مشاكل فى العفشه

**meeg** · 07-12-2012 06:33 AM

السلام عليكم ورحمة الله وبركاته
صباح الخير يا اعضاء المنتدى الكرام
جمعه مباركة عليكم ان شاء الله
انا كنت متغيب بقالى سنه واكتر عن المنتدى نظرا لانى كنت فى الجيش ولسه مخلص الحمد لله
انا عندى مشاكل فى العفشه :
- المساعدين الخلفى عندى عايزه تتغير ايه افضل نوع فى السوق واجيبه منين
- اما ابقى ماشى على ارض مسفلته وانزل على ارض مش مسفلته الاقى الدريكسيون بيرقص يمين وشمال ده عيب ايه
-انا عندى بوش خفيف فى العلبه من زمان اعمل فيه ايه
انا عايز اضبط العربيه وانساها اقترحوا عليا اعمل ايه عند مين مهم جدا عايز عفشجى بيفهم
الف شكر ليكم وربنا يوفقكم جميعا

**Karim Ibiza** · 08-12-2012 01:48 PM

المشاركة الأصلية كتبت بواسطة meeg

السلام عليكم ورحمة الله وبركاته
صباح الخير يا اعضاء المنتدى الكرام
جمعه مباركة عليكم ان شاء الله
انا كنت متغيب بقالى سنه واكتر عن المنتدى نظرا لانى كنت فى الجيش ولسه مخلص الحمد لله
انا عندى مشاكل فى العفشه :
- المساعدين الخلفى عندى عايزه تتغير ايه افضل نوع فى السوق واجيبه منين
- اما ابقى ماشى على ارض مسفلته وانزل على ارض مش مسفلته الاقى الدريكسيون بيرقص يمين وشمال ده عيب ايه
-انا عندى بوش خفيف فى العلبه من زمان اعمل فيه ايه
انا عايز اضبط العربيه وانساها اقترحوا عليا اعمل ايه عند مين مهم جدا عايز عفشجى بيفهم
الف شكر ليكم وربنا يوفقكم جميعا

حمدالله على السلامة

- لو هتجيب جديد يبقى هات Boge ب 550 جنيه ولو استيراد هيعملوا 250 باليايات وكاوتشات الياى بس الاماكن مش هقدر افيدك فيها عشان انا من اسكندرية
- النقطة التانية والتالتة مرتبطين ببعض وحلها ان بتاع العفشة يفك الاسكترا ويحشيها ودى حاجة بسيطة

وربنا يوفقك

**egman** · 09-12-2012 09:12 AM

صباح الفل يا باشا حضرتك لو بتدور على عفشجي ممتاز ويشترليك كمان الحاجة وانت معاه لو عايز استيراد ويجبلك احسن حاة وينصحك بالتعمله صح فى العربية عليك وعلى ( محمد الزعيم ) هو فاتح ورشة جديدة فى المعادى فى عمارات صقر قريش جنب مركز شباب صقر قريش التنزلة الى بعد بنزينة وطنية الى بعد كارفور على الدائري هو جنب الدئري والاوتستراد علىى طول يعنى تقريبا شاعر الى بيفصل بينه وبين الدائري ، اول ما تنزل مافيش 5 دقايق تبقى عنده من الدائري وده تليفونه :

01113991219

**Karim Ibiza** · 09-12-2012 10:56 AM

المشاركة الأصلية كتبت بواسطة meeg

الف شكر ليك يا باشا
بالنسبه للمساعدين انا لما سالت فى السوق لقيت ( sachs - bilsten - meyle )

انا ماسمعتش عن ال sachs ده قبل كده, انما ال bilsten و ال meyle جامدين , بس لو هتجيب جديد يبقى هات ال bilsten وهاتهم غاز على زيت لان ال meyle نزل منه مضروب وصعب تلاقى الاصلى والله اعلم

ياريت تقولنا اسعارهم ايه

**egman** · 10-12-2012 09:36 AM

وهو وان شاء الله هيعمل معاك صح الصح بس ابقى عرفه انك جايب رقمة من على موقع السيارات على النت ، علشان يظبط معاك ، وقوله انك من طرف حسين بتاع الايبيزا البيضا وهو هيعمل معاك الواجب وزيادة .

**mahmoud ghanem** · 10-12-2012 10:26 AM

بالنسبة لتربيط العافشة !!! الافضل اروح لعفشجى ولا ممكن اربطها فى بنزينة قريبة منى ؟؟؟
حاجة كمان التكلفة تقريباً كام ؟؟ ولو عاوز اظبط زوايا !! اظبط زوايا الاول وبعد كدة اربط العافشة ولا اربط عافشة الاول وبعد كدة اظبط زوايا ؟؟
واسف على الاطالة

**Karim Ibiza** · 10-12-2012 11:47 AM

المشاركة الأصلية كتبت بواسطة mahmoud ghanem

بالنسبة لتربيط العافشة !!! الافضل اروح لعفشجى ولا ممكن اربطها فى بنزينة قريبة منى ؟؟؟
حاجة كمان التكلفة تقريباً كام ؟؟ ولو عاوز اظبط زوايا !! اظبط زوايا الاول وبعد كدة اربط العافشة ولا اربط عافشة الاول وبعد كدة اظبط زوايا ؟؟
واسف على الاطالة

ممكن بتاع الزوايا يربطهالك وبعد كده يظبط الزوايا

بالنسبة لتكلفة التربيط انا كنت بربط عند العفشجى ب 10 جنيه