القافلة تسير و انت تعوى خلفها كالعادة .....:ANSmile23:
ليه كدا يا جماعة
دكتور لانوس ....
حضرتك كدا لبست نفسك الغلط
كل ده علشان رأي في السيارات
حضرتك أختلفت معاهم في الرأي حول اللانوس و قلت أن فيه غلطات فنية كتيرة في عربيات تانية
بس حضرتك لم تبين وجهة نظرك بطريقة متقبلة
لا منهم ........ و لا مننا نحن الأعضاء الأخرين القارئين للموضوع
أولا أنا بدافع عنهم لأنهم أتهجموا بشدة بدون مبرر
التقرير المفتوح و موضوع النقاش لم يقولوا عليه تقرير احترافي أو تقرير تجارب
بل تقرير رؤية السيارة في المعارض و هي رؤية مبدئية ممكن أن يختلف الجميع حولها
لذلك ادعوك مرة أخرى ......... للمصالحة مع الأخوة خصوصا أن محدش منهم شتمك أو غلط في شخصك الكريم
و أنا أدعوك كأخ ليس أكثر ........ و لك أن تتقبل كلامي أو ترفضه
لك مطلق الحرية .......
و مرة أخرى ...... ليه أختلاف الرأي يؤدي لخلافات ليس لها مردود إيجابي .....و تؤدي في نهاية المطاف إلى مشاحنات و مضايقات ؟؟؟؟
يا اصحاب الموضوع لهم كل الشكر على الموضوع و على المجهود و الوقت الضائع
و كل ذلك ليس إلا لخدمة رواد المنتدى ليس أكثر و أنا أعلم تماما ليس في نية أيا منهم أي شئ غير خدمة رواد المنتدى
لذا وجب شكرهم مرارا و تكرارا
( حازم خضر - محمد ابيزا - أحمد أنور - كريبتون اكس - أحمد علاوي - نايل ستورم )
و للجميع تحياتي الحارة
شوف يا استاذي..
بغض النظر اني كنت من المجموعه اللي نزلت اتفرجت و عملت التقييم..
و اللي سبق و رديت فيه قبل كده الكلام ده..\سعاتك لما دخلت تنقد كان بدافع حاجة واحدة..
كانت الغيرلية علي العربية اللانوس اللي سعاتك بتمتلكها.. و اللي ناس كتير جدا معانا هنا معاهم العربية و محدش اعترض..
و ده لأنهم شافوها و و سمعوا من ناس ثقة عن القرف اللي في العربية و منظرها اللي لا يسر عدو ولا حبيب..
فين المجاملات..؟؟ احنا لما اتكلمنا قولنا رأي و جولة.. مقولناش ده تست درايف ولا تقييم بعد كام سنة ف السوق..!!!
تقييم لشكل و تقفيل العربيات.. و الي شوفناه بعنينا..
الناس قدرت اننا تعبنا و نزلنا و كتبنا و صورنا و اعدينا و كان في مجهود كبير جدا و تنظيم عمل بين عدد كبير من الناس..
عشان كده بتشكرنا علي المجهود و علي المعلومات اللي في ناس تعرفها.. و ناس متعرفهاش..
اللي كان عنده تصحصح قاله.. و اللي مش عاجبه حاجة قولناها.. خلاص.. ده كان رأينا.. و العدد مكانش قليل.. يبقي راي اكتر
من واحد مش هيكون فيه تحيز.. و علي فكرة برضه..
في مننا معاه عربيات الماني و في كوري و في ياباني و ايطالي.. و ماركات كتير.. عشان ميتقالش انه في تحيز ضد ماركة معينه او مصنع معين..
اللي انا شايفه و معظم الناس معانا انه مفيش مجاملة..
و ان النظام اللي مشينا بيه ف التقييم ده مكانش وحش .. و ده كان نظام حطيناه و مشينا عليه..
لو انت رأيك الفردي بيقول انه غلط او غير موضوعي.. خلاص سعاتك ابديت رأيك..
و الناس اللي عجبها الموضوع و قدرته.. ابدت رأيها.. و خلاص علي كده..
