موضوع اكثر من ممتاز بس بصراحة شايف ان الدايوووو تكسب
موضوع اكثر من ممتاز بس بصراحة شايف ان الدايوووو تكسب
انا مش فاهم اية اللى فتح الموضوع دة تانى هو الموضوع حرب و لا اية كل دة علشان قولت رأى مخالف لكم. اتمنى انك تهدى اعصابك شوية لان الواحد اللى انت بتتكلم عليه دة مبيفتيش من فراغ لان الدايو دى شغلتى اساسا و بعدين هو فين التقرير دة اللى زعلان عليه اوى انت فاكر ان اللى عملتوه دة تقرير مظبوط لما تنتقد عربية علشان حوض الموتور واسع و انك توقعت ان الفرش الشمس هتكله بعد كام سنة و انكم زهقتم خلاص و ان الشنطة بعيدة 2 ملى عن الكشاف هل تعتبر دة تقرير ناس فاهمة فى العربيات و بتقيم الحاجة صح و على اسس علمية سليمة و فى مضمون العربية دة انا لحد دلوقتى ساكت و مش راضى اتكلم فى باقى العربيات و اتكلمت فى اللانوس بس لانها تخصصى و قولت الاخطاء اللى حصلت منكم فى التقرير عنها و مع ذلك جاى تتهمنى دلوقتى بأنى قولت كلام مرسل و لم اوضح الاخطاء مع انى وضحتها جدا و كل مرة بوضحها زى ما انت شايف و برضه مافيش فايدة و مافيش داعى اطلعلكم باقى الكواراث و الاخطاء الفادحة اللى فى بيانات العربيات التانية الغلط و خلى الطابق مستور احسن لان واضح انكم من النوع اللى بيعاند و بيتمسك بغلطه دائما و اذا كان واحد منكم دخل قسم اللانوس و بيفتى و يقول للناس ان عمود الكوبلن بيتكسر من الامركة او التحميل و كانه عمود بسكويت و ان العربية بتفقد ثباتها على 80 كيلو يبقى اية المتوقع منكم بعد ذلك تقولوه عن اللانوس يا جماعة حرام عليكم الكلام دة بتقراه ناس عادية و ممكن تاخد به فياريت تراعوا ربنا فى اللى بتكتبوه مش اكتر.
الموضوع شكلة مش هيكمل يا جمااااعة صح؟؟؟
اللي فتح الموضوع اني برد علي واحد كان بيوجه ليا كلام وانا مكنتش واخد بالي منه ولا في مانع من الرد!!
انا ادري بنفسي و سيبك انت من الهدوء و العصبية و مين قالك اننا انتقدنا ان حوض الموتور واسع ميزة حوض الموتور فقط انه بيريح الصنايعية في الشغل و بيبقي في مساحة لا بأس بها هي دي الفكرة بس انما مش ميزة جبارة يعني و اساسا الفتي اللي انت بتقوله ان احنا انتقدنا الحوض الواسع ده ملوش اساسا لاننا منتقدناهوش اصلا !!!!!!
الفرش اظن لو اعمي و شاف الخامات الرديئة اللي مصنوع منها هيقول ايه القرف ده ابقي روح بص انت الاول بس انت اساسا مشفتش لانوس 2008 يبقي متحكمش من غير ما تعاين العربية و راعي ربنا انت في حكمك اللي انت قلته بدون ما تشوف العربية!!
الشنطه مفارقة ده عيب تجميع و تقفيل واضح مفهوش نقاش عيب اللي قفل و اللي جمع انت مش معتبره عيب تجميع براحتك انت حر نعملك ايه يعني!!
بقولك ايه و النبي يا شيخ و النبي لا تتكلم لا اتكلم و طلع اللي جواك كله قول كل اللي في نفسك و كل اللي انت عايزه قال خلي الطابق مستور قال ليه يا استاذ احنا مقلناش حاجة غلط و علي لو مراعتش ربنا في كلامك و بينت الاخطاء الرهييييييييييييبة اللي احنا وقعنا فيها ربنا مش هيبقي راضي عنك عشان انت سايبنا نضلل الناس و بنقولهم كلام غلط انا بقول لكل الناس اوعوا حد مننا يقولكوا كلمة و تصدقوها و الناس اللي اشترت عربيات علي ايدي هنا في المنتدي و سألوني و جابوها بناء علي كلامي سواء زيرو او مستعمل ميسمعوش كلامي تاني اصل انا بضحك عليكم و مليش في العربيات و مبحبش العربيات اساسا
عمال تقولنا راعوا ربنا في كلامكم و انت بتغتاب حازم و هو مش موجود و بتنبط عليه بالكلام كمان يا اخي راعي انت ربنا
السلام عليكم و رحمة الله و بركاته
أحب أقول حاجة
أنا أول مرة أشوف التجاوزات اللي حصلت دي في الموضوع
أحب أقول و أكرر شكري لأصحاب الموضوع فرد فرد لتخصيصهم يوم كامل من وقتهم الثمين لعمل الموضوع و محاولة بذل قصارى جهدهم فيه
و لا يجوز مننا جميعا إلا أن نشكرهم بالفعل
و إن كان هناك أي أخطاء فنية أو اختلاف في الرأي
فيجب أن يتم التنويه عنها بطريقة أخرى
و أحب كأخ للجميع أن أدعوا الأخ الدكتور لانوس إلى مراجعة ما قاله في اول مداخلة فيها هجوم على الأخوة الكرام أصحاب الموضوع ( كريبتون و حازم خضر و محمد ابيزا و احمد علاوي و نايل ستورم و أحمد أنور )
من الممكن فعلا الأختلاف في وجهات النظر و كل منكم له الحق في الأحتفاظ بوجهة نظره و إظهارها و لكن بدون التجريح في الآخرين
و أنا عارف اني ممكن أسمع كلمة زي
و أنت مالك ......... و أنت ملكش دخل في الموضوع
بس بصراحة حسيت أن الناس تعبت و فيه بعض الأراء ليست مقدرة لجهودهم حتى لو هناك أختلاف لوجهات النظر
و في الأخر أحنا كلنا أخوات و لا يصح أن نخسر بعض من أجل رأي في سيارة مصنوعة من الحديد و يا ليتها صناعة و تصميم و ابداع مصري
و أرجوا أن لا يحدث أي مشاحنات أو مزاولات خاصة بهذا الموضوع تقود إلى علاقات سيئة
و في النهاية بشكر الأخوة مرة أخرى على هذا الموضوع و بارك الله لكم
و ننتظر منكم الجزء الثاني
عايزين نسمع رأيكم في الجين 2 :D :D :k41:
و بشكر الأخ دكتور لانوس لإستماعه لرسالتي
و بارك الله فيكم جميعا