شاكر علي سعه الصدر والردود الوافيه المحترمه
عرض للطباعة
شاكر علي سعه الصدر والردود الوافيه المحترمه
عزيزي adhm سوال صغير هو انتا عربيتك ايه علشان انا شايف من التعريف الخاص بك انها لأنسر قولي ميتك ايه
وفعلا والله انا كنت كتير قبل ما يبقي عندي مشكله كنت بخش واشوف المشاكل الموجودة لو عندي فيها حل او تجربه كنت بشارك علشان منتعرضش لسوء استغلال من الصنيعيه او رسوء تشخيص لمشكله ممكن يكون احد الاعضاء تعرض لها وطلع عينه علي ما حلها وخصوصا أنني ركبت قبل كدة 4 اوكتافيا a4 قبل ما أجيب a5
مع وافر أحترماتي لشخصكم وتحت أمر سيادتكم في اي وقت
معلش معنديش خبرة فى الاوكتافيا قوى عشان افيدك عشان انا لسه جايبها زيك
ربنا يكون فى عونك ويوفقك فى حل المشكلة
ومتنساش تقولنا النتيجة عشان انا بقيت منتظر انها تحصلى
عزيزي ادهم اليوم زهبت لمحمد ألونش في الحرفيين بس لم يكن موجود وليت واحد شغال هناك وقلي تقريبا بيتصح ب 5000 جم للأسف قلت يا واد طنش خالص كأنك مسمعتش
المهم بعد كدا كنت بجانب صقر قريش بالمعادي وكان هناك واحد متخصص فتيل أوتوماتيك اسمه سعداوي كنت بشوف عندة عربيان كويسه للتصليح وكان كشف عليها قبل كدة بالجهاز المهم قلي ان تكلفة الاصلاح تقريبا لن تقل عن خمسه الأف جنيه - المرة دي أكيد سمعت فالأمر لله هحاول ابقي أشيل شويه فلوس علشان أقد اصلحة لأن دا هيبقي تقريبا تكلفة الاصلاح المتوقعة
وأستاذي Adham انا مش بسأل للبيع والشراء ولكن علشان لقيت حضرتك متفاعل مع المشكله والغريب ان الانواع المكتوبة في تعريف سيادتكم ليست محل المشكله فهذا هو الذي لفت انتباهي لمعرفة واقع الخبرة لديكم مع فارق العربيه
وتشكراتي الي جميع من ساعد علي ترتيب أفكاري ولو حد عندة حلول اخري ياريت نعرفها علشان انا قربت أدبس في ٥٠٠٠ آلاف لحلوح
عاوز اعرفكوا حاجة جديدة عرفتها النهاردة انه يتم تغير البدي فلف بالكامل بأخر بتاع الفنتازيا لحل المشكله الي الأبد مع تغير الزيت بناء علي تعديل بسيط ولكن التكلفة حرأءة شويه ٨٠٠٠ لحلوح
احب اقولك بس ان تغير الفالف بيكون بواحد استعمال خارج مش جديد ميفرقش عن بتاعك حاجه يعنى لو بتاعك اتصلح و معرفش بصراجه موضوع التصليح ده ايه و بصراحه 5000 جنيه على موضوع التصليح الى بنتكلم عليها كتير قوى
بص لو عندك اماكنيه تيجى اسكندريه قلى و ان شاء الله اوديك لواحد ثقه يحل لك المشكله بسعر معقول ان شاء الله
ربنا يوفقك
حبيييييييبي يا علي طبعا الجو اليومين دول برد جداً وممكن لما يتحسن طبعا أجي او في اجازة نصف السنه العيال يتفسحوا ويكلوا سمك علي حساب الزبون كده كده دافع بس طبعا لو هتفرق في ثمن الاصلاح إسكندريه مش بعيدة كده كده بس المهم هوا ممكن ياخد وقت إد إيه وثمن الاصلاح إد إيه تقريبا لو ذهبت عنده قريب ياريت تسأل خدمه لأخوك عمرو
وعلي فكرة الاصلاح مش بمعناه وانما يقوم بتغير بعض البلوف الموجودة بالبدي فلف محل البلوف البايظه وان كان طبعا لسا الثمن غالي 5000 جم مش شويه بس الثمن دا متضمن الزيت والفلتر والان يتم حل الموضوع نهائي بتعديل ووضع بدي فلف الفنتازيا بدلا من إصلاح الحالي ودا طبعا مش هيحصل معايا دلوقتي انا معيش ٥٠٠٠ جم هدفع ٨٠٠٠ لحلوح