حد جرب فتيس الاكسيل الاوتوماتيك

**wesam_salom** · 20-07-2008 07:22 PM

عندى عربيه هيونداى اكسيل اوتوماتيك مريحانى جدا الصراحه ومش ناوى اغيرها
بس فيه مشكله بدأت تحصل معايا من فتره
العربيه وبالذات فتره الصبح اول ما اطلع بيها تمشى على الاول ومترضاش تنقل
او تنقل على التانى وبعدين مره واحده تكلبش فى الارض(تمسك فرامل) وترجع على الاول تانى وتبقى العربيه تقيله جدا
بعدها ممكن ترجع تنقل او ابطل العربيه وادوره تمشى عدل
كانت بتعملها مره كل فتره
بس دلوقتى زودتها وساعات وانا ماشى احس ان العربيه مموره يعنى صوتها يزيد بس سرعتها زى ما هى
روحت لميكانيكى قاللى ده طقم بلوف ودى تكلفتها 600 جنيه
روحت لواحد تانى قاللى لاء طبعا دى حساسات ودى ب500 جنيه
والصراحه انا محتار وخايف يكونوا بيشتغلونى وتكون حاجه صغيره
فياريت اللى عنده خبره يفيدنى ده عيب ايه فى الاتنين ولا اغير الفتيس كله واشترى دماغى ولا ممكن ده عيب حاجه تالته خالص
وياريت لو حد يعرف سعره كام يدلنى

**elrasy** · 20-07-2008 11:19 PM

انا كان عندى اكسيل توماتيك والفتيس غلبى مشاكل وحاولت اصلحة كذا مرة ومنفعش , (اغلب الميكانيكية مبيفهموش فى الفتيس الاتوماتيك).
رحت شارى فتيس استيراد وبصراحة طلع كويس جدا لحد ما بعت العربية.