امبارح كنت جاى من طريق اسكندريه الزراعى باتجاه القاهره وظهرت فى مرايتى عربيه مبهدله الطريق كأنها إبره فى قماش لما جه جنبى كانت سيتروين فضى عليها كلمة Liqui Moly على جنبها وكلمة Dentist على القزاز الخلفى وسايقها شاب ، مش عارف ليه فى لحظه افتكرت الايام الخوالى والجرى والشد مع رفقاء الطريق وابتسمت وانا برجع الكرسى ورا :)

ولقيتنى بسقط غيار وبكمل معاه لاخر الطريق، تحيه واجبه للطبيب الشاب المجهول لانه كان بيسابق بشرف ولانه رجعلى احساس وحشنى كتير ولسه فى دمى... مش عارف هو هيشوف الكلام ده ولا لأ بس عايز اقوله انت غيرت فكرتى عن كلمة ( استخدام طبيب ) :D