ممكن اعمل وصلة aux

**moody_687** · 13-12-2012 11:27 AM

انا ف فكرة ف دماغي الا وهي اننا نجيب اسطوانة دي ف دي وننسخ عليها اغاني بصيغة الاوديو وبكده هتشيل اكتر من السي دي العادي انا مش عارف الفكرة دي هتنفع ولا لا

**MohssenRashed** · 13-12-2012 11:35 AM

المشاركة الأصلية كتبت بواسطة moody_687

انا ف فكرة ف دماغي الا وهي اننا نجيب اسطوانة دي ف دي وننسخ عليها اغاني بصيغة الاوديو وبكده هتشيل اكتر من السي دي العادي انا مش عارف الفكرة دي هتنفع ولا لا

تفتكر؟؟؟؟؟؟

تصدق فكرة جامده هجربها النهارده ان شاء الله

**Seifmando** · 13-12-2012 11:45 AM

المشاركة الأصلية كتبت بواسطة MohssenRashed

تفتكر؟؟؟؟؟؟

تصدق فكرة جامده هجربها النهارده ان شاء الله

أشك انها هتنفع لان اللي فى العربية بيبقى CD player مش DVD player

**zrzr1** · 13-12-2012 01:38 PM

انا كنت شاري cd مره عليه يجي 100 أغنيه,, ازاي بقي؟

**moody_687** · 13-12-2012 01:49 PM

عشان صيغة ام بي ثري لكن لو صيغة الاغاني اوديو يبقى السي دي العادي هياخد بتاع 12 اغنية
حضرتك جربها وقولنا ويارب تنفع ان شاء الله ومش يكون لازم السي دي بلاير ويقرا الدي ف دي

**nagy wassef** · 14-12-2012 12:42 PM

مش هينفع طبعا عشان الدى فى دى حاجة تانية خالص.الحل كاسيت هاى لاين استيراد و ريح دماغك

**moody_687** · 15-12-2012 06:32 PM

طيب يتكلف كام يااستاذ ناجي
وهل هو هو نفس الشكل بتاع موديل 2007 ولو نفس الشكل وتم تركيبه محتاج يغير ف سلوك الكاسيت ولا لا
انا خايف الدنيا عندي تبوظ عشان مقتنع دائما بمبدأ ان حاجة العربية الفابريكا مفيش احسن منها

**nagy wassef** · 15-12-2012 09:09 PM

استاذ احمد فهمي قالي الكاسيت بالشاشة الكبيرة يعمل 1300 جنيه تقريبا و شغال معاه زي الفل.و انا انشاء الله هعمل القصة ديه قريب
و مفيش سلوك بتتغير بتفك الفيش و تركب مكانه

**moody_687** · 16-12-2012 12:54 PM

يعنى ايه كاسيت بالشاشة الكبيرة ارجوك يااستاذ ناجي تبقى تصورلي الكاسيت عشان انا مش متخيله او استاذ احمد فهم يصورهولي ويكون جزاه الف شكري

**nagy wassef** · 16-12-2012 02:22 PM

شوف يا باشمهندس... الكاسيت بتاعك و بتاعى مش بيشغل غير اوديو و الشاشة اللى فى التابلوه فوقيه مش بتعرض غير التاريخ و الوقت و درجة الحرارة و اسم الاغنية بالكتيير و حجم الشاشة صغير و لكن اللى فى الهاى لاين و التوب لاين الكاسيت بيشغل ام بى ثرى و الشاشة اللى فى التابلوه اكبر زى اللى فى الصورة عشان بتعرض حاجات اكتر و منها بيانات استهلاك البنزين و الحرق و فضللك كام كيلو على ما تحط بنزين تانى و المعلومات ديه و الشاشة مرتبطة بالكاسيت.فا لما تغيير الكاسيت هتغيير معاه الشاشة بالتبعية و هيبقى عندك المعلومات ديه بتظهر على الشاشة مش بس ان الكاسيت يشغل ام بى ثرى و خلاص..... و كمان حطيتلك صورة لواحد غير كاسيت العربية و ركب كاسيت تانى بيشغل دى فى دى اوديو و فيديو و بلوتوث و حركات.( انا عن نفسى لسه بفكر هركب بتاع الهاى لاين و لا هشترى واحد جامد بيشغل دى فى دى صوت و صورة و بلوتوث و كدة)