انا مش عارفة ايه المشكلة بالظبط ، انا هاقول لكم الاعراض وانتم اللي ممكن تقولولي ممكن يكون العيب ايه .

الاعراض :

* صوت الموتور غريب جدا كانه غضبان صوته كانه عربية ديزل مش عربية كيا صغيرة ، الصوت ده بيقل خالص بعد سرعة 80 ولكن عندما اصل لهذه السرعة او ازيد اجد رجة شديدة في الدركسيون ودواسة البنزين وتزداد مع زيادة السرعة مع الخفة الملحوظة في العربية وانحرافها يمينا ويسارا .

* وجود صوت طقطقة او حكة عند الفرملة للوقوف او الرجوع للخلف ( مع العلم بأنني قمت بتغيير تيل الفرامل حديثا جدا )

العربية هي كيا برايد 1300 cc
بجد ردوا عليا لو الموتور محتاج اني اكشف عليه هل دا يتم في بنزينة مثلا
وهل كبس الموتور ده بيخليني اعرف لو الموتور في مشكلة ولا لا
وان كان ذلك ايه هي اقرب بنزينة او اي حد ممكن يكشفلي علي الموتور في المهندسين اوالجيزة