الموضوع: واخيرا وحصري التخلص من زنه تبلوه الفيرنا مع الصور

المشاركة الأصلية كتبت بواسطة lanos2004

صورة فى الحر ---وصورة فى البرد -من اول الشتاء الحرارة مش بتزيد عن الربع
وانا عمرى ما وصلت لاكتر من 215 فى الصيف
الهوا البارد بيعمل شغل جامد فى التوب سبيد-ودرجه حرارة الماتور-انا نفسى مكنتش مصدق انها وصلت تقريبا 230-الحمد لله معايا شاهد ومن المنتدى-وكنت بشد مع بى ام 318 موديل 2005---والحمد لله النتيجه كانت فى صالح الانوس

طيب معلش حرخم عليك
انا معلوماتي ان مينفعش الموتور درجه حرارته تنزل عن درجه حراره معينه وعلشان كده فيه حاجه اسمها كوعه موجوده وركبه في ماسوره الميه الي جايه من الموتور ورايحه للردياتير ودي بتقفل وتفتح للحفاظ علي درجه حراره ثابته للموتور ميقلش عنها
وطبعا مرواح الردياتير بتشتغل وتقف للحفاظ علي درجه حراره ثابته للموتور ميزدش عنها
بس الي في الصوره عندك باين غير كده
حضرتك مش بس درجه الحراره العاليه بس الي تاثر برضه مينفعش الموتور يبقي ماشي باقصي حمل ليه ودرجه حرارته بارده لان ربع المؤشر يعني درجه حراره اقل من 50 درجه
فهل حضرتك شلت الكوعه دي

المشاركة الأصلية كتبت بواسطة lanos2004

الكوعه فيها الترموستات الى بيفتح مع زيادة ضغط المياة عند ارتفاع درجه حرارته -دى مهمه جدا
دورة التبريد ممتازة عندى جدا---بحط مانع صداء ومياة خضرا اسبانى
والاهم من كل دة ان الماتور مرتاح جدا مع عربيه وزنها 1100 كيلو وهوة يقدر يجر عربيه وزنها 1350 بمنتهى السهوله
العربيه مش بتوصل حرارتها 90 الا فى الاشارت فقط
على سرعه 230 تقريبا الاربى ام كان تقريبا 6700 وحرارة العربيه تقريبا 65--بس على منزل -- الطبيعى اخرى 215 فى خط مستقيم
على فكرة كنا بجرى مع فيرنا على نفس الطريق وثبت عند 200 واختفى بعدها فى المرايا لانى كنت بجرى مع 318
تقريبا منحنى العزم بتاع الفيرنا بينهار عند 6000 لفه وبتكون العربيه عندة 200 تقريبا--عكس الانوس بتفضل مكمله الى 6500 لفه علشان كدة بتتفوق فى التوب سبيد ان لم تتفوق فى التسارع

تمام بس انت مش فاهمني انا مش بتكلم علي الشد والموضوع ده احنا اتكلمنا فيه كتير لو انت فاكر
انا بتكلم في نقطه ميكانيكيه مينفعش موتور العربيه درجه حرارته تطلع وتنزل زي منت بتقول
المفروض الترموثتات تثبت درجه حراره الموتور علشان متنزلش عن درجه معينه الي هيا 90
لان نزول الحراره زي منت بتقول 65 ده اقل من الطبيعي ( مع العلم ان المؤشر في الصوره اقل من 50 درجه مش 65 )
امال احنا ليه بنستنا الصبح لما الموتور يسخن علشان نقدلر نتحرك
ومبنقرصش علي الموتور غير لما يوصل درجه الحراره الطبيعيه الي هيا 90 في معظم العربيه
انا بقلك الكلام ده لان ممكن الكوعه عندك تكون معلقه وهي مفتوحه ودي ممكن تسبب مشاكل
لان مش زياده الحراره بس الي تاثر برضه درجه الحراره القليله زي الي عندك
انا مثلا عندي غي الفيرنا الحراره علي طول في اي ظروف سواء داخل البلد واو سفر او شادد علي الموتور درجه الحراره ثابته علي العلامه وعملرها مطلعت او نزلت وبرضه موتور الفيرنا من المواتير الي يشيل عربيات اتقل من الفيرنا والفيرنا وزنها 1100 كيلو فقط حضرتك اتاكد من موضوع الكوعه ده

المشاركة الأصلية كتبت بواسطة hazemsabry

السلام عليكم ورحمه الله وبركاته
أنا كان معايا لانوس موديل 2000 أوتوماتيك قبل فيرنتى المحبوبة ولما كنت بشد بيها فى طريق مفتوح كان درجة الحرارة بتنزل عن النصف وفى الشتاء بتنزل جامد

بس دي حاجه مشفتهاش في اي عربيه تانيه
لاكن الطبيعي ان الحراره تفضل ثابته ومتنزلش
امال فايده ترموثتات الكوعه ايه ولا هي ملهاش شغل
ده وظيفتها الرئيسيه انها تسرع عمليه التسخين صباحا والا العربيه تعد نص ساعه علشان تسخن
وتثبيت درجه الحراره للموتور لضمان عدم نزول درجه الحراره
لان معني كده ان العربيه دي في اوربا مع السفر حتبقي ماشيه ودرجه الحراره 10 درجه ولا ايه علشان كده اخترعوا الترموثتات علشان الموتور يحتفظ بدرجه حراره ثابته
ولا ايه رايك

المشاركة الأصلية كتبت بواسطة lanos2004

عربيتى بتوصل الصبح 85 فى مسافه 150 متر بالظبط -يعنى اوصل اخر الشارع تكون سخنت
بعدين دى درجه حرارة الميه مش الماتور-الى هيه بتعبر عن حرارة الماتور بنسبه تقريبيه
وممكن يكون زيت شيل الترا بيبرد كويس جدا

اولا معتقدش الزيت ليه دخل في الموضوع ده
ثانيا العربيه تسخن في دقيقه !!!!!!!!!!!!!!
ثالثا زي ماقلت معني كده العربيه في الدول الاوربيه بتبقا ماشيه والموتور درجه حرارته 10
لان مدام بيوصل 65 في مصر الي هيا دوله حاره يبقي بكبيره 15 في دول التلج ولا ايه رايك
كان في موضوع هنا في المنتدي ححاول اجيبهولك بيتكلم عن اضرار نزول درجه حراره المحرك وتاثيرها علي جسم الموتور بسبب خلع الترموثتات من دوره التبريد
حاجه مشابهه للي بيحصل معاك ان الموتور يبقي شغال بحمل ودرجه الحراره بتاعته منخفضه وحاول حضرتك تستشير حد في الموضوع ده