كامرى ف مصر!

**amrelsaqqa** · 13-12-2012 02:39 PM

المشاركة الأصلية كتبت بواسطة mohammedaladel

أنا شايف أنها لو حتى ب 350 بس مش هتنافس الأوروبى إطلاقا

+1

العربية دى حلها انها تتجمع في مصر ، بس برضه مين هيركب عربية سي سي 2400 ويستحمل ضريبتها وبنزينها ، ده لو فرضا مفيش جمارك ، طيب ما اركب بي ام ومرسيدس ،

ثقافة الشعب المصري عمرها ما هتتنازل عن البي ام والمرسيدس كعربيات تتركب بجد ، ولو حتى الكامرى خرجت من الفئة دى كسعر ، مش هتخرج كمصاريف ، فبرضه اللى معاه فلوس هيتجه للاوروبى برضه

الشعب المصري ركّيب زيادة عن اللزوم طالما دافع فلوس ، مين هيسيب بيجو 508 مثلا ويركب كامرى حتى لو بسعر اقل

انما لو الكامرى مثلا نزلت بسعر في فئة اقل من 200 الف والبنزين والصيانة والضريبة ببلاش زي السعودية مثلا ، يبقى الناس هتركبها هنا زي ما عامة الشعب راكبها هناك ، غير كدة ، اللى راكب عربيات تعبانة هيفضل راكب عربيات تعبانة ، واللى راكب عربيات نضيفة وغالية هيفضل راكب عربيات نضيفة واقصد بالنضيفة بي ام مرسيدس فولكس سكودا بيجو

طبعا مع كامل احترامى لاسم تويوتا ونجاحاته وشهرته واعتماديته

**S O P H O S** · 13-12-2012 02:43 PM

يا جماعة ده نجاح انها تتعمل تاكسي
يعني المرسيدس لما بتتعمل تاكسي ده يدل انها i10 مثلا ؟؟ّّ!!

**hossam_elwani** · 13-12-2012 02:49 PM

المشاركة الأصلية كتبت بواسطة hany63

الكامري اجمالي الرسوم و الجمارك و الضرايب بتوصل ل 300 % من سعرها العالمي
انما المرسيدس و البي ام تجميع محلي بتتجمرك 10% عشان بيعتبروا الاجزاء قطع غيار

وهى مرسيدس وبى ام تجميع محلى نسبة المكون المصرى فيها 40% ؟؟؟؟

**MohammedAladel** · 13-12-2012 03:01 PM

المشاركة الأصلية كتبت بواسطة ahmed.ali

هو انت معجبين بالكامري ليه بالظبط

عن نفسى ولا معجب ولا حاجة أنا من يوم ما شفتها أول مرة وعرفت سعرها اتصدمت قلت ليه يعنى خسارة فيها

زى سعر هيونداى سوناتا حاليا بالضبط

أنا شايفها أخت الكورولا الكبيرة لا أكتر ولا أقل

**MohammedAladel** · 13-12-2012 03:08 PM

المشاركة الأصلية كتبت بواسطة hossam_elwani

وهى مرسيدس وبى ام تجميع محلى نسبة المكون المصرى فيها 40% ؟؟؟؟

شوف يا أستاذ حسام أ
نا مش مقتنع بان بلدنا بتصنع حاجة

وبعدين زى أيه مثلا ممكن يكون مصنوع محليا ؟؟

هو أقصى وأبعد احتمال أن يكون المكن والمعدات أجنبية وبعض الخامات مو جودة فى بلدنا والمكن الأجنبى والأشراف الأجنبى هو اللى بيصنعها على أرض الوطن

لكن غير كدا معتقدش إننا ممكن نصنع حاجة فى أى عربية من العربيات دى

**khaled sabry** · 13-12-2012 03:08 PM

المشاركة الأصلية كتبت بواسطة Ahmed_Adham

دي الكمارو بتاع شيفروليه لكن الموضوع عن كامري بتاع تويوتا.

