يباشا لو راشه حوض يعني عامله حادث يعني ابعاد الشاسيه فيها عمرها ماهتزبط زي المصنع, مش تفكير رجعي ولا حاجه, وبرده عمر الميكانيكي المصري ما هيطلع حاجه من تحت ايده زي المصنع ولا اااااااايه؟
عرض للطباعة
موتور زي دة و بيدخن او بيهرب كبس مش حايبقى شنبر و بس, مؤكد حاتلاقي الشمايز فيها خلوص و البساتم متآكلة و طبيعي معها طقم صباب جديد و سبيكة, علشان الموتور لازم يتحكم فوق و تحت كمان و الا مش حايقعد شوية و يفتح تاني
و عن تجربة مافيش عربية هوندا بتشتغل كويس بعد عمرة , حاتلاقية خشن قوي ومش ناعم زي الاول, و مش بيسحب زي الاول, بالبلدي كدة تحس انة بقى لادا مش هوندا, و خلي بالك ان تكاليف عمرتة كبيرة قوي, بستم و صباب و شنبر و سبيكة و مصنعيات و بلاوي تانية حايعمل تمن قريب من تمن الموتور الاستيراد
انا لو منك اريح بالي و اجيب بلوك اخو الموتور اللي فيها (بلوك بالبساتم ) بس فاضي و اركبة في العربية على كل الي فيها , احسن مليووووووووووووووووون مرة من عمره موتور مابتنفعش في هوندا
غير شورت بلوكة احسنلك وريح دماغك
فعلا العمرة ماتنفعش مع مواتير الهوندا ، و التكلفة بتبقي قريبة من ثمنه استيراد
العربية دي لو زرقاء يبقى الموتور اللي فيها فرانكشتين انصحك ترميه وتجيب sir
عموما انا اهو بعمل عمرة لمتوري وعمرة كاملة هخلصه واشوف نتيجته العمرة تكلفتها 3000 طيب متور استيراد ومعرفش حالته بيعمل 5500 جنيه طيب عندي سؤال الي بيركب تيربو لمواتير الهوندا كدا كدا المتور اتفتح بعد م بيتقفل بيكون زي الفل لييييييه فهمووووووني يا جماعة طيب عموما انا هخلص واركب واشوف ايه نظامها ولو معجبتنيش بلاها مواتير الهوندا وارجع اركب مواتير الميني تاني تحيااتي
معلش ياجماعة اللى بيقول مواتير الهوندا مابتتعمرش والكلام الغريب دة
اقولة لأ انت غلطان
العمرة ليها ثلاث حاجات عشان تنجح
1- قطع غيار نظيفة
2- واحد فاهم يشتغل فيها ويقفلها صح
3- تتلين صح
عملت الحاجات دية اقولة ان شاء الله ماتورك رجع جديد
انا واحد صاحبى معاة سيفيك 96 Vti الماتور ال 1600 جاب سبيكة وطقم شنبر
والله العظيم كلمت الميكانيكى قولتلة يعمل اية بالظبط فى عمرة الماتور دة , والصراحة الميكانيكى كان زى الفل ومتفاهم جدا وقبل منى النصائح لانة مش بتاع هوندا
والحمد لله سنتين اهوة والماتور زى الفل معاة , صوت واداء وسحب واستهلاك ونعومة
اعملوا العمرة صح وماتبخلوش عليها , مش واحد يجيى يركب شنابر تايوانى ولا يابانى مضروب ب 150 جنية ويجيب سبيكة ب200 جنية ويخرط كرنك 0.10 , وتلاقى فى الاخر العربية مكملتش معاة شهرين على بعض ويقولك اصل مواتير الهوندا ماينفعلهاش عمرة
يحيا العدل اهو يا جمااعة المواتير بتتعمر اهي وفعلا انا مقتنع بالحجات الي استاذ سامح قال عليها والحمد لله نصحني بحجات وانا قلتها للميكانيكي هو عارفها الصراجة بس للتاكيد بس وربنا يكرم
ياسيدي ماشي ماهو انت لو حاتجيب طقم بستم اصلي و شنبر اصلي و سبيكة اصلي و طقم صباب اصلي دول بس غير الحبشتكانات و الجوانات و الذي منة تمنهم اكتر من بلوكة استيراد هههههههههههههههه