اغلاق جزئي لبعض شوار المقطم بعد حرق المقر الرئيسي للحرية والعدالة

**Karim_Monir** · 07-12-2012 12:18 AM

أضرم متظاهرون معارضون للرئيس محمد مرسي النار في المقر الرئيسي لجماعة الإخوان المسلمين بمنطقة المقطم بعد اقتحامه بعد حالة من الكر والفر بينهم وبين قوات الأمن واستخدام قنابل مسيلة للدموع انتهت بانسحاب الأمن من أمام مداخل المقر ودخول المتظاهرين وتحطيم كل ممتلكاته وإحراق محتوياته ولم تستطع سيارات الاطفاء الوصول للمقر بسبب المتظاهرين واغلاق جزئي لشوارع رئيسية بحي المقطم

وتسود حاليا حالة رعب هائلة بين سكان المنطقة المجاورة لشارع عشرة بالمقطم .. وشارع ٩ الرئيسي مغلق تقريبا حسب رواية احد شهود العيان

**mona_881** · 07-12-2012 02:33 AM

يا خساااارة ياريت المقر كان ولع وبديع والشاطر جواه

**Dr/ P.K.Sh** · 07-12-2012 02:34 AM

المشاركة الأصلية كتبت بواسطة yyy

قصدك بلطجيه و مجرمين

مين انت عشان تحكم على الناس كدة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
على كلامك يبقى الشعب كلة بلطجية لما حرقوا مقرات الحزب الوطنى والاقسام
ولا اية !!!!!!!!!!!!!!!!!

**Ahmed_Adham** · 07-12-2012 02:43 AM

كل اللي موجود في الجزيره هوه فيديو حوالي 3 دقايق عمالين يعيدوه ومفيهوش غير النار اللي على الارض قدام المقر دي ومفيش أي صوره لنار في المقر نفسه ولا من الادوار العليا لاء ويقولك كمان حرقو كل محتوياته. لما نشوف الكلام هيطلع ايه...

**Land_Cruiser** · 07-12-2012 02:45 AM

المشاركة الأصلية كتبت بواسطة dr/ p.k.sh

مين انت عشان تحكم على الناس كدة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
على كلامك يبقى الشعب كلة بلطجية لما حرقوا مقرات الحزب الوطنى والاقسام
ولا اية !!!!!!!!!!!!!!!!!

بالراحه على الراجل يا فندم و اعتقد ان حضرتك اتسرعت فى الحكم على رده ... المعارضون و المتظاهرون( اللى قلبهم على البلد فعلا ) ما بيحرقوش و لا بيولعوا فى حاجه .. بالعكس دول بيضربوا و بيموتوا علشان يعبروا عن رأيهم.. اللى بيشيل سلاح و بيحرق و بيقتل الناس الابرياء بدون ذنب و بدم بارد هو ده المجرم و البلطجى سواء كان اى طرف من الطرفين لانه بكده يعيث فى الارض فسادا.

**mohdfouda** · 07-12-2012 02:48 AM

التاريخ بيعيد نفسه

**Dr/ P.K.Sh** · 07-12-2012 02:58 AM

المشاركة الأصلية كتبت بواسطة land_cruiser

بالراحه على الراجل يا فندم و اعتقد ان حضرتك اتسرعت فى الحكم على رده ... المعارضون و المتظاهرون( اللى قلبهم على البلد فعلا ) ما بيحرقوش و لا بيولعوا فى حاجه .. بالعكس دول بيضربوا و بيموتوا علشان يعبروا عن رأيهم.. اللى بيشيل سلاح و بيحرق و بيقتل الناس الابرياء بدون ذنب و بدم بارد هو ده المجرم و البلطجى سواء كان اى طرف من الطرفين لانه بكده يعيث فى الارض فسادا.

انا يا باشا متسرعتش فى الحكم علية
هوا اللى اتسرع فى الحكم على الناس وهوا اللى المفروض يسمع الكلام دة
مع احترامى الكامل لمرور حضرتك

**yyy** · 07-12-2012 03:13 AM

المشاركة الأصلية كتبت بواسطة dr/ p.k.sh

مين انت عشان تحكم على الناس كدة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
على كلامك يبقى الشعب كلة بلطجية لما حرقوا مقرات الحزب الوطنى والاقسام
ولا اية !!!!!!!!!!!!!!!!!

.
.
اومال انت عاوزني احكم علي ناس بتحرق و تدمر انهم ايه ؟

يعني لو حد دخل علي بيتك و حرقوا علشان مختلف معاك فده بالنسبه لك عادي

ايه المنطق العجيب ده !!!

**yyy** · 07-12-2012 03:16 AM

المشاركة الأصلية كتبت بواسطة dr/ p.k.sh

انا يا باشا متسرعتش فى الحكم علية
هوا اللى اتسرع فى الحكم على الناس وهوا اللى المفروض يسمع الكلام دة
مع احترامى الكامل لمرور حضرتك

اتسرع!!!!

انت عاوز ايه تاني تقدر تقولي فايده حرق مقرات الاخوان ده ايه ؟

ايه ال عاجبك في كده و مخليك مبسوط اوي بالموضوع ده ؟

ولا لو كان العكس حصل و الاخوان راحو حرقوا مقر للوفد و لا الدستور و لا اي حزب كنت هتقول عليهم ايه ؟

-

الموضوع: اغلاق جزئي لبعض شوار المقطم بعد حرق المقر الرئيسي للحرية والعدالة

LinkBack

أدوات الموضوع

عرض

اغلاق جزئي لبعض شوار المقطم بعد حرق المقر الرئيسي للحرية والعدالة - انشر الموضوع فى :

-

-

المواضيع المتشابهه

اغلاق جزئي لبعض شوارع المعادي وامام مقر الحرية والعدالة

اغلاق جزئي لميدان التحرير واشعال النيران بسيارت شرطة

اغلاق جزئي لبعض شوارع وسط البلد لرفع الاشغالات

حد يعرف مكان المقر الرئيسي او الاداري لاوتو ايجيبت

اغلاق جزئي لبعض شوارع وسط البلد وميدان التحرير وبعض شوارع الدقي

الكلمات الدلالية لهذا الموضوع

المفضلات

المفضلات

ضوابط المشاركة