الموضوع: استطلاع رأى .. هل فعلاً القيادة المانيوال أكثر أماناً ضد الحوادث

المشاركة الأصلية كتبت بواسطة mohammedaladel

أنا أختلف مع حضرتك

أنا مقتنع بإن فرملة الموتور مع الفتيس الأوتو بتبقى أضعف من فرملة الموتور مع الفتيس المانيوال
لكن الفتيس الأوتو بيخفض الغيارات أوتوماتيكى الفتيس المانيوال بإيدك بتتعامل

على كلام حضرتك

نيجى للعربية المانيوال نرفع رجلينا من على دواسة البنزين الأول كدا العربية محملة على الغيار والموتور والتروس بيبتدوا يمنعوا العجل تدريجيا من الحركة

ولما بتدوس دبرياج بتخلى العربية ماشية بكل قوتها اللى هى واخدها هتحتاج مجهود أعلى من الفرامل عشان توقفها لأنك ممورها

العربية الأوتوماتيك مش بتمور نهائى طول ما أنت ماشى

والقيادة الصحيحة مع الفتيس المانيوال إنك بتحمل فرامل الأول قبل ما تفصل الغيار عشان تستفيد بفرملة التروس والمحرك لتهدئة العجل وتقلل من استهلاك التيل

مفيش حاجة في الاوتوماتيك اسمها واخدة غيار
لان ببساطة الحركة بتتنقل في اتجاه واحد فقط من الموتور للعجل
والا كانت العربية الاوتوماتيك تتزق وتدور عادى زي المانيوال

يعنى لو عايز كلام دقيق : العربية الاوتوماتيك دايما واخدة غيار لو بتتكلم عن اتجاه الحركة من الموتور للعجل ، ودايما ممورة في الاتجاه التانى ( من العجل للموتور )
وفي اعتقادى مفيش فرملة موتور في الاوتوماتيك العادى خالص ، حتى الاستبترونيك ، يمكن بس في الايزي ترونيك او الـ dsg اللى هو اصلا مانيوال بديسك واسطوانة كهربا ...


المانيوال اامن بكتيييير بجد

انا كان معايا عربية بيجو 504 فرامل في الضياع وكاوتش ممسوح ، دايما تزحف منى ، بس في المواقف الشديدة كان الفتيس بيساعدنى وبوقف العربية

جبنا كورولا اوتو .. وطبعا في دماغى ان الفرامل والكاوتش تمام بقى ومش هيهمنى ، كنت ماشى وفجأة لقيت عربية ماتركس قدامى ومفيش مجال اتفاداها والارض عليها رمل ، ادوس فرامل العربية تزحف ، ومش عارف اسقط نقلة طبعا ، كانت النتيجة انى لقيت نفسى داخل على العربية اللى قدامى ومش بإيدى اعمل اي حاجة !

المانيوال متعة القيادة والاوتوماتيك راحة القيادة

المشاركة الأصلية كتبت بواسطة mohammedaladel

أنا مختلف مع حضرتك برضه

أنا معايا العربية أوتو لو ماشى على 80 وجبت الفتيس على n جرب كدا هتلاقيها مشيت معاك أكتر ما تفضل سايب الفتيس على d

حاجة تانية عايزك ترفع رجلك من على دواسة البنزين على 80 وشوف الآربى إم هينزل مرة واحدة ولا هيفضل عالى وهينزل بالتدريج

وهو بينزل هتلاحظ إنه بيعلى سنة ويروح نازل ودا العربية بتنزل غيارات لو سبت رجلك من على الدواسة مرة واحدة هتلاحظه أكتر مع الفرملة وهتلاقى إن الموتور صوته بيعلى لأنه بينزل غيار

عايزك تجيب نظام القيادة المانيوال فى الفتيس الستبترونيك وأنت ماشى على الرابع على 80 مثلا عايزك ترجع على ال 3 وشوف العربية هتعمل إيه معاك هتكش لورا وصوت الموتور هيعلى لازم إنت طبعا تغذى بنزين عشان تكمل الكيك داون بتاعك

عايزك تبقى ماشى على التانى ورجع للأول و هتسمع أحلى فرملة موتور وهتشوف العربية هتعمل إيه

كل دا مع الفتيس الأوتوماتيك

بيثبت إن العربية الأوتوماتيك دايما معشقة طالما هى على ال d لكن أنا قلت التعشيق فى المانيوال أقوى

لعدم وجود محول العزوم هو اللى بيخفض ويخفف حدة الكيك داون أو تخفيض الغيارات فإنت مش بتحس بيه

غير إن العربية الأوتو بتخفض فى ميعاد مناسب عكس لما أنت تنزل غيار بمزاجك على سرعة مش مناسبة والعربية تزعق منك

غريب اوى الكلام ده !
يمكن عربيتك بس اللى كدة :d
أو الاستبترونيك بس كدة

انما الاوتوماتيك العادى ، مش عارف !
انا هجرب تانى عامة !