بسم الله الرحمن الرحيم
السلام عليكم و رحمة الله و بركاته

حصريا علي نايل موتورز
الفرق بين التو 2008- 2009 \ 800 سي سي
و التو 2013 \ 800 سي سي

طبعا كله سمع عن الالتو اللي رجعت تنزل تاني في 2013
و بدأ فتي الناس اللي يقول ديه تلاقيها متخزنة و اللي يقولك بواقي متبعش عشان عيوب صناعة و شوية هجس اتقال طب هم نسيوا ان ليها ورق افراج جمركي
الحاجة اللي يعتبروا الي حدا ما اجتمعوا عليها انفعلا الـ2013 هي نفس الشكل الـ2008-2009
الا ان هناك بعض الفروق التي تميزهم عن بعض و هو موضوعنا انهاردة
و لاحظوا اننا بنتكلم عن الـ800 سي سي

نبدأ ع بركة الله


اولا : العدادات


1- شكل عدادات 2008-2009 قبل تعديل الاضاءة




2- شكل عدادات 2013 طبعا مفيش ار بي ام برده و ديه قطة بنعاني منها كلنا و عداد البنزين ديجيتال مع عداد الكيلومترات اما عداد الحرارة مش موجودة و العربية فيها سينسور لو الحرارة ارتفعت اكتر من اللازم هتنور







ثانيا : لون الفيبر و التابلوه

1- لون فيبر التابلوه و العتب 2008-2009 رمادي فاتح




2- لون فيبر التابلوه و العتب 2013 رمادي غامق





1- الجزء اللي في نص تابلوه 2008-2009 اسود




2- الجزء اللي في نفس تابلوه 2013 رصاصي فاتح مع العلم ان مكان الدرج تحت الهيد يونت مكنش جاهز عنده عكس عندي و كان جاهز لتركيب جهاز دبل ان لكن عندي كان جاهز سواء جهاز عادي او دبل ان تفتح مكان الدرج او تسيبه مقفول







ثالثا : لون الحزام

1- لون حزام 2008-2009 رمادي فاتح




2- لون حزام 2013 رمادي غامق







رابعا : مفتاح باب اللي قاعد جنب السواق

1- باب اللي قاعد جنب السواق في 2008-2009 يمكن فتحه بمفتاح

2- باب اللي قاعد جنب السواق في 2013 مفيش فتحة مفتاح اي لا يمكن فتحه بمفتاح
و ديه نقطة شايفها ميزة و عيب ميزة انك مش هتقلق ع فتح الباب اللي ناحية السواق و عيب انك مضطر تركب سنتر و المشكلة ان مفيش خرم في الباب عشان السلك




خامسا : الولاعة و الطفاية و المفاتيح

1- الـ2008 بتنزل بولاعة و طفاية

2- الـ2013 بدون ولاعة و طفاية و المكان مقفول زي ما واضح في الصور فوق انا عن نفسي متفرقش معايا لأني بدخنش

3- مفاتيح التو 2008 مكتوب عليها اسم الشركة و هي ماروتي Maruti اما الـ2013 مكتوب عليها موديل العربية Alto

هي ديه فقط الاختلافات بين الالتو 2008-2009 و الالتو 2013
غير كده الاتنين واحد
الا اني لاحظت تقل الدريكسيون في 2013 لما جيت اسوقها عن 2008 معرفش ايه السبب و هتابع الموضوع ده ان شاء الله

و للعلم ان المقارنات او اي كلام عن العربيات هي مش مقارنة طبقا للموديلات اللي بتنزل برة نظرا للاختلاف لكن الموضوع بناءا ع الموديلات اللي بتنزل هنا و عليه بيكون كلامنا

و اخيرا اشكر احد نسور السوزوكي و هو eng.koussy
لأنه ساهم في الموضوع بتصوير عربيته و هي التو2013 اما الـ2008 فهي بتاعت العبد لله

بالتوفيق للجميع :)