted-tbn2.gstatic.com/i...uizOJRx7DGYU9n
عرض للطباعة
هل فى حد إشترى أو فكر يشترى مسند ذراع إللى جنب السواق قبل كده ؟؟ هل فيه حد عارف هو بكام و هل فيه فى التوكيل و لا بيتباع بره ؟؟
https://encrypted-tbn2.gstatic.com/i...uizOJRx7DGYU9n
الاصلي في التوكيل ب 700 جنيه
التقليد في شارع دمشق والتوفيقية ب 70 جنيه !!!
بس بيزيق
بس طبعا ان السعر ده يخلينا كلنا بنحب التزييق
شكرا على الرد ... مش ممكن أجيبه من بره مثلا رينو السعودية و التوكيل يركبه ليا هنا فى مصر ؟؟
طيب يا دكتور احمد تتعب تقولي موجود عند مين ف شارع دمشق عشان هناك كذا حد عنده قطع غيار رينو
يا ريت والله
نفسي اركبوا
جبت واحد ابو 40 جنية ومنفعش ....
أنا بعشق التزييق :grinder: ، ياريت لوتقدر تدلنا على محل معين يا دوك
أنا بقى جبت أخو الأصلي (شكلا فقط) من سعيد نصار (إسكندرية) وكان ب ٦٠ جنيه، أعتقد ده زي إللي يقصده د/أحمد. بس للأسف القاعدة إللي جايه معاه منفعتش تركب في اللوجان، بس على مين, فصلت ليها قاعده معدن عند حداد ورشيتها وركبت فيها المسند وركبتها في الكونسول اليلاستيك إللي بين الكرسيين وبقت تمام.
بس للأسف هو ضعيف وبيزيق زي ما الدكتور قال، كمان حد من الجراج الملعون إللي سيبته مؤخرا ريح عليه إظاهر وهو بيفرد المرايه اليمين فبقي بيلق في مكانه.
ناوي بقى لما أفضى أخترع مسند ممكن يكون خشب مثلا ويتكسى سفنج وجلد محترم عند سروجى وشغل خياطة دبل وكله، ويركب على القعده المعدن إللي عملتها هيبقى تحفة!!
أنا كنت مصور الشغل بتاع المسند والقاعدة ونست الموضوع، بس لما فكرتوني قلت أفرجكو ...
https://dl.dropbox.com/u/3432106/car...t/IMG_1596.JPG
https://dl.dropbox.com/u/3432106/car...t/IMG_1598.JPG
https://dl.dropbox.com/u/3432106/car...t/IMG_1599.JPG
https://dl.dropbox.com/u/3432106/car...t/IMG_1601.JPG
https://dl.dropbox.com/u/3432106/car...t/IMG_1602.JPG
https://dl.dropbox.com/u/3432106/car...t/IMG_1603.JPG
https://dl.dropbox.com/u/3432106/car...t/IMG_1606.JPG
https://dl.dropbox.com/u/3432106/car...t/IMG_1607.JPG
https://dl.dropbox.com/u/3432106/car...t/IMG_1609.JPG
https://dl.dropbox.com/u/3432106/car...t/IMG_1610.JPG
بالمناسبة، الصور معمولها هوست عن طريق برنامج إسمه DropBox إعملو بحث على جوجل هتلاقوه ده بيديك ٢ جيجا مجانا ولو دعيت أصحابك ليه كل واحد يشترك ويسطب البرنامج يديك إنت وهو كل واحد ٥٠٠ ميجا لحد ميبقى عندك ١٦ جيجا ببلاااااش أونلاين. ممكن تسطب البرنامج على أي كمبيوتر بي سي أو مال أو أي تليفون أبل (أيفون) أو أندرويد، وشييييير براحتك.
