الموضوع: بيعوا العربية التانية

المشاركة الأصلية كتبت بواسطة hussein_ramdan

كل يوم 4 للتر
انا مش عارف لية البذخ دة
امبارح جماعة الاخوان لمت الشباب بتاعهم عشان يعملو مظاهرة تئايد قرارت الرئيس فى ذيادة الضرائب على
المياة الغازية والسجائر وخطوط الموبيل
اتحدى اول مايغلى البنزين هيعملو مليونية عشان يئايدوالذيادة
ههههههههههههههههههههههه العقل زينة فى البترينة

العربيات ال 1600 ابلج وال 2000 لجلج

يت جدعان الدعم ده و الله العظيم كارثة و مفيهوش أي نوع من أنواع العدالة الأجتماعية .

و الأخوان المسلمون و الرئيس و مبارك و أي رئيس ملوش أي ذنب أنه يلغيه أو يخليه


أنتوا بتتكلموا في سلعة بتنتهي و بتخلص ........ و احنا في مصر زي الأرانب ...... في الزيادة في العدد و زي السلاحف في الزيادة في الأنتاج .

و من ناحية العدالة

واحد عنده 3 عربيات

بيأخد دعم بألافات الجنيهات سنويا و غيره مُعدم في الآرياف ....... مش لاقي يأكل أصلا ؟؟؟؟؟؟

البترول يجب أن يُزال الدعم من عليه نهائيا (و لكن تدريجيا)

و فلوسه تروح للتعليم و الصحة .

لو كل واحد فكر في الصورة الأعم .......... هانعرف أن الدعم ده خراب لأي أقتصاد .

تخيلوا 20 مليار أو الرقم المخصص لدعم البترول
أتبنى به مترو أنفاق كل سنة في مدينة كبيرة و تم أستثمار مبلغ في شبكة أتوبيسات في المدن الأصغر

و الله العظيم هايعود بالنفع على الأقتصاد و يبقى عندنا أصول ثابتة تزيد
بعكس دعم البترول ....... اللي فلوسه بتروح في الأرض .

و كمان لو الفلوس دي تروح لتجويد التعليم و الصحة
نلاقي مستشفيات أفضل نتعالج فيها و وولادنا يلاقوا مدارس أفضل يتعلموا فيها .

الدعم ده بتاع الدول اللي عايش زي تنابلة السلطان ...... محدش يزعل مني

و أنا على فكرة مش غني و لا حاجة و الدعم و غلوا الأسعار هايفرق معايا و لكني بأفكر في الصورة الكبيرة

المشاركة الأصلية كتبت بواسطة tutankhamoun

يت جدعان الدعم ده و الله العظيم كارثة و مفيهوش أي نوع من أنواع العدالة الأجتماعية .

و الأخوان المسلمون و الرئيس و مبارك و أي رئيس ملوش أي ذنب أنه يلغيه أو يخليه


أنتوا بتتكلموا في سلعة بتنتهي و بتخلص ........ و احنا في مصر زي الأرانب ...... في الزيادة في العدد و زي السلاحف في الزيادة في الأنتاج .

و من ناحية العدالة

واحد عنده 3 عربيات

بيأخد دعم بألافات الجنيهات سنويا و غيره مُعدم في الآرياف ....... مش لاقي يأكل أصلا ؟؟؟؟؟؟

البترول يجب أن يُزال الدعم من عليه نهائيا (و لكن تدريجيا)

و فلوسه تروح للتعليم و الصحة .

لو كل واحد فكر في الصورة الأعم .......... هانعرف أن الدعم ده خراب لأي أقتصاد .

انا معاك بس فى نفس الوقت بدفع ضرايب من غير نتيجه وبفع جمرك للعربيه تمنها مرتين من غير نتيجه وهتلغى الدعم تنفيذا لقرار القرض وكدة كدة برضه بدون نتيجه عليا فايه الفكرة يمكن افهم

المشاركة الأصلية كتبت بواسطة dr_mido

انا معاك بس فى نفس الوقت بدفع ضرايب من غير نتيجه وبفع جمرك للعربيه تمنها مرتين من غير نتيجه وهتلغى الدعم تنفيذا لقرار القرض وكدة كدة برضه بدون نتيجه عليا فايه الفكرة يمكن افهم

أخي الفاضل

أولا الضرائب اللي أنت بتدفعها دي مش علشان الدعم .... دي علشان تقديم خدمات حكومية لحضرتك .
طيب هاتقولي أنا مش بحس بحاجة

هاقول حضرتك علشان البلد فيها فساد اداري بشع و مفيش أنتاج حقيقي و فيها بطالة مقنعة و دي اللي بيروح فيها فلوس الضرائب اللي أنا و أنت بندفعها .

أنت عارف أن الدولة شغال فيها 6 مليون موظف ........ و في دولة زي تركيا فيها 700 ألف موظف و كمان ناويين يعملوا خطة لتسريح 100 ألف تقريبا (علشان أكتشفوا أن العدد زيادة )

تليفزيون جمهورية مصر العربية شغال فيه تقريبا 45 ألف موظف

تليفزيون البي بي سي فيه 15 ألف موظف فقط و تقارن بقى جودة و كمية البرامج هنا و هناك .
ده جزء من الفساد الاداري .

موضوع الجمارك (الضرائب ) على السيارات مش لازم دايما يكون دخل للدولة
اليابان بتعمله للتحكم في كمية العربيات المباعة علشان مفيش أماكن يركنوا فيها و مفيش شوارع كفاية للناس تمشي فيها و مفيش بنزين يستخدموه

ضرائب السيارات موجودة في كل دول العالم بلا أستثناء ما عدا دول الخليج و ده له اسبابه السياسية قبل الأقتصادية .

أسعار السيارات في أوروبا تقريبا أغلى من مصر و ترخيص السيارات أغلى من مصر .

تعالى بقى نفكر في موضوع 20 مليار اللي بيروحوا دعم للبترول سنويا .

لو عملنا بالعشرين مليار دول مشاريع عملاقة و تُضاف لأصول البلد أفضل و يبقى عندك حاجة مستقبلية و لا تديها للناس تصرفها في البنزين و بدون وجه أي عدالة ؟؟؟؟؟

تبني مستشفيات و طرق بجودة عالية و لا الناس تأخد الفلوس تصرفها على البترول و الخروجات ؟؟؟
يا راجل ده أنا جيراني بيروحوا يصلوا في الجامع يروحوا السواق (على بعد 400 متر ) بالعربية ؟؟؟

من ناحية العدالة الأجتماعية

فيه ناس مش لاقية تأكل و مش لاقيه شغل و مش لاقيه تعليم و لا مستشفيات في الأرياف
و أحنا هنا معانا عربيات ......و كمان بنأخد عليها دعم بنزين بالاف الجنيهات سنويا و هما مش بيشوفوا الكلام ده علشان حقيقة بسيطة و هو انه معندوش يشتري عربية زي اللي احنا شارينها .
فين العدالة في توزيع 20 مليار دول ؟؟؟؟