الموضوع: من فضلكم عاوز أشتري عربية جديدة إنصحوني

بص : مبلغ 90 ألف ممكن يجيب لك عربية اوتوماتيك و1600 وكبيرة ويابانى، بس تقفيل مصرى(نيسان صنى)
وممكن يجيبلك عربية اوتوماتيك و1600 وكبيرة ومستوردة بس كورى (إوبترا) أو ماليزى(واجا)
وممكن يجيب لك عربية اوتوماتيك ويابانى وكبيرة، بس 1300 (لانسر)
وممكن يجيب لك عربية اوتوماتيك ويابانى وتحمل علامة تويوتا بس صغيرة وفيها كمية كبيرة من البلاستيك(ياريس)
وممكن يشتريك عربية ممتازة ويابانى وتحمل ماركة هوندا بس برضه صغيرة
وممكن يجيب لك عربية كورى عائلية وذات محرك 1600 واتوماتيك وممتازة وتوفر شوية فلوس كمان بس شنطتها صغيرة(ماتريكس)

هذا المبلغ غير كافى لشراء إلانترا مانيوال أو كورولا مانيوال أو لانسر 1600 مانيوال ، وبالتالى فأن اختياراتك تكاد تكون محصورة فى السيارات الاللى انا قلتها فوق ، وكلها حلوة بس انت تقدر تختار منها حسب احتياجك من السيارة(بتفضل إسم عريق، وللا محرك كبير ، وللا صالون واسع وللا سيارة صغيرة ذات طابع رياضى، إلخ)، لكن كلها عربيات حلوة وتستطيع اختيار ما يناسبك منها، انا شخصيا اخترت الصنى من وسطهم لأان فيها كل المميزات(إسم عريق، كبيرة، محرك كبير،اوتوماتيك، توكيل قوى جدا وشبكة ضخمة من مراكز الصيانة وانتشار معقول وكل هذا فى مقابل التجميع المصرى اللى انا معنديش اعتراضات عليه) لكن فى النهاية دى مسألة اذواق وراحة نفسية وتحديد الإحتياجات من السيارة