متتعبش نفسك و تقرا الموضوع.. ولا الجزء التاني منه.. طالما انت شايف انه غير عملي و غير موضوعي..\و اتمني من سعاتك حاجة اخيرة..
ممكن تحطلنا كده خطة نجرب نستخدمها لما نيجي نعمل تقييم لحاجة زي كده..؟؟ و نشوف هتبقي موضوعيه ولا لأ..!!!
يا أخي أنت من أول مداخلة أبديت رأيك بطريقة غير لطيفة
و أنا لا أجامل أحد
لأن الناس لا تحتاج إلى مجاملة .......... بل إلى الشكر
أنت أتكلمت في عيب في تقييم اللانوس .......... و لكنك أظهرت عدم رضائك عن الكلام بطريقة ليست محببة هنا في المنتدى
و أيضا تتهم كل من يقول الحق بأننا مجاملون و أننا " بنعمل من الفسيخ شربات "
طيب رد صغير
إذا كان الفسيخ مش عاجب حضرتك ......... يا إما تنتقد بأسلوب أفضل من هذا
أو لا تشتري الفسيخ أساسا
هو ده خلاصة الموضوع
و شكرا
مجهود مشكور والله بس يا ريت ميبقاش فيه حزازية كده فى الردود الموضوع معمول لتعم الفائدة على الجميع ليس الا وفعلا اللى مش عاجبه الموضوع بلاش يقراه
بس بصراحة انا بشكر القائمين على الموضوع بشدة ومنتظرين الجزء الثانى
انا عايز اعرف انت عمال تدخل فى الناس شمال ليه كده حتى الراجل اللى داخل يهدى الجو مسلمش منك عيب كده اوى اوى و كمان انا قولتلك لو التقرير مش عاجبك تعالى انزل معايا و نعمل تقرير تانى عن الانوس فقط و انت ماردتش عليا خلاص يبقى انت مش عايز تعمله علشان شايف ان العربيه الجديد منها فعلا تعبان و انت بس عمال تقاوح و خلاص
و اللى اعرفه كويس جدا ان الاستاذ توت غنخ امون من الشخصيات المحترمه جدا جدا فى المنتدى و مش بيتكلم او بيدخل فى اى موضوع غير لما يكون متاكد منه ميه فى الميه يبقى عيب اوى اللى انت بتعمله ده و اسلوبك ده غير مطلوب ابدا على صفحات المنتدى و لو كلامى مش عاجبك يبقى ماتدخلش هنا تانى
يا توت باشا انت راجل محترم متتعبش نفسك مع ناس مبتقدرش كلمتك الطيبة و تقولك فسيخ و ملوحه ولا اكننا في محل سمك مش في منتدي محترم!!!!!!!!!!!!!!
و طالما الموضوع دخل في سب و شتائم اقسم بالله العظيم انا ساكت عشان مش عايز اكبر المشكلة لكن كلمة زيادة في حق اي عضو من الاعضاء هتقدم بشكوي جماعية للادارة و هجيب فيها القديم و الجديد عشان مش كل شوية واحد يخش المنتدي يعد يخبط في الاعضاء و يعترض علي قرارات الادارة و ماشي يلطش في خلق الله و مبيحترمش الناس و طالما مبيحترمش الناس احنا كمان مش هنحترمه و خليك فاكر اننا صبرنا عليك كتير اوي و علي اهاناتك و اكتفينا بالرد عليك هنا لكن كلمة زيادة في حق اي عضو من الاعضاء هنتقدم بشكوي جماعية ضدك عشان الادارة تشوف صرفة معاك و نشوف بقي الادارة هيعجبها هجومك الدائم علي الاعضاء و اهاناتك و اتهامك لينا بأننا لا نتحري الامانة و الصدق و مبنراعيش ربنا في كلامنا و بنضلل الناس و اننا مبنفهمش حاجة و غيره و غيره و غيره دي نبذة صغيرة عن غلطاتك في حقنا اظن تلم الموضوع و كفاية اوي كده و عيب اللي انت بتعمله ده!!
__________________________
تم غلــق الموضوع نتيجة للتجاوزات و المخالفات
فى إنتظار قرارات الإدارة
الإدارة - 3