الموضوع: كنت عايز ابيع الفوكاس

المشاركة الأصلية كتبت بواسطة egfire

والله انتم حبيبتوني في العربيه اكتر. بس ناو ال ٩٥ غلي و انا كل ٤ ايام بافول العمل ايه و فيه واحد بيقول الاوكتان امبروفير بيكون فيه نسبه زيت الكلام ده صح ولا غلط وكمان كنت عايز رائيكم لو ركبت سوند سيستيم من غير قص ف الصاج و كمان فرش للعربيه و زينون ولا هاتتقلب ميكروبص؟

بص يا سيدي موضوع البنزين ده انا قتلته بحثا سواء مع الوكيل او مع بعض الاصدقاء او مع بعض الاعضاء هنا في المنتدى وطلعت بالنتائج التالية ... حضرتك عندك 3 اوبشن

1 - تفضل زي مانت بتحط ال 95 بالسعر الجديد و طبعا لو انت بتقطع كيلو مترات أد اللي انا بقطعها يبقى هاتبيع اللي وراك واللي قدامك

2 - تحط 92 عادي وتضيفله الاضافات التالية:
-Toluene------------------600mL
-Xylene-------------------300mL
-Isopropyl Alcohol--100 mL

طبعا الاضافات دي لو حسبتها هاتلاقي مجموعهم واحد لتر الواحد لتر ده يضاف على تانك 60 لتر يبقى انت هاتحسب التفويلة بتاعتك كام وتنسب النسب على اساسها والتانك عندك بيبقى متوسط التفويلة بتاعته حوالي 40 لتر يبقى تحسب على هذا الاساس ... الكلام ده بقى بيعمل ايه بيرفع الاوكتان من 92 ل 93.5 ودي هي اقصى حاجة ممكن تعملها وفي الحالة دي مش هاتحس تقريبا باي فرق في الاداء

3 - تحط 92 من غير اي اضافات وفي الحالة دي العربية هاتقل في القدرة حوالي 5 حصان يعني هاتفرق معاك حاجة بسيطة في السحب واستهلاك البنزين هايزيد شوية

وبالنسبة للساوند سيستم هاسألك على الموضوع ده واقولك مع اني مش مقتنع خالص ان الساوند سيستم وحش او ضعيف يمكن انا ودني بقى فيها صراصير ولا حاجة

المشاركة الأصلية كتبت بواسطة egfire

وصيانه ل ١٠٠٠٠ هاتتكلف كام؟

حوالي 700 جنيه بالزيت والفلتر طبعا

المشاركة الأصلية كتبت بواسطة yehiaseg

والحاجات دي نجيبها منين

شركة النصر للكيماويات أو الجمهورية للادوية أو اي شركة كيماويات تانية بس ممكن تبقى اغلى شوية

المشاركة الأصلية كتبت بواسطة egfire

انا رايح التوكيل بكره في ٦ اكتوبر العربيه فيها حاجات عايزه تتعمل الكاوتش عايز يترصص و فيه صوت هوا جوه العربيه علي سرعه ١٤٠

طيب كويس ما تسيبهومش بقى غير لما يحلولك كل المشاكل وابقى طمنا ايه الاخبار ولو اني كنت افضل تروح فرع العبور هناك المعدات اكتر والمهندسين اكتر فابالتالي الخدمة بتبقى افضل عموما روح بردو وجرب وقولنا ايه الاخبار

المشاركة الأصلية كتبت بواسطة egfire

انا رايح التوكيل بكره في ٦ اكتوبر العربيه فيها حاجات عايزه تتعمل الكاوتش عايز يترصص و فيه صوت هوا جوه العربيه علي سرعه ١٤٠

مفيش ترصيص فى فرع اكتوبر فى ظبط زوايا بس وليك مره واحده مجانا

لو عايز بدل بفوكس ٢٠١١ هاتش باك قلى عامله ١٥٠٠٠ كم