الموضوع: سير كاتينه الشاهين عملها معايا (استرها يارب)

لا حول ولا قوة إلا بالله
الصبح دورت العربية ودارت على طول والحمد لله
روحت مشوار صغير بتاع 1.5 كم لاقيت العربية سخنت
بصيت على قربة المياه لاقيتها فاضية تماما
طفيتها وفتحت الرداتير لاقيته فاضى
دورت العربية
وزودت مياه
وكان معايا فى العربية جركن مليته مياه وقولت هطلع مشوار صغير كده اشوف
طبعا نفسيتى بقت تحت الصفر ومش شايف قدامى من الزهق قولت يبقى اللى عملناه كله راح على الأرض
مؤشر البنزين كان عند الصفر طبعا الميكانيكية مبيتوصوش فى سحب البنزين من التانك
والحمد لله معايا جركن بنزين 4 لتر قولت ازود بنزين
الكارثه بقى انى اتلخبطت بين جركن الميه وجركن البنزين وحطيت بتاع 2 لتر ميه فى التانك
العربية مشيت شوية وبعدين نتشت وطفت وحلفت مهى شغاله
زقتها لحد الميكانيكى فك عمة الكربراتير
وحط خرطوم فى جركن البنزين ووصله على الكربراتير ودورنا العربية والخرطوم اللى طالع من التانك بقى يطلع البنزين اللى بميه على الأرض لحد ما خلص التانك
وغيرت فلتر البنزين وظبطلى السلانسيه
الحمد لله لقينا خرطوم مقطوع هو سبب تسريب الميه اللى حصل الصبح
خرطوم اللى داخل على الدفايه اللى فى الطابلوه الميكانيكى عملها وصله وكله تمام
اجى اطلع بالعربية عماله تنتش وتقطع وتطفى على السلانسيه
والآر بى ام بيعلى وبيوطى
وشويه تتظبط وشويه تعك
مش عارف ياترى الميه لسه يها بقايا وبتعمل كده
ولا فيه حاجه غلط فى الشغل اللى اتعمل فى العربية
انا تعبت قوى ومش عارف اعمل ايه
وزهقت ونفسيتى مدمرة
العربية كانت فله وعمرها ما قلت اصلها معايا قبل كده
امشى بيها شوية كده على ما اخلص البنزين كله وبعدين ابقى أفولها
ولا اعمل ايه ؟

استغفر الله العظيم رب العرش العظيم