حبيبي afterberner تحياتي روحت النهاردة ولا لسه لو رحت قولي عملت ايه
عرض للطباعة
ازيك ياعمرو
رحت النهاردة عند م/خالد والحمد لله معنديش حاجة ونصحنى امشى بيها عادى ولو حصل زى عندك كده عليك وعلى التوكيل عشان تريح دماغك وهتاخد ضمان سنة وبيقولى البدى فلف اللى هيركب متعدل ومش هتحصل المشكلة دى تانى ده على كلامه
وعديت على عمران لاقيته قافل
ولو فى جديد فى الموضوع ده هبقى ابلغك ان شاء الله
تقبل تحياتى ,,,,,
عمر صباح الفل
هو أنتا اصلا بتشكي كنت من إيه ولا أنتا علي السمع خفت وحسيت انك عندك مشكله - هوا أنتا قلت لمهندس خالد علي حالتي وأخبرك انه لا يقوم بالتصليح ولا إيه وعلشان كدة اروح التوكيل
أنتا ذهبت عند خالد الساعه كام علشان يكون موجود وهل هوا الذي قام بالكشف بنفسه وكام ثمن الكشف وبعدين معلش هوا فين بالظبط في مدينه نصر وحي الواحة ممكن وصفه
والحمد لله ان العربيه عندك طلع مفهاش حاجة بس خلي بالك لو ابتدأت تنتش نتشه خفيفه مطنش ورورح عل طول شوف الموضوع
وتحياتي لمشاركة سعادتك في الموضوع وأكيد هيبقي نشوف بعض او نتشارك في مواضيع اخري
صباح الفل ياعمرو
انا كنت عايز اطمن اصل انا عندى نتشة خفيفة قوى ومش دايما بتحصل وماشى بيها لحد دلوقتى 21000 كيلو ومفيش تغيير والعربية ماشية 165000 كيلو وانا كنت فاكر ان ده العادى طالما اتوماتيك والمشكلة بقه حتى لو فى نتشة خفيفة زى مابتقول ملهاش حل على كلام المهندس خالد قالى انه ممكن يفك وينضف وانت وحظك يعنى ممكن تنفع وممكن لأ والمشكلة هتبقى اسوء من الاول
انا رحت حوالى الساعة 4 وهو كان موجود وكشف بنفسه على الكمبيوتر وجرب العربية بنفسه وقالى مفيش اى مشكلة ظاهرة على الكمبيوتر (مفيش اى اعطال) والكشف كان ببلاش بس انا ربطت عفشة ب20 جنيه
نصيحة م/ خالد فى الحالة بتاعتك ياعمرو وفى حالتى لو وصلت للمرحلة دى روح للتوكيل عشان زى ماقلتلك الضمان والعيب ده مش هيحصل تانى والله اعلم
بقولك ايه هو مينفعش البدى فالف يتجاب من بره
طمنى بقه هو انت مشيت بيها حوالى قد ايه من اول ماظهرت المشكلة لحد دلوقتى وانت ماشى بيها دلوقتى عادى؟؟
نسيت اقولك هو قالى يعرف واحد فى التوكيل يقدر يعملك تخفيض
رأيى تسأل تانى كام واحد وتشوف رأيهم ايه وانا كمان هبقى اسأل واقولك وفى الاخر القرار ليك
عنوان المهندس خالد الحى العاشر مدينة نصر هتدخل الشارع اللى على ناصيته بنزينة موبيل هتلاقى مساكن بلوكات على يمينك هتفضل ماشى على طول هتلاقى سوبر ماركت كبيراسمه الباشا ادخل الشارع بتاعه هتمشى شوية هتلاقيه على يمينك بعد الصيدلية
حبيبي عمر مساء الخيرات
بص انا كان النتشه خفيفه قوي ومن ساعت النتشه الخفيفه لحد ما بقت تيجي اسرع من الاول وبدأت تزرع وتخبط مشيت حوالي ٦٠٠٠ كيلو بس انا كنت جايب العربيه فيها النتشه الخفيفه بعد ما تسخن من المشي شويه يس زي ما قلت ليك تقريبا الزيت ما كنش اصلي
تحياتي واشوفك في ظروف احسن
السلام عليكم ياجماعة انا برضه بعاني من المشكلة ديه بس في أسوء حالتها هي عربيتي A5 موديل 2007 ماشية 125000 كيلو برضه بترزع ترزيع جامد في كذا غيار وساعات بحس انها بتغير الغيار للي اعلى منه علشان مش عارفة تمشي عليه غالبا المشكلة عندي في الغيار التاني والتالت والخامس :hugging: الموضوع بيزيد اوي لما العربية تسخن وتمشي في الزحمة الترزيع ده بيقلب قلة ادب مع انه اصلا جامد في الطبيعي بس فعلا بيوصل ساعات لمرحلة كان حد جيه خبطلك العربية لورة وزقها فاجئة وبعنف لقدام
انا مش عارف لو مشكلة البودي فالف ده لو على كلام المهندس خالد بيتصلح بكام في التوكيل اليومين دول
وكمان لو حبيت اجيبه من برة ايه الموصفات المطلوبة علشان اجيبه هو هو
بص يا سيدي البدي فلف استيراد بحةالي 5000 جم ولو قريت الموضوع كله دلوقتي بيقولو ممكن نحط بتاع الفنتازيا ليحل المشكله بــ 8000 جم تقريبا استيراد بس معرفش بالزيت ولا لأ
بس انا كنت عامل الموضوع دا مش عشان اغير البدي فلف وأخلص أنا كنت عايز حد يكون مر بالتجربه وعمل حل مثلا أن يكون غير الفلف الثالث مثلا لوحدة علشان التكلفة متبقاش كبيرة بس تقريبا كل الحلول مش أقل من 5000 جم
ومتسكتش أكثر من كدة لأقدر الله هلي العربيه متقفش منك وانتا في اي حته والفتيس يجيب اخرة بالكامل
جرب الكشف عند أي حد من الذين تم ذكرهم بالموضوع وقلنا عملت ايه للأفادة
ده موضوع قديم كان بيتكلم فى نفس المشكلة و فى ناس بتصلحه ممكن يفيد
http://www.nilemotors.net/Nile/15379...enttttt-2.html