الموضوع: صوت طقطقة

زي أستاذ جبريل ما قال. إن شاء الله متقلقش الصوت طبيعي وناتج عن مقاومة التيل لحركة العجل وإنت بتلف الدركسيون. مع التليين هيقل، أنا الصوت ده بدأ يقل عندي شوية بس لسه مراحش خالص ( ٣٥٠٠ كم تقريبا).

المشاركة الأصلية كتبت بواسطة gebreel

يا باشا متقلقش ده صوت زي تزييق مش كدة؟
لو كدة ده صوت طبيعي جدا

ربنا يطمنك يا باشا متشكرين جداً

المشاركة الأصلية كتبت بواسطة ahmed_m_ashraf

زي أستاذ جبريل ما قال. إن شاء الله متقلقش الصوت طبيعي وناتج عن مقاومة التيل لحركة العجل وإنت بتلف الدركسيون. مع التليين هيقل، أنا الصوت ده بدأ يقل عندي شوية بس لسه مراحش خالص ( ٣٥٠٠ كم تقريبا).

مش عارف ليه حاسس ان كل ملاك اللوجان وانا منهم بنبقى مستعجلين ان العربية تعد مرحلة التليين علشان العيوب اللي فيها تختفي .
انا عن نفسي ... مستنى صوت الموتور يوطى شوية ، والحرارة بتاعة الكونسول ، وتزييق دواسة البنزين ..... والعضة بتاعة الفتيس لما انقل من الثاني للأول .

المشاركة الأصلية كتبت بواسطة gebreel

انا لسة كنت بقول لوالدي امبارح انا الحمد لله عربيتي لسة مخلصة تليين على 15000 كيلو =)

اييييييييييييه .... انا لسة حاستني لحد 15000 كيلو علشان صوت الموتور يوطى شوية ؟
ممكن تعملنا تقرير عن العربية والعيوب اللي اختفت أو قلت والعيوب اللي طرأت على العربية ؟

المشاركة الأصلية كتبت بواسطة the lawyer

مش عارف ليه حاسس ان كل ملاك اللوجان وانا منهم بنبقى مستعجلين ان العربية تعد مرحلة التليين علشان العيوب اللي فيها تختفي .
انا عن نفسي ... مستنى صوت الموتور يوطى شوية ، والحرارة بتاعة الكونسول ، وتزييق دواسة البنزين ..... والعضة بتاعة الفتيس لما انقل من الثاني للأول .

ههههه، بص بالنسبة لصوت الموتور هينعم بالتدريج بس أظن مش هيتحسن قوي غير بعد تغيير الزيت على ١٠٠٠٠ كم، حرارة الكونسول مش هتختفي مع الوقت، إنت إللي هتتعود عليها أو هتنساها ومش هتركز معاها.

لو دواسة البنزين بتزيق، حاول ترش wd-40 على الأكس بتاعها وإن شاء الله الصوت يروح، أنا كان عندي كده بس في دواسة الفرامل وراح مع wd-40.

موضوع عضة الفتيس الأعضاء إللي معاهم مانوال بيقولو برضه بتروح مع التليين، وممكن تكون مش بتدوس دبرياج للآخر. لو حابب ممكن تقولهم يعلولك الدبرياج شوية في أول صياعة عشان يفصل بدري شوية. وبرضة أصحاب المانوال يفيدوك أتر مني في الموضوع ده.