المشاركة الأصلية كتبت بواسطة abo mostafa
شوف ياباشا هو حضرتك بتعاني من اي شكوي مرضية ؟
وهل في مرض منتشر عندكم في العائلة ؟
وسن حضرتك كام ؟
وحضرتك بتشتغل ايه ؟
___________________________
لان لو مافيش اي اعراض عندك ومافيش اي مرض منتشر في العائلة وسن حضرتك صغير ومش بتتعرض لاي عدوي في شغلك يبقي مش لازم تعمل تحاليل كتييرةعشان تتطمن علي نفسك
انت ممكن تعمل
1/ صورة دم
2/ نسبة alt
3/نسبة كرياتنين
4/تحليل بول وبراز
5/اشعة تلفزيونية علي البطن والحوض
والحاجات دي كفاية جداااا انك تطمن علي نفسك
والحاجات دي كلها لا تتعدي 150 جنية قد تزيد اول تقل حسب المكان
والتحاليل كلها ممكن تعملها في اي معمل وبعد كده اي مركز اشعة هايعمل لك الاشعة التلفزيونية
او لو انت ساكن قريب من الزقازيق ممكن تشرفني في مستشفي الجامعة هاتعمل التحاليل كلها تقريبا ب 30 جنية وانا هاعمل لك الاشعة ببلاش :)