الموضوع: جنزير الكاتينه اوتوماتيك لانوس اوتوماتيك

المشاركة الأصلية كتبت بواسطة eslam.adly

يا رجالة نيل موتوز



انا معايا لانوس 1 موديل 99 اتوماتيك اعراض المشكلة عندى:-

1. صوت عالى وغريب فى الفتيس كأن حاجة حديد بتلف بسرعة بتخبط فى حاجة حديد تانية بعد ما العربية تدور علطول ولما تمشى الصوت يخف نسبيا.
2. "تنتيش" فى النقلة الفتيس مش سلسه زى الاول وعدم ثبات rpmبعد سرعة ال 90-100 "كأنها بسقط نقلة لوحده"

-روحت للميكانيكى بتاعى راح باعتنى لواحد بيفهم فى الاتوماتيك قايلى ده مبدائيا جنزير كاتيينة الفتيس عايز يتغير واحتمال لما يفتح الفتيس يظهر حاجة تانية وهاياخد من 500 لــ 800 جنية مصنعية ايده بس الصراحة انا مش واثق فيه.



اللى انا بقى طالبه حد يدلنى ويفدنى فى:-

1. انا نزلت سألت فى سوق التوفقية وابو الحسن على جنزير الكاتينة ومش لقيتة خالص ومحدش عارفة اساسا هل فى اى حد تانى ممكن اسأل عنده او لو هاغير الفتيس كله فعايز اعرف سعره كام واجيبة منين واركبه فين.
2. لو حد يعرف ميكانيكى جامد بيفهم فى الفتيس الاتوماتيك يقولى عليه.

ساعدونى جزاكم الله خيراً.

بص يا اسلام الفتيس الاتوماتيك انا سالت عليه فى الحرفيين لانى كنت هغير المانيول لاتوماتيك الاسعار هناك فى الحرفيين من 2500 لحد 2800 والكلام ده من شهر ونص اما بالنسبه للميكانيى فيستحسن انك تروح لميكانيكى فتيس هيبقى افضل بكتير وكمان هيبقى متخصص وهيقدر يحددلك المشكله فين ثم كمان مفيش حاجه اسمها جنزير كاتينه ده اسمه سير كاتينه عادى زى اللى موجود فى كل موديلات الدايو والشيفورليه الانوس وده مالوش اى علاقه خالص باى اصوات نهائى تصدر من العربيه والاصلى الgm بتاعه بيعمل 125 وانا لسه مغيره والمشكله اللى عندك ملهاش اى علاقه خالص بسير الكاتينه
(اما بالنسبه للصوت اللى بيظهر عندك لو انت لسه مدور والعربيه بارده وتحس بتخبيط من تحت العربيه بس تخبيط خفيف ويبداء يروح اول ما العربيه تسخن دى بتبقى بليه دبرياج او بليه فتيس وفى ناس بتغيرها وفى ناس بتنصح بالتغير الكامل علشان متصرفش فلوس وترجع تشتكى تانى من نفس المشكله
اى استفسار انا تحت امرك وتقبل مرورى وان شاء الله خير وحاجه بسيطه

المشاركة الأصلية كتبت بواسطة eslam.adly

شكرا يا هانى على ردك السريع
انت متأكد من ان سعر الفتيس من 2500-2800 لــ لانوس؟!
انا عارف سير الكاتينه بتاع الماتور اللى انت بتتكلم عليه وده بيكون كاوتش اما اللى انا قصدى عليه ده جنزير حديد وبيكون جوه الفتيس نفسة
موضوع الصوت اللى عندى مش خفيف خالص بس بيهدى شويه لما العربية تكون ماشية واعتقد ان مش عندى دبرياج لان العربية اتوماتيك

انا معايا جوليت وكنت بفكر اقلبها اتوماتيك وسالت عليه من شهر ونص قالى السعر ده فعلا

فتيس اللانوس الاتوماتيك بـ 2800 جنية .. هو جرا إيه للأسعار بجد ؟

أنا كان عندى نفس المشكلة وتبين وجود شررخ فى وسط ترس الفولام وتم تغييره والمشكله انتهت ولا يوجد جنزير كاتينه للفتيس والراجل ده نصاب