المشاركة الأصلية كتبت بواسطة S O P H O S

لا هنا تويوتا كامري يا باشا ..

المشاركة الأصلية كتبت بواسطة MohammedAladel

أحنا قصدنا كامرى يا باشا من تويوتا شكلها شبيه بالتويوتا كورولا

مش بنتكلم فى شيفورليه كامارو وكورفيت

ماهو علامة الشيفورليه خارمه الشاشه اهه
معلشى الواحد دايخ بقى

كامرى و لا كمارو ... اهه كله بيبداء ب "كـامر"

انا عارف الكامرى كويس لأن عمى معاه العربيه دى ... بس طبعا عمى مهاجر انجلترا بقاله 40 سنه

على فكره الكامرى شغاله تاكسى فى السعوديه عادى يعنى

**AbO MosTaFa** · 13-12-2012 03:14 PM

العربية دي عربية عادية جداااااا مافيهاش الا موتور فقط

انما بقية العربية عادية جدااا والتجهيزات الداخلية فقيرة اوي اوي

**MohammedAladel** · 13-12-2012 03:33 PM

المشاركة الأصلية كتبت بواسطة abo mostafa

العربية دي عربية عادية جداااااا مافيهاش الا موتور فقط

انما بقية العربية عادية جدااا والتجهيزات الداخلية فقيرة اوي اوي

حتى المحرك غير مناسب لبلدنا فى الزحام المرورى دا وسعته اللترية العالية وطرقنا السيئة

وبعدين الشركات الأوربية عاملة شغل كويس جدا بالمحركات من 1400 و ال 1600 كطاقة وكاستهلاك بنزين

ومن ضمن مميزات السيارة استهلاكها للبنزين القليل والانبعاثات الملوثة للبيئة الأقل

وزى ما قال الأستاذ عمرو فيما معناه:

المستهلك المصرى له آخر برضه مع عربيات تويوتا كسعر لو زاد عن الحد دا أوتوماتيك هيتجه للإبداع والتميز والبرستيج مع بى إم أو بيجو وفولكس والأوربى بشكل عام

**S O P H O S** · 13-12-2012 03:48 PM

يا جماعة انا كده قربت اكره العربية
خلاص عرفت انها شجرة مثمرة بس مش لينا كمصريين
احنا بنقول شعر فال اللنترا وال ار بي يبقي منطقي تبقي الكامري وحشة كده
تحياتي ..

**MohammedAladel** · 13-12-2012 04:05 PM

المشاركة الأصلية كتبت بواسطة S O P H O S

يا جماعة انا كده قربت اكره العربية
خلاص عرفت انها شجرة مثمرة بس مش لينا كمصريين
احنا بنقول شعر فال اللنترا وال ار بي يبقي منطقي تبقي الكامري وحشة كده
تحياتي ..

للأسف حضرتك حللت الآراء على أساس مع وضد أساسا معتقدش إن العربية دى من كترها فى مصر
ومحدش قال وحشة راجع حضرتك المشاركات هتلاقيها بتناقش بشكل عملى وليس تحيز

ومن المعروف إن تويوتا كملاكى لا ترقى أبدا إنها تنافس السيارات الأوروبية

الكورولا 2007 ماسكة سعر ومش عارف إيه دى مشكلة سوق زى ما الإلنترا سعرها ضرب فى العالى برغم إنى شايفها علبة ماشية على الأرض !

الموضوع: كامرى ف مصر!

LinkBack

أدوات الموضوع

عرض

-

-

-

-

-

المواضيع المتشابهه

تخيلو تويوتا كامرى شرطة فى مصر !!!!!!!!!!!!!!!!!

كامرى بس عمرى ما شفت الموديل دة

كتالوج صيانه تويوتا كامرى

هل فى كامرى 1600 ؟

اكسل x تويوتا كامرى

الكلمات الدلالية لهذا الموضوع

المفضلات

المفضلات

ضوابط المشاركة