انا كنت سالت قبل كدا على متوسط عمر التيل و كللو اجمع انو ف حدود 30 الف كيلو.....النهاردة بالصدفة قلت ادور العجل و احط نيتروجين ...ف الراجل فك العجل فا قلتلوا بصلى على التيل كدا (علشان اطمن بس ) و المفاجاة ..التيل خلصاااان خالص يا بيه و الطنابير كدا هتبوظ ..طبعا ذهوول غير عاااادى ازااااااى دى ماشية 18 الف كيلو و ف صيانة ال 15 مقالوش حاجة ..وبعدين التيل عمرو ضعف كدا المفروض ....
- انا اصلا كنت مضايق من التيل الاصلى انو بيطلع سواااد على الطاسات كل شوية وبيطلع سعات صووت صفاارة بس واطية اوى ...
-قررت مجبش التيل الاصلى ( ودا بدافع كرهى للتيل الاصلى من اللى عملوا ..و ان ضمان العربية خلص ) ف قولت مبدهاش اجيب تيل معقول و اغيروا برة و خلاص ..و قد كان
- جبت تييل كورى من واحد صديق للعائلة موثوق ..ب 95 جنية ..ورحت ركبتوا ف مركز جنبى ..طبعا التيل القديم خلصاااااااان خالص ....المهم
- التيل الجديد (ملوووش اى اصوات حتى الان )
- بدال الفرامل رجع لفووق تااانى الحمد لله و الفرامل بقت حلوة و بتتحسن كل ما يطبع
....*طبعا كلكوا بتسالوا انا عامل الموضوع ليه ...السبب انى بنبه الناس اللى معاها كروز تاخد بالها من التيل قوى علشان ميكونش خلص و ميعتمدوش على الكيلومترات ..حبيت انقل تجربة بس ..
اسف على الاطالة ...