معايا بقالها اكتر من شهرين ، العيوب فى رأيى:
1- فتيس ستيبترونيك اربع سرعات عادى (معظم العربيات الكويسة بقت بتنزل بفتيس 6 سرعات بيدى تسارع افضل واستهلاك بنزين اقل على السرعات العالية)
2- نتشة بسيطة فى النقلة بين الأول والتانى (بعد شوية بتتعود عليها)
معايا بقالها اكتر من شهرين ، العيوب فى رأيى:
1- فتيس ستيبترونيك اربع سرعات عادى (معظم العربيات الكويسة بقت بتنزل بفتيس 6 سرعات بيدى تسارع افضل واستهلاك بنزين اقل على السرعات العالية)
2- نتشة بسيطة فى النقلة بين الأول والتانى (بعد شوية بتتعود عليها)
ربنا يخليك يا باشا على تعبك ده .. حضرتك معكش العربية و بتفيدني .. و باقي القسم معاه فلونس و مش عايز ييفدني :grrrr:
أنا مع حضرتك في النقطة ديه بتاعت التوكيل ..
بس أنا قصدي إني عايز عربية ماروحش بيها كل شوية التوكيل .. مش عايز تكون اعطالها كتيييييييير .. بس كده
تحياتي ..
بالظبط ودا أنا قلته لدكتور أحمد
العربية محركها 110 حصان بس كويس لو معاه فتيس أوتو من 6 سرعات
للعلم بس الغيار التانى بينقل على مرحلتين معرفش ليه
والواضح إن الدكتور أحمد معاه صنى ودى محركها 118 حصان
بس طبعا الفليوانس شكلها حاجة تانى وصالونها محترم بمعنى الكلمة وأوبشن كويس
بس أنا مش عارف ليه eim مش عايز ينزلنا محركات وفتيسات جديدة
من 2005 لحد الوقت دا مش شغال غير بمحرك الكامتين ال 110 حصان
ولو على المحرك هو كويس جدا
إنما الفتيس 4 غيار مش عاجبنى
برغم إنى جبت بالميجان 160 وكان فيه لسة كمان بس الطريق ميساعدش فما بالك لو 6 غيار هيبقى
العربية مرتاحة أكتر واستهلاك بنزين أقل وصوت موتور أهدى
والكل بيحكى عن ثبات العربية ماشاء الله كعادة الأوروبى وفى نفس الوقت عالية عن الأرض مش بتسلم على كل مطب فى طرقنا الوعرة
لذلك أنا أفضل الفليوانس مانيوال وربينا يوفقك يا دكتور
بس زى ما قلتلك لازم تشوف البدايل واحتياجاتك من العربية أولا
طبعا بما انى كان معايا السوبر صالون فحقولك كل المميزات والعيوب بس حط فى اعتبارك انى بقارنها بالنيسان
اولا من حيث الوسع الداخلى فرق كبيييييير قوى بينها وبين الصنى
الشنطة تقريبا متساوية وان كان فيه فارق بسيط لصالح الفلووانس
الموتور والتسارع والذى منه المفروض ان موتور الفلوانس الاوتوماتيك 105 حصان او فى بعض الاقوال الاخرى 110 حصان بس عموما دا الصافى يعة القدرة عند العجل والصنى 118 حصان بس دا الكلى بعنى طالع من الموتور وبالتالى تقريبا الموتوريين متساويين ,سيبك من الارقام الواقع بقى مختلف , طلعة الفلوانس ابطأ من الصنى لكن تجميع الفلوانس فى السرعات من 70 وانت طالع افضل فعلا من الصنى ,
فى الفلوانس نقلات الفتيس مش محسوسة نهائيا باسثناء النقلة من الاول الى التانى بتبان لما تكون كابس بنزين وان بلاحظها لما الار بى ام يعدى 2000 غير كدة مش بتحسها
الفرامل بتاعة العربية حلوة مش اقل من الصنى
abs افضل كتير من الصنى والحساسية بتاعتة افضل كتير
الباور حكاية وخفيف قوى فى السرعات البطيئة وتقيل على السرعات العالية
ثبات العربية افضل من الصنى بس بفارق بسيط
العربيتين من بره كلاسيكى فخم وضخم الفرق 17 سم فى الطول , 10 سم فى العرض لصالح الفلوانس
العربية ابعادها كويسة وركنتها مش صعبة على الرغم من الحجم لان محيط الدوران بتاعها اقل بكتير من الصنى
استهلاك البنزين داخل المدينة زى الصنى من 175 الى 200 فى الصفيحة
خارج المدينة على الطوالى اوفر بمراحل من الصنى 250 وانت طالع حسب السرعة والافضل بقى انك ممكن تراقب معدلات استهلاكاتك لحظيا وتتحكم بقى لوكابس جامد
مثبت سرعة ومحدد سرعة
العربية مصفحة بالكامل من تحت
بحترم قوى الكبوت الطويل ( زيادة امان فى حالة التصادم لا قدر الله ) علشان كدة كنت بخب الصنى
التوكيل محترم جدا ومش يقل عن نيسان
الاوبشنات بقى والزيادات والدلع وخلافة متوافر فى الفلوانس بوفرة
العيوب بقى
الطلعة هادية
نتشة الفتيس من الاول للتانى
سمعت ان سمكرة الابواب مش سهلة لوجود تصفيح داخلى
بعض العربيات بتعلق فيها عوامة البنزين مش بتدى قراية مظبوطة او اقل من الواقع ( على فكرة النيسان كانت كده ومكنتش واخد بالى الا لما غيرت ) وبتتغير بدون كلام فى التوكيل وان كمان من الناس اللى مظهرشى عندهم العيب ده
يقال ان الطارة الجلد بتقشر وان علشان حاطط كفر للطارة فا مش حاسس بالعيب ده
يقال ان قطع الغيار غالية لكن انا سألت عليها لقيتها بره التوكيل رخيصة وزى النيسان ان لم يكن اقل
انا بتكلم عن الحاجات اللى معرضة للكسر زى الفوانيس وخلافة انما الحاجات الداخلية الله اعلم
العربية منتشرة جدا على الاقل عندنا فى الاسكندرية وان كان انتشارها اقل من الكورى ودى ميزة لانك تحس انك مميز وفى نفس الوقت قطع الغيار حتلاقيها فى المحلات بره التوكيل
اتمنى اكون افدتك
اخيرااااااااااااااا هههههههههههه ..
