بس محدش ذكر بلد المنشأ , يابانى ولا تقفيل بلد تانية ؟
بس محدش ذكر بلد المنشأ , يابانى ولا تقفيل بلد تانية ؟
ألف ألف شكر و ربنا يباركلك فيها و فعلا انا حططها فى دماغى و هسأل عليها فى أى معرض و ربنا يسهل إن شاء الله و أجيبها علشان أنا عايز أغير العربية بتاعتى و محتار جدا جدا جدا جدا
عربية ممتازة وخصوصا ان توكيلها هو هو توكيل النيسان , بس عاوزينك تكمل التقييم بتاعك وخصوصا بعد ما عديت ال3000 كيلو , وغير كدا عاوزين نتاكد من موضوع ماتور التكييف اللى مالوش دعوة بماتور العربية ده
شكرا جزيل لهذه المعلومات القيمة
السلام عليكم
اولا انا معجب بالعربيه sx4 جداااااااااااااا
بجد عربيه بالنسبه لامكانيتها وسعرها وجودتها ويابانى فيها سعرها
يمكن مش منتشره بس علشان محدش بيدرس قبل ما يشترى كويس
المهم الموضوع اللى داخل علشانه بقى هوا
موتور التكيف
قريت كتير هنا ان فى اعضاء بيقولوا ان ماتور التكييف ليه ماتور بيشتغل لوحده من غير ما العربيه تدور وكلام كده
انا من مكانى هنا من على الاب توب بتاعى بعلنها وبوضوووح تام ان الكلام ده عاار تماما من الصحه وانه تأليف او فبركه وااحد جاهل بتاع مبيعات
يا جماعه مفيش ولا حيحصل ولا حصل قبل كده ان يبقى فى ماتور للتكييف لوحده
ححاول ابسط الامور واشرحكلم ليه
من مبادىء مبادىء دوره التكييف ان فى جزء اسمه الكمبرسور لازم يكبس الفريون علشان دوره التكييف تشتغل
والكمبرسور ده علشان يشتغل لازم مصدر خارجى يديله طاقه حركه
اوى بمعنى اوضح يدوره
فى العربيات بتاعتنا بيستخدموا سير نقل حركه من عمود الكرنك بتاع العربيه لطمبوره متركبه على الكمبرسور علشان يدور
وبياخد حركته من الموتور يعنى
وفى بيوتنا طبعا مفيش موتور بس فيه طاقه كهربيه جايلنا من حكومتنا الذكيه فبنستعيض عن هذا بموتور كهربا يدور الكمبرسور بيبقوا الاتنين مدموجين مع بعض
يعنى برضه لازم حاجه تدور الكمبرسور ده
فلحل الوحيد الوحيد الوحييييييييد ان تكييف العربيه يشتغل من غير موتور العربيه انه يدور انه يكون فى موتور كهرباء او كباس كهرباء بيشغل دوره التكييف وفى الحاله دى اكيد طبعا مفيش مصدر كهرباء تانى موجود الا البطاريه
ولاسباب هندسيه كتير اوووووووووى واسباب تقنيه مينفعش اننا ناخد من البطاريه ونخليها مصدر للكهربا بتاعه التكييف
متنسوش ان اللى عنده تكييف فى البيت ومشغله الفاتوره بتيجى عااليه عنده لان التكييف بيستهلك قدره كهربيه كبيره
وبالتالى مينفعش اعتمد على البطاريه نهائيا لانى لو اعتمدى يدوبك ممكن تشغل التكييف خمس دقايق ده لو كملتهم وبعدين تبقى البطريه نامت
البطاريه هدفها حاجه واحده بس هيا لحظه startup وبعد كده بتسلم الرايه للدينمو يقوم بكل الرحله ويشحن البطاريه لغايه اخر الرحله
اما بخصوص الهوا اللى بيطلع من التكييف وانتوا مش مشغلين العربيه دى مروحه التكييف مروحه صغيره جدا بتبقى محطوطه قدام evaperator
بتتحكم فى سرعه تدفه الهوا بس
يعنى حضرتك شغلت المروحه مش التكييف زى ما ساعات كده ممكن تشغل مروحه تكييف البيت من غير ما التكييف نفسه يكون شغال وتسمع زنه الكمبرسور وهوا شغال
وشكرا
هو الموضوع ده تايه ولا ايه ؟! ايه اللي جابو هنا ؟!
بسم الله ما شاء الله
تقييم السوزوكى sx4فى قسم المازدا
فعلا روح التعاون مطلوبة بين الاقسام
مبرووووووووك العربية وشكرا على التقييم الرائع
احب اضيف ان اليوم كان موجود عندى سياره sx4 sedan بتعمل صيانه 70000 عاوز اقولكم انها غيرت تيل وفلتر تكييف وزيت وفلتر بس العربيه ياجماعه جامده جداااااااااااااااااااااا