مساعده في الاسكودا فيليشيا

**المنسي** · 09-12-2012 03:24 PM

المشاركة الأصلية كتبت بواسطة mohamed878

الله يبارك فيك يا منسي انتا طمنتني اوي انا الي شااريها منه هوا اللي غيرلها الجوان معرفش بقي عمل موضوع الزيت ده ولا لأ طيب اعمل ايه دلوقتي اغير الزيت ولا استني وهيا تسوي كام في السوق العربيه دي

اهم حاجة سحبها عامل ايه معاك لان ده برده من ضمن المؤشرات الا اذا كان مجموعة الدبرياج فيها مشكلة اساسا موضوع تغيير الزيت هاقولك تعمل فيه ايه هات زيت 1000 وامشي بيه شوية وغيره يعني مثلا بعد 750 كيلو نزله وبعد كده حط زيت 3000 وعيش على كده انا بقولك ليه تعمل كده علشان الزيت اللى عندك هينزل دلوقتى لو فيه حاجة ولما تحط زيت 1000 هيبقي زى نظافة لدورة الزيت اما بالنسبة لسعرها حاليا وده على حسب الحالة اللى انت قلت عليها برده الموضوع يرجع لو هيه رشة جوة وبرة ولا برة بس ولا فبريكة وحاجات تانية بس عموما هيه توبها 25 او 26

**المنسي** · 10-12-2012 09:00 AM

المشاركة الأصلية كتبت بواسطة mohamed878

لا سحبها كويس جدا معنديش مشكله في السحب خااالص

طيب الحمد لله كده مفيش مشكلة فى الدبرياج اهم حاجة تغير الزيت وتعمل زى ما انا قلت لك وابقي طمنى

**المنسي** · 10-12-2012 10:45 AM

المشاركة الأصلية كتبت بواسطة mohamed878

ربنا يكرمك يا رافع معنوياتي اصل ابويا حسسني اني اتضحك عليا انا معجب اصلا بالفيليشيا اوي معرفش ليه طب حصل حاجه انه بقاله فتره كده لمبه البطاريه مشعره فامبارح خدت مطب كده فببص علي الكبوت من جوه لقيت سير الكاتينه بيلف بس ببطء و بقه بيعمل صوت كده غريب اوي مع الغيارات و البطاريه لمبتها اشتغلت اوي كده ايه

يارب تتهنى بالعربية وان شاء الله خير
اولا لمبة البطارية مشعرة ولما تدوس بنزين بتختفى ولا الاضاءة بتاعتها بتزيد؟؟؟؟؟؟؟؟؟؟؟؟؟
ثانيا مفيش حاجة اسمها سير الكاتينة بيلف ببطء الا اذا كان قصدك على سير الدينامو وده سبب يخلى لمبة البطارية تنور والدينامو شحنه مش هيبقي كويس
اللى انت هتعمله كالاتى هتروح لميكانيكي يشدلك شوية على سير الدينامو او انت ممكن تعملها بنفسك بس متشدش عليه اوى وبعد كده هتطلع على الكهربائى يقيسلك شحن الدينامو والبطارية وان كان يستحسن بعد ماتشد سير الدينامو تطلع مشوار محترم علشان الدينامو يشحن كويس وبعدين تقيس الشحن بتاعه وفى المشوار ده تشوف لمبة البطارية بتنور ليه ولو لسه بتنور هاقولك تعمل ايه بس اعمل اللى انا قلت عليه الاول

**المنسي** · 10-12-2012 11:50 AM

المشاركة الأصلية كتبت بواسطة mohamed878

اخر مره قاسلي شحن الدينامو معرفش المشط الالكتروني باظ تفتكر فيه علاقه وانا قصدي سير الدينامو معلش تعبتك يا منسي

ياريت تغير الاسطى البيه الافندى الباشا الكهربائى بص من الاخر شحن الدينامو الطبيعى على 14 او 13.5 وبعدين متقولش تعبك والكلام الفاضى ده احنا هنا بنخدم لوجه الله وزى ما انا قلتلك هتعمل ايه بالظبط

**المنسي** · 11-12-2012 01:13 PM

المشاركة الأصلية كتبت بواسطة mohamed878

ربنا يبارك فيك انا بتابع الرادياتير زي ما قلتلي مليت القربه و روحت مشوار بتاع 3 ساعات رجعت لقيتها فاضيه كده غلط ولا ايه مع العلم ان التلت ساعات دول كانوا تعليم عليها

هتعمل اللى هاقولك عليه بالحرف والعربية باردة يعني يوم الصبح قبل ماتتحرك بالعربية هتفتح قربة المية وتحط مية لغاية علامة الماكس ومتزودش عن العلامة دى وهتلاقيها على القربة علامتين max و min وتقفل الغطا كويس وتطلع مشوار ويكون مشوار كويس وبعدين تشوف المية بتقل ولا لا

الموضوع: مساعده في الاسكودا فيليشيا

LinkBack

أدوات الموضوع

عرض

-

-

-

-

-

المواضيع المتشابهه

ممكن مساعده من رجاله الاسكودا

مساعده انا جديد مع الاسكودا فيليشيا عايز اعرف اجيب قطع الغيار دى منين

مشكلة في محرك الاسكودا فيليشيا

الاسكودا دى رقم كام معاك ؟؟

فحص الاسكودا

الكلمات الدلالية لهذا الموضوع

المفضلات

المفضلات

ضوابط المشاركة