الموضوع: إستشارة في تركيب باركينج سينسور

المشاركة الأصلية كتبت بواسطة midooo_119

هشوفلك كده النهارده و اقلك الفيوز ده بتاع حاجه تانية ولا لأ و بالنسبه لعلبة الفيوز هيفكها ليه الشاشة اصلا جاية بالسلك بتاعها بيركب فى الفيوز و مماشيينه من جوه فرش القايم

أيوه هو ده إللي كنت أقصده، إنه رابط أو مشبط السلك في الفيوز. هو ممكن بس غير مستحب عشان ميعملش سخونية أو شرز.

أنا النهاردة ركبت سلكين في طرفي البطارية بترامل ومسامير بصامولة والناحية الطرفين الثانين وصلتهم مع طرفين الشاشة بكلبسات وحطيت فيوز ١٠ أمبير فى وصلة الموجب وجربت كله إشتغل تمام.

كده كله شغال من غير ما أقطع ولا ألحم في أي سلك من أسلاك العربية، حتى الوصلة إللي المفرض أخدها من لمبة المرشدير، فتحت الفيشة الفانوس الخلفي وطلعت مسمار لمبة المارشدير وربط سلك وحدة التحكم بتاعت السنسور في المسمار ورجعت المسمار مكانة، يعني حتى مكسفتش جرء من سلك بتاع اللمبة، ولا أجدع كهربائي

حد يعرف لو كان الفيوز ال ١٠ أمبير ده تمام ولا المفروض أكتر أو أقل؟ الشاشة مش مكتوب عليها بتاخد كام أمبير.

أنا جبتة من سعيد نصار في عزبة سعد، على ما أتذكر كان ب ٢٧٥، بس أنا شارية من ست شهور تقريبا وكنت شايلة ومحتار أركبة ولا التوكيل يتلكك. وقررت أتوكل على الله وأركب.

لو وصلته على البطارية او من الولاعة او من الفيوز
كله واااااحد
الفرق ان لو على البطارية هيبقى الباور واصل على طول
والفيوز 10 مناسب
بس اللى انا افضله
انك زى ما عملت فى المارشدير
تعمل مع الشاشة
توصلها مع الولاعة
برده هو عبارة عن كلبس هتوصل السلكة فيه مباشرة
وكده يشتغل مع او تكة
وبالنسبة للارضى
مش لازم تاخده من البطارية
خده من اى مسمار قريب من الشاشة

المشاركة الأصلية كتبت بواسطة momo44

لو وصلته على البطارية او من الولاعة او من الفيوز
كله واااااحد
الفرق ان لو على البطارية هيبقى الباور واصل على طول
والفيوز 10 مناسب
بس اللى انا افضله
انك زى ما عملت فى المارشدير
تعمل مع الشاشة
توصلها مع الولاعة
برده هو عبارة عن كلبس هتوصل السلكة فيه مباشرة
وكده يشتغل مع او تكة
وبالنسبة للارضى
مش لازم تاخده من البطارية
خده من اى مسمار قريب من الشاشة

ربنا يكرمك، أنا لسة مشطب من شوية وعملت الآتي:

وصلت على طرفين البطارية لأمي ملاقتش أي مسمار أرضي ظاهر ممكن أوص علىه قريب من الأسلاك، والأسلاك كلها متجمعة في مجاري الأسلاك الفابريكة في العربية. حطيت فيوز ١٠ أمبير قبل الشاشة على الطرف إللي رايح لموجب اليطارية. خليت الآسلاك إللي جاية من البطارية وإللي جاية من الشاشة تتجمع عند علبة الفيوزات ووصلتهم ببعض بكلبسات وعليها غطيان عشان مفيش حاجة تلمس وبيت الأسلاك على جنب داخل العلبة، يعني ممكن أفصل الشغل أو أغير فيوز الشاشة من فتحة علبة الفيوزات. النتيجة كل حاجة شغالة تمام ومفيش أي Error في لوحة العدادات بالنسبة للكهرباء :)

