الموضوع: جدول صيانات بسيط وسهل عمايل ايدى

السلام عليكم

كتير مننا وانا اولكم كنت دايما محتار فى مواعيد الصيانات ولو سجلتها على التليفون كانت بتبقى معكوكه وممكن انسى ميعاد الصيانه لحاجه معينه لان مفيش نتيجه نهائيه تقولى ان فى كذا قرب او كده
حاجه تانيه كنت كل ما اشترى حاجه للعربيه اكتبها فى فايل وانسى مكانه وارجع اسال عليها من تانى
الحاجه التالته موضوع الاستهلاك وحسابه وهل العربيه استهلاكها كويس ولا بتاكل بنزين
رابع حاجه الملاحظات اللى بحتاجها لما بكون بشترى يعنى سير الكاتينه كام سنه ومقاس الكاوتش وماركه تيل الفرامل والحاجات اللى زى كده
قلت اعمل فايل اكسيل يلم الكلام ده ويكون فىه مجموعه عمليات حسابيه اللى تدينى رقم فى الاخر القطعه دى فاضلها كام كيلومتر وتتغير
الشرح فى الصور مع انه مش محتاج شرح

هو الاكسيل مكون من 3 تابات الاولى الصيانات ومواعيدها والتانيه ملاحظات عامه والتالته المصاريف وحساب الاستهلاك

التابه الاولى



1- اشتريت العربيه عامله كام كيلومتر
2- الكيلومتر دلوقتى حالا عامل كام وده هيحتاج ابديت كل يومين تلاته بالكتير
3- انت مشيت قد ايه من ساعه ما جبتها
4- ركبت قطعه الغيار لما كان العداد قد ايه
5- صلاحيه قطعه الغيار بالكيلومتر
6- الخانه هتجمع كيلومتر وقت التغيير مع العمر الافتراضى للقطعه ويديك وقت التغيير اوتوماتيك
7- فاضل كام كيلو على ميعاد التغيير ودى اهم خانه طبعا ولو الحسبه بالمده يبقى مش هتكتب غير تاريخ الانتهاء فى الخانه دى برضه بس هتكتبه بايدك
8- انا خصصت 3 الوان يوضحو حاله قطعه الغيار اللون الاخضر اللى لسه فاضل فيها اكتر من 600كم واللون الاحمر للى اقل من 600 كم واللون الرمادى للى انتهت مده صلاحيتها وتم تركيب غيرها بس تفضل موجوده عشان ترجعلها فى وقت اللزوم الالوان مبتشتغلشى اوتوماتيك لازم تتعمل مانيوال
9- التلات تابات اللى قولنا عليهم فوق

التابه التانيه



ودى سهله وبسيطه جدا
1- صنف قطعه الغيار اللى تم شرائها
2- سعرها غير شامل التركيب
3- مكان الشراء او مكان التغيير لو زيت مثلا
4- ودى خانه للتذكير بالماركات والانواع زى مقاس الجنط والكاوتش
5- لتوضيح النقاط اللى ممكن الواحد ينساها بخصوصها

التابه التالته



جدول حساب الاستهلاك باعتبار انك بتفول كل ما تخش البنزينه
1- تاريخ التفويله
2- الكميه باللترات ممكن تكتب مكان البنزينه لو حابب لو عايز تقارن بين بنزينتين فى جوده البنزبن
3- عداد الكيلومتر وانت بتفول
4- المسافه المقطوعه بالبنزين اللى فى الخانه الاولى يعنى ال30 اللى فى خانه واحد مشونى 250 كم
5- ودى زى كشف حساب لكل مليم صرفته على العربيه وطبعا ده مش عشان تحسب كله فوق تمنها لان دى مصاريف تشغيليه وانت بتدفعها عشان راكب عربيه هو بس عشان تعرف العربيه بتكلفك كام شهريا او نصف سنويا
6- المجموع مضاف اليه التفويلات وعلى فكره هو مبيجمعشى التفويلات لوحده لازم تزودها فى خانه التفويلات مانيوال

الملاحظات
1- انا عملت النسخه الاصليه على اوفيس 2007 وعملت منها نسخه على اوفيس 2003 ورفعتهم الاتنين بس مش متأكد من النسخه بتاعه 2003 هتشتغل كويس ولا هتعمل مشاكل
2- كان نفسى الاقى افتكاسه اخلى الالوان تتغير لوحدها مع قرب ميعاد الصيانه كانت هتسهل كتير جدا على الواحد كل اللى عليه يخش يعمل ابديت للكيلومتر بتاع العربيه وهيلاقى الالوان اتغيرت بس مش مشكله اكيد فى حد منكم هيوصلها ويرفعها بالتعديل الجديد
3- كنت برضه عايز اعمل حسبه تعمل معدل استهلاك للوقود تطلع جنب معدل الاستهلاك يعنى مثلا عملت 250 كم ب20 لتر يعنى عملت فى ال10 لتر 125 كم طبعا ده مثال سهل لكن هيبان لازمته لما تحط 37 لتر وانت عامل 432 كم مثلا
4- الموضوع اخد منى ساعتين تقريبا وكل اللى بطلبه منكم الدعاء لى ولاسرتى وانكم تطورا الفايل شويه عشان يبقى شامل وسهل فى التعامل
5- يا سلام لو المهندس ايهاب يلاقى حاجه تخلى الكيلومتر يتزامن مع الفايل ويعمل ابديت للكيلومتر يبقى مش ناقص غير ان العربيه تروح تعمل صيانتها لوحدها :)

روابط التحميل من 4shared

جدول الصيانات - Download - 4shared - ahmed gallant

جدول الصيانات2003 - Download - 4shared - ahmed gallant