مشكلة فى ريموت العربية

**abdoumahros** · 19-12-2012 12:41 PM

مشكلتك بسيطه المفتاح محتاج اعاده تكويد روح للتوكيل هايعمله اعاده تكويد

**hesham ahmed** · 19-12-2012 12:45 PM

روح عند اي حد بتاع مفاتيح مشفره هيعملهولك
زي اللي في رابعه وارا منصور
او عزب اللي في الدقي

**kh_fawzy** · 19-12-2012 01:10 PM

جرب تغير البطاريه لانى ساعات بيحصل معاى الموضوع دة واللمبه بتبقى منورة

**mody_halawa** · 19-12-2012 06:01 PM

انا روحت لواحد بتاع مفاتيح مشفرة حط الجهاز اللى هو بتاع الكمبيوتر دة على كنترول العربية علشان يكود الريموت الجديد بس ملقاش عندة فى الجهاز شفرة ريموت للمازدا
للعلم انا كنت حطيت العربية قبل كدة على كمبيوتر عند كهربائى و كان قارى ان العربية مازدا فهل الجهاز اللى عند بتاع المفاتيح دة هو نفس اللى عند الكهربائى ؟؟ لو كدة اروح اعملة عند الكهربائى وخلاص

**abdoumahros** · 20-12-2012 09:27 AM

المشاركة الأصلية كتبت بواسطة mody_halawa

انا روحت لواحد بتاع مفاتيح مشفرة حط الجهاز اللى هو بتاع الكمبيوتر دة على كنترول العربية علشان يكود الريموت الجديد بس ملقاش عندة فى الجهاز شفرة ريموت للمازدا
للعلم انا كنت حطيت العربية قبل كدة على كمبيوتر عند كهربائى و كان قارى ان العربية مازدا فهل الجهاز اللى عند بتاع المفاتيح دة هو نفس اللى عند الكهربائى ؟؟ لو كدة اروح اعملة عند الكهربائى وخلاص

انا معرفش المازدا نظامها ايه لكن انا نفس المشكله حصلت معايا وروحت التوكيل عمل اعاده للتكويد . انا عربيتي جين 2 واعاده تكويد المفتاح في البروتون مالوش دعوه بالكومبيوتر يعني عن طريق المفتاح الشغال اللي معايا وسويتش في التابلوه وبس وعملوها قدامي في 7 دقايق
نصيحتي روح التوكيل وبلاش حد يلعب في كهرباء العربيه

**Mohamed Fathy** · 20-12-2012 09:36 AM

فى اقتراح اخر ايه رايك تاخد البطاريه بتاعت الريموت الشغال وتحطها فى التانى جرب دى عشان حصل معايا نفس الكلام ده وريموتين برده واتحلت جرب مش هتخسر حاجه انا عارف انك هتقول ماهى برده بطاريه بس معلش جرب

**mody_halawa** · 20-12-2012 06:12 PM

المشاركة الأصلية كتبت بواسطة mohamed fathy

فى اقتراح اخر ايه رايك تاخد البطاريه بتاعت الريموت الشغال وتحطها فى التانى جرب دى عشان حصل معايا نفس الكلام ده وريموتين برده واتحلت جرب مش هتخسر حاجه انا عارف انك هتقول ماهى برده بطاريه بس معلش جرب

والله يا باشا جربتها وبرضة مشتغلش :)

**mody_halawa** · 20-12-2012 06:14 PM

المشاركة الأصلية كتبت بواسطة abdoumahros

انا معرفش المازدا نظامها ايه لكن انا نفس المشكله حصلت معايا وروحت التوكيل عمل اعاده للتكويد . انا عربيتي جين 2 واعاده تكويد المفتاح في البروتون مالوش دعوه بالكومبيوتر يعني عن طريق المفتاح الشغال اللي معايا وسويتش في التابلوه وبس وعملوها قدامي في 7 دقايق
نصيحتي روح التوكيل وبلاش حد يلعب في كهرباء العربيه

شكرا جدا يا باشا على نصيحتك وان شاء الله هروح فعلا للتوكيل لانى حاسس ان الموضوع ملوش علاقة بالكمبيوتر برضة بتاع العربية

**shetos111** · 12-08-2013 02:35 PM

باشا عملت ايه علشان انا عندي نفس المشكلة وياريت لو تقولي بتجيب قطع الغيار منين علشان الطارق سحبكل قطع الغيار من عند الكيلاني اللي كان الوحيد اللي بيوزع للهايما في القاهرة ولبسنا زي ما لبسنا لما قفل التوكيل بتاع اوتو ماجد الله يخرب بيته مش عارف هيمل معانا ايه تاني الراجل دة بجد خرب العربية مع انها عربية محترمة جدا و احسن من كل اللي في سعرها بس هو الله ينتقم منه خربها

**mody_halawa** · 27-08-2013 12:38 AM

المشاركة الأصلية كتبت بواسطة shetos111

باشا عملت ايه علشان انا عندي نفس المشكلة وياريت لو تقولي بتجيب قطع الغيار منين علشان الطارق سحبكل قطع الغيار من عند الكيلاني اللي كان الوحيد اللي بيوزع للهايما في القاهرة ولبسنا زي ما لبسنا لما قفل التوكيل بتاع اوتو ماجد الله يخرب بيته مش عارف هيمل معانا ايه تاني الراجل دة بجد خرب العربية مع انها عربية محترمة جدا و احسن من كل اللي في سعرها بس هو الله ينتقم منه خربها

والله يا باشا انا جبت جهاز انذار وركبته على سنتر العربية بريموت تانى جديد :)

بالنسبة لقطع الغيار انا والله لحد دلوقتى اللى جبته للعربية حجات خفيفة جدا فى واحد شغال فى فرع الاسكندرية بيستور قطع غيار العربية وبيبيع للى عاوز اى حاجة ليها

وبالنسبة للتوكيل فا انا كنت كلمتهم من حوالى شهر علشان اسال على انى ممكن اعمل الصيانه عندهم ولا لا قالولى كل قطع الغيار موجودة واتفضل فى اى وقت تعمل صيانه 60 الف

....
نصيحة منى
لما تحب تغير اى قطعه غيار فكها من العربية وشوفها عند اى واحد بتاع قطع غيار هتلاقى اكيد القطعه بس هتكون بتاعت عربية تانية وبتركب على الهايما

انا لسة مركب تيل فرامل اماامى امبارح فكيتة وطلع نفس بتاع الكيا سبكترا ... والتيل الخلفى طلع نفس بتاع الفيات :)