سؤال بسيط بس محيرني

**zidane 10** · 12-12-2012 12:02 AM

السلام عليكم اولا

اهلا بيكم جميعا يا شباب نايل موتوز

لو سمحتم انا معايا صني 2009 اوتو

وكنت عاوز اسال سوال كده

فيه فالتابلوه كده تحت حروف ال D و ال N و كده

لمبه كده عليه كلمه off

والزرار بتاعها فالفيتيس

زرار اسود كده

فهل ده المفروض ادوس عليه ولا لأ

ويكون منور فالتابلوه يعني ولا لأ ؟

وايه لازمته اصلا

معلش طولت عليكم:)

**Sehsss** · 12-12-2012 12:35 AM

دا حضرتك زرار الأوفر درايف، بمعنى إنك لو العربية واخدة الغيار الرابع وعاوز تفادي حاجة بسرعة بتدوس على الزرار ده علشان يقفلك النقلة الرابعة ويسقط الثالث علشان يدي عزم للتسارع وبعد ما تعدي تقفله.. زي ما بتبقى في المانيوال ماشي على الرابع وتروح مسقط ثالث.. وفي المشي العادي، تخليه مفصول (ماتخليش اللمبة اللي في التابلوه منورة).. تحياتي

**zidane 10** · 12-12-2012 04:08 PM

الف شكر يا باشا

طيب ما لو كده يا ريس

انا ممكن لما اجي اتفادي حاجه وانا عالرابع اهدي بافرامل وبعد كده ابدأ ادوس بنزين تاني ولا ده فيه حاجه غلط عالعربيه ؟

والف شكر لاهتمامك ياباشا

**د.هشام** · 12-12-2012 06:05 PM

المشاركة الأصلية كتبت بواسطة zidane 10

طيب ما لو كده يا ريس

انا ممكن لما اجي اتفادي حاجه وانا عالرابع اهدي بافرامل وبعد كده ابدأ ادوس بنزين تاني ولا ده فيه حاجه غلط عالعربيه ؟

وجهة نظر
بس ساعات بتبقى مضطر للتسارع
ممكن بديل للزرار دا, تسقط نقلة بدوسة جامدة على البنزين, واعتقد كلنا بنعمل كدة

**the_air_devil** · 12-12-2012 06:50 PM

المشاركة الأصلية كتبت بواسطة zidane 10

الف شكر يا باشا

طيب ما لو كده يا ريس

انا ممكن لما اجي اتفادي حاجه وانا عالرابع اهدي بافرامل وبعد كده ابدأ ادوس بنزين تاني ولا ده فيه حاجه غلط عالعربيه ؟

والف شكر لاهتمامك ياباشا

مفيد أكتر لما تكون بتتخطى حاجة زي مقطورة مثلاً ومحتاجة استجابة لحظية من العربية , مش لسة هاتزود بنزين يقوم الفيتيس يفهم ان الرابع ييجي يقوم التسارع يزيد وكل ده محتاج اربع ثواني على الأقل

مفيد لو لا قدر الله وراك عربية ناوية الشر أو بلطجية بيحاولوا الأذية فانت محتاج تتسارع بشكل كبير , يعني من الآخر هو أداة مفيدة جداً للتسارع اللحظي , مع مراعاة انه مش بيكون مفيد غير على السرعة من 70 لحد 120 كيلومتر ... اقل من كدة هاتكون لسة عالتالت أصلاً وأكتر من كدة الغيار هايجيب آخره وهاتحرق بنزين عالفاضي وصوت الموتور يعلى من غير لازمة

ربنا يحفظك ويسلم طرقنا جميعاً ... تحياتي