الموضوع: مشكلة فى الدبرياج سكودا فابيا 2004 عالى قوى

المشاركة الأصلية كتبت بواسطة karamfone

بشكرك اخى على المساعدة بس انا مش عارف هو على وير ولا على مستر
بس لما اشتريت العربية صحبها قالى انو مغيرلها طقم كامل للدبرياج
وكان عالى بردو
وسبب تغيرى الطقم ان الدبرياج عالى جدا جدا
وبيستهلك معايا بنزين عن العادى


لكن لو على ماستر وبيظبط مع نفسو كان اتظبط على ما اعتقد او فعلا ليه طريقة
طيب لو هو على ماستر ما هى الطريقة لانى دوخت ومش عايز حد يلعب فيها لان الغلطة بفورة فيها اللى غيرلى طقم الدبرياج هو واحد شغال فى فولكس واجد وشغل الاسكودا نفس شغل سيارات الفولكس
لان ماتور الفابيا عندى 3 سلندر
وهو هو نفس ما تور jeata & passat

الفرق ان الباسات 1600 على ما اعتقد و4 سلندر

بس العربية عندى 3 سلندر بس تحس انها 1400 سىسى و4 سلندر مش 3
دا احساسى لما بسوقها واسوق الفابيا اللى ماتورها 1400 سىسى و4 سلندر نفس القوة
لكن فى نظرى ان ال 1200 افضل لانها بتوفر جدا فى البانزين جدا ودا اللى محبيبنى فيها لانى شغال فى مدينة بدر وساكن فى القاهرة يعنى يوميا رايح جاى بضرب فى اليوم حوالى 150 كيلو


بخصوص البلية هى غلطة فعلا منى لانى كنت المفروض اركب الطقم مع بعضو
انا مشيت حوالى 50 الف كيلو
هى على الطريق الله واكبر عاليها لكن فى بداية الطلعة مش تمام الرعشة والسحب بيبقى ضعيف


ارجو التفاعل اكثر من الاخوة اصحاب الفابيا واللى ليهم تجارب معاها ياريت يفيدونى ومتبخلوش عاليا بالتجربة حتى لو تشارك برائيك
وفى انتظار التفاعل من الاخوة لان الموضوع ممكن يبقى خاص بحلول مشاكل الدبرياج لهذه الفئة من السيارات الاسكودا او الفابيا 1200 سىسى
لان الموضوع ممكن يستفيد منو ناس كتير اذا توصلنا لحل
او على الاقل من عرض تجاربنا
واسف على الاطالة
وفى انتظار تفاعولكو
تحياتى
م/ محمد كرم
مسؤل مبيعات شركة ايجل اوتو لتصنيع المينى باصات والاتوبيسات وكيل جنرال موتورز (شيفورليه )

ولو حد عايز اتوبيسات للرحلات او لشركات او نقل ركاب 29 راكب و33 راكب
اقدر اوفر الاعداد اللى تحتجها اى شركات او افراد او سواقين لنقل الركاب بين المحافظات
وفى عروض اسعار قوية جدا وبنافس بيها فى السوق
والاتوبيس جودتو عاليا جدا وضمان 3 سنين او 10000 كيلو

لو حد عايزنى اخدمو فى مجال شغلى فى منتج المصنع انا تحت امروكو انا حابب اقدم اى مساعدة لاى عضو داخل هذا المنتدى الرائع واللى استفدت منه كتير جدا وباذن الله هلاقى حل لمشكلتى باذن الله
وانا اسف على الاطالة

هو مبدأيا كدة لازم نبص لكل كل حاجة لوحدها ، الدبرياج عالى ليه ، مشكلة الرعشة ، ضعف السحب ، ظبط مستوى الدبرياج

مبدأيا اعتقد و بنسبة 90% عربيتك دبرياجها على ماستر

نيجى المشاكل بقى

الدبرياج عالى : ده يا اما الدواسة عالية بس العربية تمام وطبيعتها كدة ، يا اما عالى لدرجة انه محمل باستمرار على الاسطوانة والحالة دى صعب تحصل في العربيات اللى على ماستر الا لو في مشكلة في ماستر الدبرياج انه مش بيرد تانى بالكامل بعد ما تشيل رجلك من على الدواسة وفي الحالة دى بتحتاج تغيير الماستر او طقم اصلاح له وهتلاقى الطقم اساسا اتاكل لانه كان محمل على طول وانت ماشى ( طبعا انا بعرض كل الاحتمالات مش بقول ده اللى عندك )


غير كدة مستوى الدواسة مش مشكلة في العربية ، دى مجرد انها بتخلى السواقة مش مريحة ومالهاش علاقة لا بضعف سحب ولا برعشة
وموضوع ان العربية تنط ، ده بسبب عدم التعود على مستوى الدواسة مش اكتر
وان صوت الموتور يعلى قبل ما العربية تتحرك ، برضه بسبب التعود على مستوى رفع للرجل الشمال يقابله مستوى ضغط على البنزين بطريقة معينة انت متعود عليها ( انا عن نفسى لما بسوق عربيات دبرياجها عالى بيحصللى كدة في الاول )



بالنسبة للرعشة
الرعشة في الطلعة يعنى فولام مش مستوى و بيعمل رفة مع الاسطوانة في بداية الطلعة او دسك وحش مش اصلى او الموتور نفسه بيتهز وفيه مشكلة في القواعد او الفتيس مش متربط كويس مع الموتور


حاول تعالج سبب الرعشة الاول وشوف ايه سبب ضعف السحب ، لو الدبرياج محمل باستمرار ، هتحتاج اصلاحات في الماستر الفوقانى او التحتانى او الاتنين

بالنسبة بقى لظبط نقطة فصل الدبرياج

الاصل في العربيات اللى على ماستر انه مش محتاج يتعاير لأن ضغط الزيت بيعوض التآكل في الاسطوانة ويحافظ على مستوى البدال على طول ( زي الفرامل الدسكات بيظبط نفسه بنفسه )

بس احيانا في بعض العربيات بيكون له رجلاش من عند عمود الدفع اللى خارج من الماستر التحتانى ورايح على الفورش والبلية جوة الفتيس

وبعض العربيات بيبقى في رجلاش من جوة عند البدال

وانا عربيتى القديمة 504 كان معمول فيها حاجة مشابهة للطريقة التانية
الدراع بتاع البدال من جوة ( الصنايعية بيسموه زغاد دبرياج ) معمول عمولة بحيث انه بيتطول ويتقصر بقلاووظ :D ( طبعا فكرة عبقرية وكنت بعلى الدبرياج وبوطيه بكل سهولة ومن جوة العربية :D ) .


ده يا سيدى كل اللى اعرفه عن هذا الشيء المسمى بالدبرياج :D



و دى صورة توضيحية لكل اللى انا اتكلمت عليه بتوضح نظام دبرياج هيدروليكى عام ( مش بتاع عربية محددة )
طبعا البلوك الاسطوانى اللى على الشمال ده هو الفتيس




انا عارف انى طولت عليك بس بحاول اساعد على قد المعلومات اللى عندى وخبرتى مع مشاكل الدبرياج في عربيتى القديمة