لو حد عايز يخدمني ويخدم نفسة إشترك في الموقع وسطب البرنامج عن طريق اللينك ده (لازم عن طريق اللينك ده عشان الموقع يعرف إنك تبعي ويديني ويديك ال ٥٠٠ ميجا)...
http://db.tt/TKHx96oe
المسند مش عند بتوع رينو
عند اي حد بتاع كماليات
ايه الحلاوة دي قاعدة عمولة ؟؟؟
اتعملت فين دي يا باشا واتكلفت كام عشان شكلي حعمل واحدة واقضي على التزيييق
عملتها عند حداد عادي (بيعمل أبواب وشبابيك حديد وهكذا) بس عملتلو رسمة بالحجم الطبيعي عشان يفهم قصدي (فارمه يعني)، وعلى ما أتذكر إتكلف ٤٠ جندي حديد ١ مم ولحام + زجاجة إسبراي إسود ب ٨ ولا ١٠ جنيه مش فاكر، وأنا فكيت ورخرمت وركبت الشغل بنفسي. بس إحتجت أفك الفبرة الوسطانية إللي ماسكة من أزرار الزجاج الخلفي لحد زرار المرايات (جبت طريقة فكها من فيديو في الموقع الروماني إياه)، قبل قاعدة الفتيس على طول عشان أخرمها بشنيور وأركب القاعدة بالمسند فيها وبعدين أركبها مكانها بكل الشغل. بس أهم حاجة تخلي الحداد يموت كل الحواف بالصاروخ كويس عشان متعملش جروح لا قدر الله، كمان بعد ما خدتها صنفرت الحواف بصنفره خشنة وبعدين صنفرة ناعمة زياده في الإحطيات.
بس أنا مش عارف إذا كان ده هيحل مشكلة التزييق، لأن إللي بيزيق هو البلاستيك نفسة! كمان أنا مليان فببقى مريح بجنبى على المسند شويه وده سبب التزييق، فلو مكنتش غلطان حضرتك زميل برضه وغالبا بتواجهك نفس المشكلة هههه (على فكرة أنا شغال على موضوع الوزن ده بقالي فترة وأول ما أوصل للتارجت إللي حاطة لنفسي هتحفكو بالنتايج لو حد مليان و يحب يستفيد).
إن شاء الله لو عملت فكرة لإستبدال المسند هبقى أقولكو.
فيه مسند لقيته ب180 بالتركيب (بيخرم خرمين في الجزء اللي جنب الكرسي ويركبهم فيه) قلقت بصراحة أجيبه ولا لأ.
أنا ركبت مسند اليد بتاع الماتريكس في عزبة سعد من سنتين بـ 150 جنيه بالتركيب
الراجل فك الكرسي و شال الفرش و الاسفنج و خرم بالشنيور في شاسيه الكرسي و ركب فيه قاعدة المسند و بعدين ركب الاسفنج و الفرش و بعد كده ركب المسند في القاعدة بتاعته.
هو متين و مريح جدا و عملى و شكله شيك بس بعد سنتين من الاستخدام الشاق ابتدأ يلق شويه بس .
http://i1171.photobucket.com/albums/...110725_004.jpg
http://i1171.photobucket.com/albums/...110725_005.jpg
أخو ده جلد.. فيه منه زي ده (الصغير) ب140 وفيه الكبير ب180.. بس خايف عشان العربية لسة جديدة وكدة مش عاوز ألعب في الفرش..
المساند دي موجودة عند عزبة سعد (اسكندرية).. مش فاكر اسمه ايه بالضبط بس كان بعد سعيد نصار وانت رايح ع الصينية.
انا لقيت واحد في موقع epay ب 25 $ دولار بس نجيبه ازاي
وانا معاكم يا رجالة عايز اركبة ف اكسنت 1300 الشكل القديم .. لان شكل المنطقة مابين الكرسين مش عاجبنى وفى نفس الوقت عايز اعمل حاجة اريح ايديى عليها
عن طريق edfa3ly.com بس شوف هي وقف عليك بك ام بعد الشحن، ممكن يطلع غالي زيه زي التوكيل.
بالضبط كده، هو حمدي داود.
إنت وجرأتك، وإن وحظك. أنا بصراحة قلبي مطاوعنبش برضه، على الأقل المسند الحالي لو إتكسر هشيله ويادا مدخلك شر، لكن ده لو إتكسر حيسيب عاهة مستديمة في فرش الكرسي ههههه.
عند مين في شارع دمشق
أحب أنا الحركات الجريئة دي! طيب فعلا ممكن تصوه لنا، وهل البلاستيك بتاعة خفيف ولا تقيل وبيزيق لو ريحت علية لو في ملف أو طريق مضحضر. سعات برضه الواحد بتطق في دماغة يعمل حاجة مجنونة زي كده هههه.