أنا خفت أوصل على الولاعة، لأن من خلال البحث لقيت إن أكتر فيوز معرض للضرب في كثير من الأحيان هو فيوز الولاعة عشان ممكن توصل عليها أجهزية كتير وده بيخليها عرضة لحمل زائد يؤدي لضرب الفيوز، وأنا عندي الولاعة والكاسيت على فيوز واحد، فمحبتش أحط معاهم الشاشة كمان عشان لو الفيوز ضرب كل الحجات دي هتقف! مش عارف معايا حق في كده ولا لأ. كمان الشاشة مش شغالة علطول، هي بتشتغل بس لما أدي مارشدير، يعني حتى لو متوصلة علطول فهي ستاند باي فقط، مش بتسحب حاجة تذكر. ولا حد ليه رأي تاني؟

إحساس رائع إنك تركب حاجة بإيدك في العربية، وكمان تتعمل صح وبنظافة أشك إني كنت ألاقي صنايعي يعملها بيها

المشاركة الأصلية كتبت بواسطة ahmed_m_ashraf

ربنا يكرمك، أنا لسة مشطب من شوية وعملت الآتي:

وصلت على طرفين البطارية لأمي ملاقتش أي مسمار أرضي ظاهر ممكن أوص علىه قريب من الأسلاك، والأسلاك كلها متجمعة في مجاري الأسلاك الفابريكة في العربية. حطيت فيوز ١٠ أمبير قبل الشاشة على الطرف إللي رايح لموجب اليطارية. خليت الآسلاك إللي جاية من البطارية وإللي جاية من الشاشة تتجمع عند علبة الفيوزات ووصلتهم ببعض بكلبسات وعليها غطيان عشان مفيش حاجة تلمس وبيت الأسلاك على جنب داخل العلبة، يعني ممكن أفصل الشغل أو أغير فيوز الشاشة من فتحة علبة الفيوزات. النتيجة كل حاجة شغالة تمام ومفيش أي error في لوحة العدادات بالنسبة للكهرباء :)

أنا خفت أوصل على الولاعة، لأن من خلال البحث لقيت إن أكتر فيوز معرض للضرب في كثير من الأحيان هو فيوز الولاعة عشان ممكن توصل عليها أجهزية كتير وده بيخليها عرضة لحمل زائد يؤدي لضرب الفيوز، وأنا عندي الولاعة والكاسيت على فيوز واحد، فمحبتش أحط معاهم الشاشة كمان عشان لو الفيوز ضرب كل الحجات دي هتقف! مش عارف معايا حق في كده ولا لأ. كمان الشاشة مش شغالة علطول، هي بتشتغل بس لما أدي مارشدير، يعني حتى لو متوصلة علطول فهي ستاند باي فقط، مش بتسحب حاجة تذكر. ولا حد ليه رأي تاني؟

إحساس رائع إنك تركب حاجة بإيدك في العربية، وكمان تتعمل صح وبنظافة أشك إني كنت ألاقي صنايعي يعملها بيها

احسااااااااااااس اكتر من رائع
بس رأى انك توصل زرار صغير على السلك الموجب تشغل الشاشة وتطفيه منه
عشان سؤال واحد
ومعرفش اجابته للاسف
هل الشاشة مصممة انها تفضل ستاند باى على طووووووووووووووووول
هل ده ممكن يأثر عليه
يسخنها مثلا ؟
وطبعا الله ينور عليك
انا برده مركبه عندى بايدى :)
بس العادى ابو سلك

المشاركة الأصلية كتبت بواسطة momo44

احسااااااااااااس اكتر من رائع
بس رأى انك توصل زرار صغير على السلك الموجب تشغل الشاشة وتطفيه منه
عشان سؤال واحد
ومعرفش اجابته للاسف
هل الشاشة مصممة انها تفضل ستاند باى على طووووووووووووووووول
هل ده ممكن يأثر عليه
يسخنها مثلا ؟
وطبعا الله ينور عليك
انا برده مركبه عندى بايدى :)
بس العادى ابو سلك

بالضبط زي ما قال midooo_119 في المشاركة السابقة على طول، هي الشاشة بتكون مطفية بس أعتقد الريسيفر فيها بيكون ستاند باى. وده مظنش بيسحب شئ يذكر من البطارية ولا بيسخن.

على كل حال أنا هجرب اليومين الجايين ولو جاتلي فكرة كويسة عشان أوصله على أول تكة في الكونتاكت أو فيوز الولاعة هبقى أجربها.