الموضوع: عايزه اشتري جين ٢ ٢٠١٣ رأيكم إيه ؟

المشاركة الأصلية كتبت بواسطة mohab.nabil

يا باشا انا العربية كانت معايا موديل 2010 من حوالى سنة و عارف العربية كويس و الباور فعلا تقيل بالمقارنة بـ عربيات تانية كتير حتى باور الستروين مش خفيف اوى زى الرينو بس مازال باور الجين 2 اتقل بفرق مش قليل و بالنسبة لاستهلاك البنزين فهو عالى فعلا بس يمكن عشان العربية بتجريك على طول انك تجرى بيها و صعب تمشى على مهلك بيها

المشاركة الأصلية كتبت بواسطة tutankhamoun

يا باشا أنا كنت راكب عربية من أنعم الباور اللي شوفته في حياتي و هي باور الفيات البونتو اللي فيها نظام السيتي دريف .

و مع ذلك باور الجين 2 مش تقيل

ممكن تقول أتقل الناعمين ......... إنما تقيل ........ مش بحس أنه تقيل خالص .
لما بأركب عربية باورها كهرباء ...... بحس بنعومة أعلى طبعا و لكن نعومة مُقلقة .... المهم قصدي أن الباور ناعم و لكن ممكن تكون أقل نسبة نعومة .
و الله أعلم أنت بتقارن بأيه و يمكن الأحساس بيختلف من واحد للتاني

أنا بركب الألتو وهى باور كهربا وطبعا نعومته وخفته عالية جدا .. ولما بركب البيرسونا الباور الفرق مش كبير ومش بيضايقني خالص حتى لو في وسط البلد بالعكس بعتبره أحلى وبتحس معاه بالعربية أكتر بالرغم إن اللفة بتاعته فعلا أقصر من الألتو ..

عشان كدة الموضوع أكيد بيفرق من واحد للتاني

كان معايا بيجو 505 من غير باور وأخويا معاه 505 وفيها باور كنت بعتبر الدركسيون بتاعي أخف من بتاعه

موضوع استهلاك البنزين دة خلص نقاش
آخر استهلاك ليا عملت 300 كليو تقريبا ب 25 لتر فقط لاغير وسواقتي مش اللى هي يتقال عليها هادية يعني وميتقالش عليها متهورة بردو ،
واقصي استهلاك سجلته فى ظروف قيادة اعتبرتها صعبة كان تقريبا 10 لتر فى ال100 ، يعني شملت 1- سفر مصاحب لحرق على سرعات عالية وتسارع مفاجئ متكرر 2- تشتغل العربية على البارد لمرات عديدة فى اليوم الواحد لمشاوير قصيرة لا تتعدي ال5 كليو. ودة طبعاً كله بيرفع الاستهلاك.
وفى ناس سواقتها هادية و بتعمل ارقام احسن من كدة بمراحل.
اليارس ال 1300 سي سي هتكون اوفر فى البنزين طبعاً
فى ناس بتقول ثبات الجين احسن من ثبات البرسونا ، لكن معرفش مدي صحته
الاكيد عندي ان ثبات وعوامل آمان عربيات بروتون مفيش حد يختلف عليه.
الباور بتاع العربية ممتاز ، وهو عامل أمان ، مش ثقفيل وفى نفس الوقت مش خفيف ودة جزء من منظومة ثبات العربية دي وتفوقها
العربية معادلة اقصادية ممتازة ، السعر = الامكانيات والاداء
انا مش عارف هل السعر يعتبر ميزة لحد دلوقتي ولا لاءة لأن التوكيل اتبع سياسة رفع الاسعار وبدأ يساويها باسعار العربيات التانية بعد ما حصل عليها اقبال
لكن فى السعودية على سبيل المثال "على حد معرفتي " الجين بتتباع بثمن الكرولا
لكن هنا الكرولا بتتباع وفوق ثمنها بشتري ثمن اسمها وشهرتها وانتشارها.

لو هتعرفى تتعايشى مع التوكيل من مشاكله المعتاده المتعا ف عليها لدى الجميع وصيته للاسف وصل لجميع ركاب السيارات فى الجمهوريه يبقى توكلى على الله وهاتيها
العربيه لا غبار عليها الا حالات شكاوى فرديه وبيتم حلها فى اغلب الحالات
يااما تغيرى اختياراك عشان التوكيل فى اكيد اقتراحات اخرى فى الفئه السعريه
اعتقد ان البنات مش بتوع جرى وثبات وقوه موتور واداء رياضى كالجين2
اعتقد المهم بانسبه لقياده المراه عموما الاعطال تكون معدومه واعتماديه السياره وققبلهم التوكيل يكون متقبل اى شىء بصدر رحب وتوافر قطع غيار وانه يكون توكيل كويس
ده راى الشخصى بكل حياديه وربا يوفقك فى الاختيار ان شاء االله
تحياتى