احداث اليوم مع سيارتي

**mahmoud_anwar** · 06-12-2012 11:23 PM

السلام عليكم ورحمه الله وبركاته
انهارضة سفرت كده عند اهلي صد رد المهم
كل لما اجيب 140 بي العربية بحس ان عجلتها مش لمسه الارض ولو حد عطس من جمبها وهيا ماشية هتطير زي كيس الاوراق التي يبعترها الهواء وحاسس ان الدريكسيون في ايدي ولا مدام سونية حسس انه خفيف وتحس انه هواء في ايدك مش موضوع ترصيص علشان محدش يقولي رصص
المهم وحاجه غريبة كده حصلتلي ومش فاهمها لغاية الأن انا كنت ماشي علي 40 الي 60 ومرة وحده فيه عربيه هدت امامي وانا شيفها المهم ضربت فرامل لقيت العربية بتزحف وكمان ايه لقيتها بطلت لو حدها مع العلم انا ضغط فرامل جامد مع دبرياج يعني المفروض ماتبطلش انا ربنا سترها معايه والعربية ملبستش في النص نقل بفضل الله قبل ماتخبط قمت عكس كل الدريكسيون في الاتجاه التاني علشان مخبطش العربية ولقيت مرة وحد العجل طلع دخان وشياط ايه الي حصل ؟
المهم انا حاسس ان العربية بتاكل بنزين انا فولت العربية والعداد 177815
ولما رجعت حطيط بنزين 19 لتر والعداد 178018
مع العلم بعد مادخلت البلد فضلت ماشي بيها شوية حلوين داخل المدينة يعني مش كلها طريق سريع وكمان كنت مشغل التكيف بتاع ربع ساعه مثلآبس علي السريع
ياريت تفيدوني

**mona_881** · 07-12-2012 01:31 AM

متابعة

**hessenp** · 07-12-2012 01:44 AM

انا متهيقالى ان كدة كويس فى سحب البنزين لان كدة بالتقريب يبقى انت عامل حوالى 200 كيلو وكدة على الكلام الى بتقولوا كويس لكن باقى المشاكل استنى اراء الاعضاء وان شاء الله خير هتلاقى فرد الكويتش تعبانة ....

**egyptodentist** · 07-12-2012 02:58 AM

العربية عتدك عايزة ضبط زوايا ضروري لانه العجل قافل لجوه وبعد كده تكسف علي الاسكترا و جلب المقصات.....بس اضبط زويا الاول وشوف.........

**sammor_28** · 07-12-2012 04:23 AM

اكشف زوايا وعالأرجح الكاوتش عندك فيه مشكله

**mahmoud_anwar** · 07-12-2012 11:40 PM

بس دي ملهاش علاقة بي الزوايه خالص اصل انا مش علي سرعة خالص انا كنت علي 60 يعنيفي العادي
انا بقا بقيت اسمع صوت والعربية بردة واجي اكسر الدريكسيون نحية الشمال احس في صوت حكة صوت غريب مش كبالن علشان انا عارف صوت الكبالن كويس

**truss** · 08-12-2012 12:37 AM

بالنسبة لأن العربية خفيفة على السرعات العالية, هى بتكون خفيفة شوية لكن قد ايه ؟؟ ع العموم ممكن يكون عيب كاوتش او مشكلة فى العفشة او فى الاسكاترا و دة ممكن يكون ليه علاقة بصوت الحكة اللى بتسمعها و انت بتكسر شمال.

بالنسبة للفرامل جرب تفرمل بالعربية كدة و انت ممورها عشان تعرف هى ليه بطلت , لو ما بطلتش غالباً انت ما دوستش دبرياج للاخر كويس ( و انا مع الاحتمال دة) لو بطلت حتى و هى ممورة ممكن يكون مشكلة سيرفو

استهلاك البنزين فى رأيى طبيعى

**elpasha1** · 08-12-2012 12:51 AM

المشاركة الأصلية كتبت بواسطة truss

بالنسبة لأن العربية خفيفة على السرعات العالية, هى بتكون خفيفة شوية لكن قد ايه ؟؟ ع العموم ممكن يكون عيب كاوتش او مشكلة فى العفشة او فى الاسكاترا و دة ممكن يكون ليه علاقة بصوت الحكة اللى بتسمعها و انت بتكسر شمال.

بالنسبة للفرامل جرب تفرمل بالعربية كدة و انت ممورها عشان تعرف هى ليه بطلت , لو ما بطلتش غالباً انت ما دوستش دبرياج للاخر كويس ( و انا مع الاحتمال دة) لو بطلت حتى و هى ممورة ممكن يكون مشكلة سيرفو

استهلاك البنزين فى رأيى طبيعى

+++++++++111