الموضوع: سؤال لجميع ملاك الاوكتافيا a4

المشاركة الأصلية كتبت بواسطة mohammedrefaat

بص سعادتك انا كنت راكب فيات 132 موديل 75 و بعدين ركبت نوبيرا 2007و بصراحه حسيت بفرق كبير و بعد كده ركبت اوكتافيا 2003 اوتوماتيك تكييف تاتش بصراحه حسيت ان العربيات دى تكاتك و بيضحكوا علينا و مسمينها عربيات بص ياباش رغم ان العربيه 2003 و احنا فى 2012الا ان انا بجيب بيها 200 كم/ساعه و التكييف شغال و ولا تحس باى حاجه غير لما تبص فى العداد غير كده .. اوعى وشك
الثبات حاجه محترمه جدا الاسفلت يتخلع من تحتها و هى هاتلاقيها راسيه على الارض اما النوبيرا بصراحه لما كنت ابقى سايقها مثلا على 160 و اعدى جنب عربيه نقل على الطريق ولا حاجه كنت بحس بيها بتلعب من ورا و كنت بخاف اقوم انزل بالسرعه لغايه 120 ولا حاجه انما الa4 عربيه وحش دبابه و الله و انا حاليا بفكر اغير و اجيب فانتازيا بس مستنى اشوف الاراء استنى الشكل الجديد ولا اجيب الشكل الموجود حاليا
بس انا بعيب عليها فى حاه واحده بس لو ركب 3 اشخاص على الكنبه اللى ورا مش هايبقوا مرتاحين اوى فى القعد الكنبه مموله انها تشيل اتنين مرتاحين انما تلاته بيبقى مش مرتاحين اوى و العربيه عاليه حتى لو كنت محمل فيها انابيب بتواجاز مش بنى ادمين و الشنطه تشيل فيل كبيييييييييره جدا لو وقفت و فتحت الشنطه و ميلت و مديت ايدك جوه الشنطه مش هاتعرف تجيب اخرها الا لو ركبت فى الشنطه برجلك

تسلملي يا زعيم الامه هوا ده انا عايز حد مجرب قبليها عشان يعرف يفرق وياسلام لو نوبيرا ده انت عز الطلب بس بردوا عايزك تقولي السحب و الجري انت بتقول بتجيب 200 كم طب هوا كانت بتموت منك؟ وطب الاستهلاك للبنزين عامل ايه كل ده بالمقارنه بالنوبيرا ايه ظروفه؟ معلش يا جدعان اعذروني اصلي قريت ان خرجها 100 حصان وانا شايف بنظرتي المتواضعه انها عربيه تقيله و الموتور ده مش حيسعفها وانا معايا نوبيرا اروبي ماتورها الله واكبر عليه 107 حصان وطبعا مش في تقل الاوكتافيا فحاسس انها طياره بس انا عايز اقولك حاجه والله بامانه انا النوبيرا بجمع بيها سرعات وانا مطمن لثباتها والله عربيه محترمه في نظرتي المتواضعه بس معرفش المصري كده برضوا ولا ايه

المشاركة الأصلية كتبت بواسطة crazydeepman

تسلملي يا زعيم الامه هوا ده انا عايز حد مجرب قبليها عشان يعرف يفرق وياسلام لو نوبيرا ده انت عز الطلب بس بردوا عايزك تقولي السحب و الجري انت بتقول بتجيب 200 كم طب هوا كانت بتموت منك؟ وطب الاستهلاك للبنزين عامل ايه كل ده بالمقارنه بالنوبيرا ايه ظروفه؟ معلش يا جدعان اعذروني اصلي قريت ان خرجها 100 حصان وانا شايف بنظرتي المتواضعه انها عربيه تقيله و الموتور ده مش حيسعفها وانا معايا نوبيرا اروبي ماتورها الله واكبر عليه 107 حصان وطبعا مش في تقل الاوكتافيا فحاسس انها طياره بس انا عايز اقولك حاجه والله بامانه انا النوبيرا بجمع بيها سرعات وانا مطمن لثباتها والله عربيه محترمه في نظرتي المتواضعه بس معرفش المصري كده برضوا ولا ايه

والله انا عايز اشارك بس متردد لانى مكنتش مقتنى نوبيرا
بس من كتر كلامك عن الشد والسحب والبطه مش هسكت بقى :(
ومقارنتك بين النوبيرا والاوكتافيا معلش اسمحلى
والله ده موقف حصل معايا وكان قريب جدا كنت بعت اليه فايف وبدور على فانتازيا
واتزنقت فى مشوار مهم واخدت من صديق لى نوبيرا هى 99 اوروبى اوتوماتيك
وللعلم هو كهربائى سيارات ومن النوع المهتم جدا بأى عربيه يركبها بس مش عارف من كلامك عن النوبيرا اظن ان عربيته فيها حاجه !!!!!
انا بعد ماعملت المشوار هو حوالى 60 كيلو رايح جاى يعنى هى دى تجربتى الوحيده معاها وده مش حكم عام
والله هو العشم كبير بين وبين صديقى رميت المفتاح فى وشه (طبعا اصدقاء وبنهزر) وقلتله دى عربيه ............* اظن وصل الوصف
لو حضرتك هتقتنى الاوكتافيا هتعشق العربيه دى فعلا
كقوه وثبات وفخامه
وفعلا يعبها فقط ضيق الكنبه الخلفيه وده على حساب وسع الشنطه الرهيب (شنطه نصف نقل)

وما تقارن موضوع الاحصنه
انا كان معايا بولو 1000 cc موديل 99 مش 1400
فى رحله من المحله لشاطىء النخيل كنا اربع عربيات تويوتا اوتو2007 لانسر 2006 اوتو ولانوس 2006 مانيوال
ما كانش بيصد معايا غير التويوتا ومابيطلع يعنى بنلعب مع بعض والباقى بيقاتل ورانا علشان يعدينا
وكل اللى سايقين سواقين تمام طبعا كلامى ده هلاقى عليه خمس تلاف تعليق يكذبه واللى هيقولك سواقين تعبانين وغيره
لكن اقسم لك بالله هذا حصل
فتوكل على الله الاوكتافيا فلوسك فى مكانها