يعني من الآخر يستاهل ولا ندمت عليه وزيه زي الحجات الموجودة في السوق عند بتوع الكامليات.
يظهر انه مش فرع المقطم بس اللي ضايع .. في واقعة غير مسبوقة اتصلت بتوكيل اسيوط استفسر إذا كان عمود الاتزان وصل ولا لسة ولقيت حاجات وصلت وحاجات لأ (إزاي ماعرفش) لكن المفاجأة الحقيقية ان بالسؤال عن مسند اليد رد عليا المهندس بكل استغراب واندهاش واستعجاب واستفهام : مسند يد إيه يا استاذ ؟ مفيش للوجان قطعه غيار اسمها مسند يد ؟ قولتله يا باشمهندس ازاي انا اعرف حد ركبه ف العبور (الاستاذ تامر بدون ذكر اسماء) قالي طب هاتلي رقم شاسيه عربيته .. ولما لقانى مصر اصرار الخرتيت قالي طب انا هاتصل بالفرع الرئيسى وارد عليك .. هو فيه ايه بالظبط ؟ ماترد عليهم انت ياحسين
كان المفروض تقوله ده مش قطعة غيار .. كده المهندس إفتكر أن المسند من أجزاء العربية الرئيسية علشان كده قالك إنه مافيش قطعة غيار للوجان إسمها مسند
كان المفروض تقوله إنه من الإكسسوارات بتاعت العربية
طيب ابو 70 جنية ده الاية فين فى التوفيقية بالظبط
بلاش.. عامل زي بتوع التاكسي اللادا (هو أساسا اللي بيحطوه بتوع التاكسي) اللي بيتفتح لفوق تلاقي درج ده.. بيشخلل كدة وتحس ان خامته مشمع مش جلد.. قلته أجسن.
صاحب الجراج قالي ان فيه مسند بيركب علي مجري الكرسي بمسامير أو حاجة زي كدة بس مش محتاج تفتحله.. لو حد يقدر يجيبلنا حتي شكله أن نتأكد من جودته يبقي أحسن اختيار قدامي
لأ لأ مش كلهم كده. همه كلهم بلاستيك وبيزيقو شويه آه بس إللي أنا حاطة في الصور ده شكلة محترم ومكسي جلد مش مشمع. أنا كنت جايبة من سعيد نصار في إسكندرية ب 60 جنيه ولسه شايفة موجود عنده من يومين وكل الألوان ( إسود، فيراني و بيج ). هو تقريبا نسخة طبق الأصل من الأصلي في الشكل. بس عشان يركب إضطريت أعمله قاعده معدن تفصيل وإللي أنا شايفها ميزه كبيره ( شوف الصور في أول او تاني صفحة مش فاكر ).
أنا حساس أوي من أي صوت ف العربية عشان كدة لو راكب الأفيو ماحبش أبدا يبقي فيه حد ورا عشان صوت التزييق..
أقوم أجيب دي عشان التزييق برضه؟ يا راجل دانا أفتح ف الكرسي أرحم ^_^
الموضوع كله اني عاوز بالمرة أعمل فرش للكراسي.. فا عاوز واحد محترم تبقي ايده حساسة شوية يخلصلي الموضوع ده عشان أنا برضه انف (بكسر الالف والنون) أوي في المواضيع دي.. لو المسند طلع متزحزح 2 3 سم عن الوضع اللي أنا عاوزه ممكن أفك المسند كله. المشكلة التانية اني ايدي اليمين ماينفعش أفضل رافعها مستمر أكتر من 10 دقايق (ظروف عملية) فا لازم أسندها علي حاجة.. حاليا باسندها ع الفتيس أو علي رجلي لغاية ما أشوف حل لموضوع المسند ده.
نقطة كمان.. هو القاعدة السودة دي هي اللي جاية مع المسند؟ ماجربتش تثبتها ف مجري الكراسي؟ بس برضه هو بعينه مسند اللادا شكله يقشعر الجسم كدة.. لأ لأ بلاش بلاش..
بما انك اسكندراتي زي حالاتي تعرف حد يخلصلي الموضوع ده علي نضافة؟ هو فيه مسند نضيف جدا اللي بيركب في جنب الكرسي من عند حمدي داوود بس أركب من عنده (وبالمرة الفرش) ولا ايه؟