قمت بعمل تست درايف للسيارة سوبارو أمبريزا الجديدة لمدة 10 دقائق و هذا إنطباعي عنها بدون ترتيب معين.

1- التكييف قوى جدا

2- عزل المقصورة جيد جدا

3- وضعية الجلوس ممتازة (منخفضة، لازم السوبارو تبقي كده :)) واذا لم تعجبك هذة الوضعية يمكنك تعلية كرسى السائق بالطبع

4- السيارة واسعة من الخلف , انا طولى 182 سم واذا جلست خلف نفسى ركبى لن تلمس كرسى السائق

5- الخامات الداخليه كانت ممكن تبقى احسن. ممكن نعتبرها بين الميتسوبيشى\النيسان و الرينو\السكودا. تشبه التويوتا

6- كلنا نعلم ان ثبات السوبارو عظيم , مالم اتوقعة هو النعومه، و العفشه جميله جدا في المطبات.

7- التسارع سلس جدا (بسبب ناقل الحركة ال cvt ) وليس سىء على الاطلاق. (كنت متوقع يكون تعبان) ملحوظة: مفيش تغيير نقلات يعنى + و - على الفتيس

8- الباور تقيل شويه و انا بفضله كده الصراحه. مسئول المبيعات قالى ده هيدروليك مش كهرباء. بس مش متاكد ياريت حد يأكد المعلومه

9- الزجاج الخلفى كله مظلل

10- البلوتوث جربته في المكالمات و تشغيله سهل جداً. بس معرفناش نجرب اننا نشغل أي ملف صوتي على الموبايل والصوت يطلع من الكاسيت. مندوب المبيعات قالي ساعتها إن مافيهوش الخاصية ديه، ولكن بالبحث على youtube لقيت انها موجودة بالفعل بس تشغيلها صعب شوية


تم تعديل أول مشاركة بناء على طلب صاحب الموضوع
كما تم تعديل عنوان الموضوع وتثبيته
م ع 3