الموضوع: باركولي اشتريت صني اوتوماتيك 2010 سوبر صالون

المشاركة الأصلية كتبت بواسطة Youssef.Awad

1000 مبروووووووك وربنا يباركلك فيها
السعر معقول اوى على حالتها حسب وصفك

عندك اول صيانة جاية عند 50.000 كم
وفيها بيتم تغيير زيت الموتور والفلتر (2.7 لتر) بأى نوع تخليقى زى ليكوى مولى توب تيك 5w40 او شل او توتال او حتى موبيل 1 وده بيتغير كل 10 الاف كم
وكمان بيتم تنضيف فلتر الهواء والمكيف واستكمال السوائل الناقصة

ولكن يجب الانتباه للاتى على افتراض ان مالك السيارة الاول كان واخد قرار البيع وحب يوفر فى اكبر واهم صيانة عند 40.000 كم (ممكن يكون ما عملهاش اصلا) :
1. الكشف على البوجيهات
2. الكشف على حالة الاطارات لانها المفترض ان تستبدل عند 40 الف كم او 50 الف كم كحد اقصى اذا كان يتم تدويرها كل 10 الاف كم بانتظام
3. الكشف على تيل الفرامل وتغييره اذا لزم الامر حفاظا على الاداء وسلامة الطنابير
4. الكشف على حالة السيور واستبدالها اذا لزم الامر
5. استبدال زيت الفتيس اذا لم يسبق تغييره منذ الزيرو (مهم جدااااااا)
6. استبدال زيوت الباور والفرامل لمرور اكثر من عامين عليها للوقاية
7. استبدال مياه الراديتير بأخرى جديدة اذا لم يسبق لها التغيير
8. الكشف على حالة البطارية واستبدالها اذا لزم الامر
9. من اشهر العيوب الشائعة للصنى 2010-2011 هى ضفيرة الكهرباء وتظهر فى عدم انتظام قراءة عداد الrpm وارتفاع وانخفاض المؤشر دون مبرر او ضغط على دواسة الوقود .. لذا يجب التأكد من سلامتها فى التوكيل للاستفادة من الضمان قبل انتهائه
10. الكشف بالكامل على العفشة من جلب مقصات وكاوتشات تراب مساعدين وغيرها مع اعادة تربيطها بالكامل فى التوكيل

افضل مراكز خدمة لنيسان هى اتوايجيب ابو رواش (ويمتاز بتربيط العفشة بالعزم المنصوص عليه فى الكتالوج لا سيما كشف كامل مفصل وتقرير مكتوب عن حالة كل جزء من العربية فى كل صيانة)
او السبع المعادى (ويمتاز بخبرة مهندسيه وفنييه وجودة الاصلاح واكتشاف الاعطال)
بالنسبة للاكسسوارات اللى حضرتك حابب تركبها زى الباركنج سنسور موجودة فى الاتنين وسعرهم التركيب تقريبا 400-450 ج وممكن يكون ارخص فى فروع مودرن موتورز

بارك الله فيك مشرفنا العزيز
جزاك الله عنا خير الجزاء
بصراحة الراجل صاهب العربية جبت رقمه من التوكيل وكلمته وقاللي كل الكلام ده انه عمكله في صيانه ال 40 الف كيلو وهو سبب بيعه انه غير لنيسان 2013
وبصراحة راجل ذوق جدا ومحترم
سبب قلقي اني اشتريت من تاجر فكنت خايف ان العربية يكون فيها حاجه متلصمه او عامل فيها حاجه مخرجاها بره الضمان
لكن لما رحت السبع زهراء المعادي قابلني مهندس مهند وهو بصراحة راجل محترم جدا
وقاللي العربية مافيهاش اي حاجه وصاحبها منتظم في صيانتها
لدرجه انه جابلي بيانات الزيت اللي غيره في ال 45 الف كيلو وقاللي انه كان مغير زيت 10 الاف كيلو
فقولتله هغير عند ال 55 الف كيلو لاني كنت بعمل صيانه ال 50
وللعلم السيارة Ex Station مش سوبر صالون فهل السعر معقول على حد قولك

شوية استفسارات : هو لو ركبت عمود إتزان بره التوكيل هتخرج بره الضمان
ثانيا برضه نفس السوال بالنسبة للباركينج سنسور
تحياتي العطرة