Final selection Fiat New Grand Punto V.S Toyota Yaris 2013 hatchback

**hisham2111** · 09-01-2013 02:18 AM

العربية الياريس زادت يا باشا رسمى 7 الاف بلبل !!!!!

**S O P H O S** · 09-01-2013 05:24 AM

المشاركة الأصلية كتبت بواسطة ahmad_starac

هات ياريس وانت مغمض لانك لو جبت فيات هتكره العربيه وتكره نفسك بسبب التوكيل....

تحياتي علي مشاركتك يا باشا ..

**hisham2111** · 09-01-2013 11:24 PM

على فكرة يا باشا الياريس فيها abs&ebd

**hisham2111** · 13-01-2013 01:31 AM

انا استلمت الياريس الخميس 9/1 كل الى اقدر افيد بيه الناس ان انا متكيف مفيش حد جربها الا لما استمتع واتكيف واتدلع كمان :)

**Mohyeldin1974** · 13-01-2013 01:40 AM

الف مبرووووووك

**MoH.SaLaDiN** · 15-01-2013 02:34 AM

الف مبروك يا باشا على العربية وتعيش وتدلع كمان وكمان هههههههههه

**Formulator** · 15-01-2013 04:25 AM

شوف
أنا ماركبتش الياريس الجديدة..

بس لو هاتكلم عـ القديمة (سيدان وهاتش).. وأعتقد الشاسيه والعفشة ماتغيرتش؟؟

الياريس -e Respect- تعتبر "كنبة" جنب الجراند بونتو/إيفو دلوقتى؟!!!

وكانت بردو موتورها أقوى 1.3 single VVT-i
بس مكانش عصبى ولا ممتع زى موتور الـFire بتاع الجراند/إيفو!!

وطبعا مش هتكلم على ثبات وهاندلينج وعفشة (دى معروفة نقط ضعف فـ التويوتا، وsuperior فـ البونتو طبعا)؟!!

دلوقتى الياريس الجديدة
موتورها أقوى، ووكيلها أفضل من أوماترا..بس بردو بيستهبل فـ بعض قطع الغيار
(اللى مساعدها ان العربية منتشرة وليها قطع غيار برا التوكيل).

الفتيس بقى يامعلم:
أولا الـ7-سرعات دى Virtual يعنى ده فتيس CVT ودى نسب نظرية.. المهم:
أول مرة أشوف فتيس (مش أوتو صريح) يقلل التسارع بتاع العربية بالشكل ده؟؟!!!
(أنا ليا مشاركة فـ الموضوع بتاع الياريس اللى فوق ياريت تقرأها)..

الشركات بتطور فـ الفتيسات عشان تحسن التسارع وإستهلاك البنزين... لكن تويوتا بعد تجربة الـMMT بقت تخرف أكثر؟!! ههههههههههه

يعنى شوف حضرتك فتيسات الـDSG بتاع الفولكس، وتحديدا فتيس الـDualogic بتاع الفيات
(مقارنة بالمانيوال.. وقارن الياريس الـCVT بالياريس المانيوال)؟!!

بالنسبة للأوبشنز: رغم انك إختارت الفئة الأولى بونتو (وبالمناسبة راجع الأسعار)
بس شوف فيها أيه؟؟ وفرق السعر!!

btw: انت بتقول هأجيب الفئة الأولى عشان "فيات" وماخسرش كتير..
إسمحلى أقولك -من وجهة نظر أخرى:
العربيات دى (الأوروبى عموما، والفيات تحديدا) الإضافات أعلى بكتييييييير من فرق الفلوس -وعن تجارب فـ برافو وجولف!

**Formulator** · 15-01-2013 04:31 AM

نسيت أقول حاجة:

إستنى المعرض لأن فيه كلام ان البونتو الـfacelift دى.. هتنزل بمواتير جديدة؟؟!!!
الصراحة معرفتش أيه؟؟
بس فيات معندهاش للفئة دى غير موتورين N/A:
1.4 16v سوبر-فاير وده 95 حصان
1.4 16v ملتى-إير.. وده 105 حصان

Rgds،