غبور عامل خصم 20% على قطع الغيار.

**DEVILRIDER** · 11-12-2012 04:59 PM

تم تعديل الصورة لتناسب الموضوع .

3 ب
6:53 pm
11/12/2012

**original** · 11-12-2012 07:05 PM

بعتولى رسالة

**original** · 12-12-2012 08:48 PM

طلعت إشتغالة يا رجالة
رحت النهارده مخصوص أشترى شوية قطع غيار طلع مقلب وقالولى ده لما تعمل صيانة!! أعمل صيانة!!
طيب ولا بيبيعوا قطع غيار لوحدها ولا العرض شامل الصيانة الدورية!! أمال اللى هيروح هيستفيد إيه؟؟
هوا ليه الإستهزاء بالعملاء؟؟

**dr_walid** · 13-12-2012 06:14 PM

السلام عليكم:
ياريت لو حد راح يفهمنى انا لو عمات صيانة ال40000 فاكيد هاغير قطع غيار هل هاتحاسب على الصيانة فقط ولا اية و لا دى حسابها حاجة تانية
وشكرا

**original** · 13-12-2012 08:22 PM

صراحة أنا مش فاهمهم
مفيش خصم على صيانة دورية
حضرتك ممكن تغير حاجة مش هيعملوها!! يعنى ممكن تغير تيل فرامل , فلتر تكييف , فلتر بنزين,, لو مش هيتغير فى الصيانة الدورية وتاخد عليه خصم 20%
أو ممكن تغير التيل بعد ما يركبوه وتركب واحد تانى عشان يديك خصم!!
أنا صراحة لما رحت إتصدمت وحسيت إن شكلى وحشششششششششششششششششششش
حاجة مسخرة

**Ayman-Ahmed** · 13-12-2012 09:32 PM

كلام حضرتك سليم.

اللى هيعمل صيانة دورية وهيغير حاجة المفروض هيغيروها مش هياخد خصم ومش هيدفع على مزاجه تمن المصنعية.

مثلا:انا كان عندى مشكلة وعاوز اغير التيل الخلفى روحت وغيرته ومصنعيته كانت المفروض 80 جنيه.لما خلصوا شغل المهندس قاللى ها عاوز تدفع كام وانا فاكره بيهزر.وفعلا قولتله ماشى هدفع 20 جنيه قاللى لا كدة قليل اوى ايه رايك تدفع 40(النص) قولتله خلاص هدفع 30 وفعلا اتكتب 30 فى الفاتورة واخدت خصم على قطعة الغيار كمان(التيل الخلفى).

اعتقد انهم عاوزين عدد اكبر يعمل الشغل عندهم ويشغل فروعهم ويشترى قطع غيارهم واللى هى بالقطع افضل لانها على الاقل اصلية ومضمونة.

**original** · 14-12-2012 07:28 AM

هيا قطع الغيار أفضل ما قولناش حاجة بس المشكلة إنها موجودة عند الموزعين المعتمدين من غير ضريبة والمفروض إن سعر قطعة الغيار عند غبور يبأا شامل الضريبة وما يضيفهاش..
ده غير المصنعيات اللى بتبأا أغلى من بره التوكيل وده مش فى كل حاجة!!
ده غير إن إحتمالية التقفيل السليم أثناء الصيانة 50% لو مارجعتش على الحاجة بنفسك بعد ماتاخدها من التوكيل..

**houseiny** · 16-12-2012 12:17 AM

المشاركة الأصلية كتبت بواسطة ayman-ahmed

كلام حضرتك سليم.

اعتقد انهم عاوزين عدد اكبر يعمل الشغل عندهم ويشغل فروعهم ويشترى قطع غيارهم واللى هى بالقطع افضل لانها على الاقل اصلية ومضمونة.

باشا بعض أذن حضرتك ممكن اختلف مع حضرتك في موضوع قطع غيار مضمونة دي ، انا من 5 شهور كانت محتاج قاعدة فتيس خلفية للجيتس بتاعتي اللي ربنا أكرمني وبعتها من اسبوع ، المهم حصل ان القاعدة دي حصل فيها مشكلة وأتقطع الكاوتش اللي فيها ، روحت التوكيل عشان يبص عليها انا كنت شاريها من غبور فرع شبرا مصر ، المهم المهندس اللي في التوكيل قعد يقسم انها مضروبة وانها جاية من محل مضروب طبعاً قعد يحلف ويتنطط ويقولي عشان حضرتك تعرف انك لازم تشتري من التوكيل عشان تضمن قطعة الغيار ، المهم قولتله ممكن تنزل العربية من على الكوريك اوريك حاجة نزلها فعلاً وفتحت الشنطة وجبتله فاتورة الشراء اللي انا شاري بيها القاعدة دي من غبور نفسه فرع شبرا , اول ما شافها جاتله حالة من الكسوف والهلع ومردش بولا كلمة ، قولتله لسه مصر انها مضروبة مردش قالي ثانية واحدة وسابني و ماشوفت وشه في الورشة تانية المهم الفني رفع العربية وأكدلي هو كمان انها مضروبة ووراني واحدة أصلية في عربية تانية وأتأكدت انها مضروبة ، روحت لواحد حبيبي في الحرفيين وعرفني ان غبور والعيال البياعين بتوع قطع الغيار اللي عنده بيبعوا الأصلي بره للموزعين زي المنير والرياض والصاوي وغيرهم وبيجبوا هما صيني يبيعوا في التوكيل وطبعاً انت عمرك ما هتشك بنسبة نص في المية انها مضروبة ، ده التوكيل يا عم رضي الله عنه وأرضاه ، وهذه حكاية ضرب قطع الغيار في التوكيل عشان كده لو نزل 50% هو برضه كسبان كويس أوي ، عشان كده نصيحة لوجه الله أشتري حاجتك من بره وركبها في أي مركز خدمة معتمد عشان الضمان بتاع العربية ميروحش وتكون ضمنت قطعة الغيار السليمة مش هنقول الأصليه ولو عرفت تجيت قطعة غيار كوري هاتها متجيبش اللي يقولك أصلي عشان اللي بيجيب كوري بيجيبه نضيف لكن غبور افندي بيجيب من الصين بمساعدة زعيم العصابة اللي عنده أستاذ نعيم ناجي اللي ماسك الشحن والأستيراد في أيتامكو غبور

**BUNSH** · 16-12-2012 02:24 PM

مفيش حد عبرنى !

ولا بعتولى مسج حتى !
حد جربها ولا اشتغالة من عم هبور ؟!

-

الموضوع: غبور عامل خصم 20% على قطع الغيار.

LinkBack

أدوات الموضوع

عرض

-

-

-

-

-

-

-

المواضيع المتشابهه

السبع عامل تخفيض 30% على المصنعيات و قطع الغيار حتى آخر اكتوبر

اسعار قطع الغيار غبور

تخفيضات خطيرة عاملها كابتن غبور علي قطع الغيار

[b]الحق ياعم وشوف غبور عامل اية!!!!الحق اخطف اى حاجة واجرى!!

غبور عامل حملة للفحص المجانى اروح ولا ماروحش؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة