الموضوع: سؤال مهم

نسيت اقول كمان على حاجتين مهمين :

فلتر الهواء .. لازم تنظفه باستمرار ببلاور و تغيره فى ميعاده او قبلها كمان .. فلتر الهواء + كهرباء العربيه هى العامل المؤثر فى سحب العربيه اللى شغاله غاز طبيعى ..

فيه اضافه زيت شمبر اسمها abro علبه صفراء معدنيه بتتباع فى بنزينات موبيل بـ 15-20 جنيه تضاف مع الزيت (العلبه 400 مللى تقريباً و العربيه بتاخد 4 لتر الا ربع يعنى تحط 3.25 لتر و الباقى زيت شمبر) بس مش كل مره تحطها مثلا مره اه و مرتين لا او مره اه و مره لا .. دى مفيده جدا جدا بالنسبه للمواتير القديمه اللى زى حالاتى .. اكيد فيه منها اضافه للمواتير الجديده .. مفعولها انها بتزود لزوجه الزيت و تمنعه انه يسود بسرعه و تؤثر على صوت الموتور لو عالى بتهديه و بالتالى على الحراره الناتجه .. انا لما بحط viso ngv + abro مع فلتر زيت و هواء جداد باحس انى راكب فيرارى مش فيات ....

المشاركة الأصلية كتبت بواسطة مواطن مصرى

انا سيارتى تعمل بالغاز الطبيعى من سنه 2005 الى الان و استعمل 3 انواع زيوت كلها ممتازة :

1- فيسكو ngv = سعره 75 جنيه = يغير كل 3000-4000 كم
2- التعاون غاز كوب = سعره 70 جنيه = يغير كل 2000-3000 كم
3- شيل الاحمر = سعره 72 جنيه = يغير كل 1500-2000 كم

مع مراعاه ان :

1- زيت شيل الاحمر لا يناسب مع السيارات الجديدة مطلقاً لانه monograde و مخصص للمواتير القديمه التى تعدت 100 الف كيلو متر

2- الزيوت التخليقية بالكامل (مثل موبيل وان - شيل الترا) غير متوافقه مع استخدام الغاز الطبيعى و ده مش كلامى ده كلام المسئولين فى شركة كار جاز و كلام اكثر من خبير فى الزيوت و ذلك لان درجه احتراق الغاز اعلى من درجه احتراق البنزين و ده بيخلى معدل الحمل الحرارى المسبب للاهلاك على اجزاء المحرك الداخليه يكون اكبر و بالتالى يحتاج المحرك لزيت درجه لزوجته اعلى ليقوم بالتزييت الكافى و يغير على فترات قريبة لانه بينزل و معاه رواسب كبريتيه من الكبريت الموجود فى الغاز الطبيعى

3- نصيحه من واحد مجرب الغاز من سنين : شغل العربيه الصبح و سخنها بنزين 5 دقائق على الاقل و بعد ما تطلع حول غاز من السويتش ..

4- نصيحه اخرى : غير فلتر الزيت فى كل مره تغير الزيت .. لو فكيت الفلتر و شفت اللى جواه هتعرف ليه .. الفلتر عندنا فى الفيات بـ 15 - 18 جنيه فاك او فرام مصرى مش عارف الصينى عندكم بكام بس لو حسبتها هتلاقيهم ثمن علبتين سجاير او سندوتش و كانز بيبسى ..

ملاحظه اخيره : سيارتى المتواضعه ريجاتا موديل 1989 و انا ثالث مالك لها و محركها تعدى 200000 كيلومتر و سبق عمل نصف عمره له و قطعت مسافه اكثر من 80 الف كيلومتر بالغاز الطبيعى خلال 6 سنوات بدون اى مشاكل ...

شكرا جزيلا ...حضرتك مواطن مصرى 100*100 معلومات مقيدة وقيمة..

1-بالنسبة للتسخيين ..الجهاز الجديد اتوماتيك بيشتغل بنزين لوحدة صباحا..وده ميزة فى حد زاته..

2-فلتر الزيت بتاعنا متسوبيشى 40ج..وانا لازم بغيرة مع كل غيار زيت..

3-بالنسب ل.. نص عمرة ..هى كانت بسيبب الغاز ..ولا من حاجة تانية..

واخيرا شاكر لمرورك وعقبال ما تعمل بيها 800000 كم ..وربنا يحفظك ويستر طريقك ياباشا..

انا اسف اننى بتطفل على القسم بتاعكم لكن انا عندى وجهه نظر وتجربة شخصة مع زيت الفيسكو
على فكرة انا بحط زيت فسكو الـ 10000 وهو ممتاز جدا جدا
صوت المكنة دائما واطى
قبل كدة كنت بحط شل الاصفر كانت المكنة عالية شوية
على فكرة عربيتى نيسان صنى 2003 بنزين وليس غاز

تقبل مرورى

المشاركة الأصلية كتبت بواسطة elpasha1

انا اسف اننى بتطفل على القسم بتاعكم لكن انا عندى وجهه نظر وتجربة شخصة مع زيت الفيسكو
على فكرة انا بحط زيت فسكو الـ 10000 وهو ممتاز جدا جدا
صوت المكنة دائما واطى
قبل كدة كنت بحط شل الاصفر كانت المكنة عالية شوية
على فكرة عربيتى نيسان صنى 2003 بنزين وليس غاز

تقبل مرورى

ياباشا ولا اسف ولاحاجة..حضرتك مسموح لك بالمرور فى اى وقت ...
ده حتى الشارع فى القسم بتاعنا واسع ..ويسمح بمرور الاعضاء كلها..
وكفاية انك حاطط صورة أجدع واطيب راجل دمة خفيف..
ياتنري سعر فيسكو ال 10000كم ..كام لو تسمح لى وشاكر لمروك