تعاطفك لواحده مش كفايه

**haitham2011** · 15-12-2012 01:39 PM

السلام عليكم

من 3 اسابيع غيرت زيت و قلت اما اروق عالموتور و اغسله و ده غلطه و ندمان عليها
العربيه دارت بعد الغسيل مبرجله خالص و مشت حوالي 30 م و حلفت متدور من العصر للمغرب
بعد كده دارت و لما اطلع بيها تطفي علي طول , المهم قطرتها و سبتها للساعه 10 م و جبت منظف البوابه و الحمد لله ظبطت و بعدين خدتها جري بقرص علشان انفضها و الدنيا بقت تمام

نييجي للمشكله
بعدها بيومين العربيه مبرجله و زي اما تكون متلته
قولت يمكن بوجيه قاطع و كان عندي طقم قديم و كنت مغيره نضافه لما ركبته مفيش فرق خالص
لفيت علي فيش الحساسات كلها و رسترت الكمبيوتر و لا حياه لمن تنادي
بعد ما يئست رحت للميكانيكي و حكيتله اللي حصل قاللي مكانتش بتدور علشان الميه دخلت الاسبراتير
و قالي دور و شال سلوك البوجيهات سلك سلك و كان فيه بوجيه سلكه راكب زي مش راكب رغم ان الشراره بتاعته كانت زرقه و قويه

و رد عليا و صدمني ان فيه و لمؤاخذه وسخايه تحت الصباب مبتخليهوش يقفل للاخر و ده اللي مبرجل الموتور طب ايه الحل يا عم الحج قاللي هنحط زيت باور مع البنزين و عدي عليا بعد يومين

بقالي اسبوع و مفيش فرق خالص

حد عنده حل للموضوع ده قبل منضطر للفك

**فادى محمد** · 15-12-2012 05:36 PM

حلها روديه للصبابات بس مكلف طبعا ومش مستاهاله نفتح الموور علشان روديه
جرب منظف دوره البنزين اللي بيبقي كامل التاذثير علي الرشاشات ورؤوس الصبابات بس ماتحطش امل قوي عليه ,مفيش احسن من شغل الايد

**tananybasha** · 15-12-2012 10:08 PM

مش زيت باور
هات فلوش اويل

**zrzr1** · 16-12-2012 12:51 PM

نفس الحوار دا كان حصل معايا والمشكله كان ان سلوك الوبجيهات متهالكه ولما جه عليها مايه شيعت
غيرت السلوك وظبطت بعدها

**Alandalusi** · 16-12-2012 01:28 PM

المشاركة الأصلية كتبت بواسطة zrzr1

نفس الحوار دا كان حصل معايا والمشكله كان ان سلوك الوبجيهات متهالكه ولما جه عليها مايه شيعت
غيرت السلوك وظبطت بعدها

+1111

**فادى محمد** · 16-12-2012 01:54 PM

طبعا هتغير جوان وش سلندر بس مش المشكله .احسن نوع ب60ج مش مشكله ..
المشكله هو ما يستجد من شغل ,يعني اعتبر نفسك ماتعرفش هتعمل ايه الا لما تفتح ,
ممكن تلاقي الوش متاكل ومحتاج مخرطه تملي وتفرز وتقشط -كاوتش صباب -جوان وش سلندر
زيت تعاون علشان الرايش +الزيت اللي بتستخدمه والفلتر -ميه التبريد طبعا ..وانت في الاساس عاوز روديه بس !!!!
معلش انا مش بكركب عليك الدنيا بس عاوزك تعمل حسابك مش اكتر .
كل اللي فات يخش في 600ج ,ان شاء الله ماتحتاجش حاجه وربك كريم..

**haitham2011** · 16-12-2012 09:36 PM

المشاركة الأصلية كتبت بواسطة فادى محمد

طبعا هتغير جوان وش سلندر بس مش المشكله .احسن نوع ب60ج مش مشكله ..
المشكله هو ما يستجد من شغل ,يعني اعتبر نفسك ماتعرفش هتعمل ايه الا لما تفتح ,
ممكن تلاقي الوش متاكل ومحتاج مخرطه تملي وتفرز وتقشط -كاوتش صباب -جوان وش سلندر
زيت تعاون علشان الرايش +الزيت اللي بتستخدمه والفلتر -ميه التبريد طبعا ..وانت في الاساس عاوز روديه بس !!!!
معلش انا مش بكركب عليك الدنيا بس عاوزك تعمل حسابك مش اكتر .
كل اللي فات يخش في 600ج ,ان شاء الله ماتحتاجش حاجه وربك كريم..

تسلم يا فادي و متحرمش منك و كنت قريتلك موضوع قديم نفس اللي عندي
ربنا ميعودها علي حد