الموضوع: ** آخر أخبار المثلث العاكس و حقيبة الإسعافات الأولية بالتفصيل **

يا جماعة انا كنت حجزت المثلث و الشنطة ليا و لأصحابي من محل ابناء البطاح ,
و كانوا أدوني موعد للإستلام في 30/7 و كل ما اتصل بيهم يأجلوا الموعد ,
المهم قالولي اليوم ان البضاعة موجودة و لما رحت ليهم للإستلام وجدت ما يلي:
* بالنسبة للمثلث وجت مثلث آخر متوسط و لكن مش هو اللي كنت متفق عليه و كمان بـ 60ج ,
* بالنسبة للشنطة وجت نوع تركي بيقولوا انها متوافقة مع المواصفات العالمية و بـ 40ج بس هي عبارة عن شنطة من خامة تشبه البلاستيك و الحاجات اللي فيها أقل من المطلوب سواء في الكم او الكيف ,

المهم قلتلهم إن الحاجات دي مش هي اللي انا متفق عليها ,
فقالولي ان ده الموجود و فيه حاجات تانية هتيجي كمان أسبوعين ,
قلتلهم لأ , انا عايز المبلغ اللي حجزت بيه , فأعطوني المبلغ ,

لكن الحقيقة الواحد حس ان فيه نصب حصل , يعني حاجز من 3 اسابيع و في الآخر ألاقي حاجات تانية ,
الناس دي مش تمام ,

** و انا ماشي لقيت أنواع مثلثات تانية مكنتش موجودة قبل كده و سعرها بـ 40 أو 50 ج,
بس كان معايا واحد صاحبي و كان متنرفز جداً من الموقف ده و قلنا نمشي دلوقتي و نبقى نيجي وقت تاني ...

الف الف شكر علي الموضوعالقيم دة يا استاذ اكرم فعلا الف شكر

انا قريت الموضوع ده ,
بس الغريب انهم قالوا ان الشنطة يكون مكتوب عليها رقم اعتمادها من الوزارة ,
يعني الشنط الموجودة كلها مفيش عليها رقم الاعتماد ده و فيه بعض الشنط مكتوب عليها انها موافقة
لمواصفات الوزراة أو للمواصفات العالمية , لكن مفيش مكتوب عليها الرقم ده ,
بس الملاحظ ان الشنطة دي بالمواصفات دي مش هتزيد عن 40ج بأي حال ,
و لو لاحظتم انهم في الأول قالوا ان الشنطة مش هتزيد عن السعر ده و قالوا مواصفات تزيد بكتير و اديهم دلوقتي غيروا في المواصفات اللي هيخليها بالـ 40ج (مش غريبة دي) ,
ان شاء الله هبقى انزل التوفيقية بعد العيد و اشوف ايه الاخبار ,
بس برده اللي يلاقي الشنطة دي و عليها رقم الاعتماد ده أو يعرف أي معلومة من مصادر موثوقة يا ريت يقولنا .

ربنا يبارك فيك يا mountofgem