تسلم ايدك يا حسام بيييييييييه .. حببتني في العربية يا اخي ..
عندي كام استفسار كده .. ده لو سمحت طبعا :
1.. أنا خايف إن العربية متكونش اعتمادية و كده بصراحة أنا خايف من الفرنساوي جدا و حاسس إنها هتقل معايا في الظروف الصعبة زي الصيف و الطرق بتاعت بلدنا المنوفية الجميلة هههههههه و كده يعني ..
2.. التكييف عامل اييييه معاك .. أنت عارف الصني جبارة ما شاء الله هههههههه ..
...........
كفاية كده أنا عارف إني تعبتك .. ربنا يبركلك
تحياتي ..
بالإضافة لنظام الإيرباج المتطور اللى حاطاه رينو فى عربياتها بمدافع احزمة أمان الوسادة درجة انفجارها بتختلف إذا كنت لابس حزام ولا لأ وآمنه على الراكب
فورميلاتور قال إن واحدة زميلته فى الشغل عملت حادثة مش قوية بالصنى وانفجرت الوسادة بهدلت وحرقت وشها لأنها نوع بدائى من الوسادات الهوائية
للأسف سمكرة الأبواب مش سهلة بالمرة وكان فيه موضوع هنا جايب الصور بتاع الأبواب من جوا مقفل الباب بالكامل مفهيوش غير منفذ صغير متعرفش ترد منه حاجة
يعنى رد شفط أو تقطيع ولحام أو تغيييير الباب
بس معرفش هل النظام دا فى كل موديلات العربية
بس دا بيدى أمان أكتر وتسليح أكتر للباب
أنا مش بقارن بينها و بين الصني أنا عارف انه فرق السما و الارض هههههههههههههه
أنا بس عايز عربية اعتمادية زي الصني و اللانسر
برضه الأعتمادية
أصل التكنولوجيا كل ما تروح بتكتر فى العربيات والميكانيكية فى مصر ثقافتهم فى العربيات ثابتة للأسف ومفيش ضمير
وبيحبوا العربيات اللى مفيهاش أى حورارات ههههه
لكن أنا شايف بشكل عام عربيات رينو إعتمادية وعملية واقتصادية وعصرية جدا جدا وبدون مبالغة
وكفاية توكيلها المحترم اللى بيقولوا إنه أفضل توكيل سيارات على مستوى الشرق الأوسط من جميع النواحى ولو إن شايف إن مصر مفيهاش حاجة صح 100%
بالنسبة للمقارنة بين الصنى مش بغرض المقارنة لأ عشان زى ما قلت لحضرتك تقرب من العربية اللى انت ممكن ت شتريها أكتر وتعرف أمكانيات عربيتك بالنسبة لها عشان تتأكد من أختيارك
العربيات اللي مفيهاش أي حوارات ديه ميزة جمدة جدا .. كل ماقلت التكنولوجيا كل ما قل التعقيد كل ما زادت الاعتمادية .. أنا قصدي كده
يعني مثلا اللي معاه الصني و اللانسر بيمشي في حتة و يكسر برحته مش خايف من حاجة ولا فرقة معاها صيف ولا شتاء .. تكييف زي الفل .. و أي مخلوق على وجه الارض يشتغل فيها ههههههههههه .. و العربية لسة ماشية رغم كل ده مابتقلش لأ !!!!
لو العربيات زي رينو و كده بدأت تستخدم نفس الفكرة ديه .. يبقى الصني و مثيلتها ملهمش أي لازمة .. لأن كده بقى معاك صفقة رابحة جدا ..
بس يا سيدي و قامت معيطة ههههههههه ..
تحياتي ..